Tag: 名人

【圖集】時裝界災難      網上cosplay專門惡搞名牌衫

【圖集】時裝界災難 網上cosplay專門惡搞名牌衫

近年越嚟越多low cost cosplay出現,其中呢位網名@_emilife嘅意大利男仔Emanuele Ferrari,佢堪稱係時裝界嘅災難。出生自時裝之都,所以佢專門惡搞嘅都係啲名牌衫同埋名人,例如將Angelina Jolie條白色裙執毛變咗隻白貓(留意後面有手幫佢托住),其他道具仲有廁紙、風扇(!)、紙皮同埋雞(!),好正,入嚟有回帶。

Read more ›

【名人專用】防狗仔隊專用絲巾 高度反光旁邊黑晒

作為名人,點都要有返條ISHU絲巾傍吓身。聲稱用咗特別物料,當有狗仔隊開閃光燈拍攝時,條絲巾會高度反光,令旁邊嘅嘢全部黑晒。名人Paris Hilton同Rapper DMX都有一條。不過話明係target明星,所以價錢都唔平民,紅色版本賣英磅£289,即係大約3千蚊港紙;黑白圖案嗰條係限量版,賣£355,另外仲有出電話套,索價£60。我哋呢啲一般平民,平時行為檢點啲就得啦,邊有人咁得閒偷影,仲要開閃光燈。

Read more ›

【撞衫圖集】著名人tee撞正名人 奇妙時刻火速自拍

適當嘅時候著上適當嘅tee好重要!你睇日本女星經常著錯粗口tee上節目就知。咁如果著住莎朗史東《本能》嘅print tee,又咁啱撞到莎朗史東本尊,點算好?大部份人都係即時拎部手機出嚟自拍。網站imgur有人就開咗個post,將呢堆咁啱得咁蹺嘅撞tee相集齊一套同大家分享,除咗莎朗史東,仲有史匹堡、Jeff Bridges,比在係我,應該開心到唔記得咗影相,另一方面,睇得出比人著住嗰位名人其實都好興奮。

Read more ›

《The Walking Dead》Rick捕獲Grumpy Cat 網友:「起碼殺幾隻喪屍!」

Grumpy Cat經常比人野生捕獲,啱啱就有《The Walking Dead》嘅Rick (Andrew Lincoln),兩隻手已經攬實晒成隻喵,好Man!張相放上FB後網友即時起哄,有人話Grumpy Cats一出起碼殺幾隻喪屍,有人話睇Grumpy Cat個樣就知佢想今季全部人死晒。其實除咗呀Rick,仲有好多名人同過Grumpy Cat影合照,例如名嘴Conan O’Brien、籮霸Jennifer Lopez、《Game of Thrones》嘅Peter Dinklage(呢張係惡搞嘅),入嚟有回帶。我最欣賞係Grumpy Cat無論同任何人影相,都係一幅臭臉,呢啲咪巨星囉!

Read more ›

12位名人父母對比 Will Smith阿仔勁似樣

阿爸阿媽同個仔女似樣係天公地道,除非父母整過容唧,不過外國網Buzzfeed搵咗12位名人同父母嘅相片做對比,又的確好好睇。因為網站入面每張相都有個箭嘴,將mouse指左指右,就可以將兩張相做對比,唔知點樣做到,但係又好好玩喎。睇唔明可以入嚟慢慢玩。今次總共搵咗12位名人做示範,Angelina Jolie同佢爹哋好似樣,湯漢斯個仔似乎靚仔過老豆好多,最似都係Will Smith,同個仔好似餅印一樣。

Read more ›

名人裸照惡搞 唔怕尷尬三點不露

香港藝人成日有閃咭裸照流出,外國都一樣。外國有班無聊友開咗個網站The Unfappening,將唔小心流出街嘅名人裸照惡搞,喺佢哋身上畫公仔,有啲變wonder woman,有啲比機械手襲擊,總之重要部位都幫你遮晒佢,幫佢哋保留返少少尊嚴。好處係喺公司都可以睇唔怕尷尬,唔好處我唔講喇。不過呢批相網上應該有大量原圖,作為一個負責任嘅網站‥‥‥我哋當然唔會舖!

Read more ›