Post Tagged with: "名畫"

名畫《吶喊》扭蛋終於推出 5款動物扮尖叫
by / on 19/10/2019 at 1:21 pm

名畫《吶喊》扭蛋終於推出 5款動物扮尖叫

日本扭蛋公司EPOCH呢款《吶喊》扭蛋之前都見過,今次終於有發售消息公佈嘞。取材自Edvard Munch名畫《吶喊》,不過就變晒做動物,包括有猩猩、樹懶、貓、倉鼠同埋海獺合共5款,除咗擘大口嘅搞笑表情,個身仲係扭曲嘅,好傳神好想儲齊一套,10月底推出,記住留意返。

Read more ›

《吶喊》名畫變《星戰》角色 仲有Mario/Batman
by / on 19/01/2019 at 11:23 am

《吶喊》名畫變《星戰》角色 仲有Mario/Batman

《吶喊》呢幅名畫經常被二次創作,最近日本漫畫家「田丸浩史」喺Twitter分享咗呢幾幅畫,《吶喊》主角變咗C-3PO,其餘仲有好多星戰角色。其實呢啲作品全部來自紐約嘅Sagittarius Gallery,喺Etsy有網店可以買佢嘅作品,除咗星戰仲有Mario、Batman甚至Fight Club經典場面,入嚟有回帶。

Read more ›
Pokemon亂入名畫《吶喊》 東京都美術館限量收藏咭
by / on 16/10/2018 at 7:31 am

Pokemon亂入名畫《吶喊》 東京都美術館限量收藏咭

《吶喊》呢幅名畫大家都識,估唔到會有Pokemon版!最近東京都美術館同Pokemon合作,推出咗一系列嘅「二次創作名畫」,有Card Game收藏咭同埋週邊產品,Pokemon角色變晒吶喊版,超搞笑!預計10月27日發售,喺東京都美術館同埋Pokemon Center Online都有得買,Game Card售價450円,去開東京嘅Pokemon迷記住留意吓嘞。

Read more ›
大師惡搞名畫效果超正 《吶喊》前面出現露體狂
by / on 31/01/2018 at 7:45 am

大師惡搞名畫效果超正 《吶喊》前面出現露體狂

法國插畫師PEZ嘅作品之前都介紹過唔少,最近呢個系列Muses et Hommes (Muses and Men)好正,將經典名畫加咗啲新元素,例如《吶喊》前面多咗個露體狂,Mona Lisa變咗「Money」 Lisa,仲有蘋果教主Steve Jobs同美劇《Breaking Bad》嘅Jesse,幽默得嚟又型,入嚟有得睇,同埋回帶睇返PEZ嘅其他作品。

Read more ›
【撞樣】同名畫主角「撞樣撞髮型」  面部辨識分唔到
by / on 13/09/2017 at 7:22 am

【撞樣】同名畫主角「撞樣撞髮型」 面部辨識分唔到

老實,如果行美術館見到自己個樣同名畫入面嘅主角一樣,感覺都幾尷尬。外國有網站集合咗大量呢類型嘅相片,原來好多人都試過撞樣,而且仲撞埋髮型,相似度最高可以去到99%,最新面部辨識系統都未必分到呀。

Read more ›
【改圖】刺蝟仔變名畫主角 高質改圖刺蝟很忙
by / on 19/07/2017 at 7:19 am

【改圖】刺蝟仔變名畫主角 高質改圖刺蝟很忙

越嚟越多人養刺蝟仔,外國有網站放咗一系列刺蝟仔改圖,又《蒙娜麗莎》又《最後的晚餐》,全部都有呢班得意刺蝟仔出現。零違和之餘仲好可愛!唔止名畫見到佢,星戰電影海報都搵埋佢做背景,好忙呀!

Read more ›

古典名畫二次創作 變龍貓變薩爾達零違和
by / on 25/05/2017 at 7:49 am

古典名畫二次創作 變龍貓變薩爾達零違和

古典名畫又深奧又難明,外國藝術家Lothlenan就諗到將佢哋二次創作,入面嘅主角變成大家熟悉嘅動畫或者遊戲角色,放上網後勁受歡迎。其中最正係將莫奈名畫「Woman with a Parasol」入面嘅角色變咗做龍貓,質素超高而且零違和。另外一張就將Edmund Leighton嘅「The Accolade」變成薩爾達嘅林克同埋公主,有睇開動漫或者打開機嘅睇落特別有共鳴。入嚟仲有其他幾款作品,有外國動漫,亦有Sailor Moon,認唔認得?

Read more ›
【文青必買】梵高Q版figure 左耳拆得甩附送名畫
by / on 12/02/2017 at 7:10 am

【文青必買】梵高Q版figure 左耳拆得甩附送名畫

估唔到畫家梵高都有figure出,而且仲要係Q版。更特別嘅係模仿返佢嘅特徵,左耳竟然可以拆落嚟。梵高figure除咗連埋支畫筆,身後仲有佢著名嘅畫作「The Starry Night」同「The Sunflowerss」任換。呢隻figure喺Kickstarterk有得買,由Today Is Art Day製作,開價美金$21,文青必買。

Read more ›
【萌化】日本插畫師名畫漫畫化        集體二次創作
by / on 23/05/2016 at 7:13 am

【萌化】日本插畫師名畫漫畫化 集體二次創作

日本人眼中所有嘢都可以動漫化,包括世界級名畫。5月26日有本畫集《絵師で彩る世界の名画》推出,搵咗包括「遥キナ」在內嘅43位日本插畫師,一齊將大量世界名畫漫畫化,當中莫內嘅《戴珍珠耳環的少女》係重點作品,效果好靚。其餘名畫大師仲有梵高、畢加索等,書入面每版都會比對返舊作,初回限定有名信片送。

Read more ›
【二次創作】名模雜誌封面key入名畫 超勁零違和
by / on 07/03/2016 at 7:13 am

【二次創作】名模雜誌封面key入名畫 超勁零違和

好勁,呢輯改圖將經典嘅雜誌封面key入名畫,效果敢講係零違和,負責二次創作嘅設計師Eisen Bernard Bernardo,勁在諗得起邊本雜誌配邊幅名畫,應該極考心思。唔知畢加索見到自己嘅畫作變咗現代名模會唔會嚇醒呢?

Read more ›
【文青必住】Airbnb又有新主題房 梵高名畫真實版$10住一晚
by / on 11/02/2016 at 12:26 pm

【文青必住】Airbnb又有新主題房 梵高名畫真實版$10住一晚

Airbnb經常有啲特別嘅筍盤比遊客租住,今次呢間就好有藝術氣質,因為成間房依足畫家梵高嘅名畫而設計,住喺入面就好似置身喺名畫內,好文青。想租呢間房只需要10蚊美金一晚,因為間房係Art Institute of Chicago美術學院設計嘅,目的係宣傳佢哋做緊嘅梵高展覽,各位文青去開美國又想影吓相呃吓Like,就記住儘早book定嘞。

Read more ›

【蒙娜麗莎的肥喵】喵星人突入名畫 超高質逐張重畫
by / on 29/11/2015 at 12:03 pm

【蒙娜麗莎的肥喵】喵星人突入名畫 超高質逐張重畫

經典名畫經常被惡搞,不過今次好高水準,仲有好可愛嘅喵星人,絕對要介紹吓。呢輯名畫由藝術家Svetlana Petrova創作,佢將屋企隻喵星人Zarathustra加入到一批經典名畫入面,當中包括大家熟悉嘅《蒙娜麗莎的微笑》,效果好自然,但係要花嘅功夫就極多,佢話有時單係影一張啱姿勢啱表情嘅貓相,就要花幾個月時間。影完嘅貓相會先用電腦key入名畫度再列印,然後做範本跟住畫返幅畫出嚟,因為咁做嘅效果會更自然。佢而家部電腦有超過7千張愛喵嘅相,佢仲有出版相集,入嚟有呢隻肥喵嘅真人影片睇,成日咕嚕咕嚕又反晒肚,好可愛。

Read more ›
【零違和】耶穌搭地鐵 古典名畫PS融入現代生活
by / on 10/11/2015 at 7:06 am

【零違和】耶穌搭地鐵 古典名畫PS融入現代生活

聖母瑪利亞抱住耶穌搭地鐵?最先我都係俾呢張相吸引住,呢位來自烏克蘭嘅藝術家Alexey Kondakov,將古典名畫嘅角色PS入現代社會場景,搭地鐵、行隧道、拖狗散步,全部生活化嘅場景都會見到古典人物,效果好特別。今次已經係佢嘅第二個系列,勁在全部相都無違和感,就算唔熟悉名畫嘅都會覺得好睇。

Read more ›
【士巴拿好合理】車房技工惡搞名畫 背景變車房臨記好專業
by / on 24/10/2015 at 7:14 am

【士巴拿好合理】車房技工惡搞名畫 背景變車房臨記好專業

作為一個汽車維修員,影寫真都係好合理嘅。呢輯相流傳到去日本,淨係個概念都無得頂,一班汽車維修員模仿返名畫嘅構圖二次創作,不過背景就變咗做車房,一班臨記都好入戲。名畫方面有大家都熟識嘅達文西《最後的晚餐》,不過更正係米開朗基羅創作嘅《創造亞當》,兩隻觸不到的手,中間居然變咗做一支士巴拿,好浪漫!

Read more ›
新片速報     整蠱名畫「專家」     IKEA平價畫有人開價二千萬!
by / on 19/03/2015 at 7:08 am

新片速報 整蠱名畫「專家」 IKEA平價畫有人開價二千萬!

利申,我對名畫一竅不通,只係認得「蒙娜麗莎的微笑」。咁平時IKEA宜家傢俬都會有啲平價畫賣,而其實名畫家同IKEA畫家嘅作品有幾大分別?外國嘅LifefHunter就做咗個測試,將一幅IKEA嘅畫放喺畫廊入面,職員仲呃啲嚟參觀嘅人話幅畫出自瑞典名家IKE Andrews手筆,叫大家鑑賞吓估吓價。有人超認真分析畫家心情,有人居然話想以250萬歐羅(超過港幣2千萬)買走幅畫!最正都係1:22嗰位留鬚嘅專家,吹到好誇張,當職員最尾話佢知幅畫來自IKEA時,佢嗰樣好尷尬‥‥‥

Read more ›