Post Tagged with: "吊飾"

米洋擺檔 香港地區擬人化明信片+吊飾+貼紙+Mean-Mo紙
by / on 18/12/2019 at 7:45 pm

米洋擺檔 香港地區擬人化明信片+吊飾+貼紙+Mean-Mo紙

正喎又,米洋擺檔,其創作嘅香港地區擬人化畫作將製成明信片、吊飾、貼紙同Mean-Mo紙等等。當中,我比較鍾意6cm x 6cm雙面吊飾,萌化公仔樣合我口味,可惜我住觀塘區,但偏偏就無觀塘區,退而求其次,旺角同中環兩區都唔錯。

Read more ›

芒亨獵人必買裝備 導蟲籠/回復藥吊飾
by / on 17/07/2018 at 7:51 am

芒亨獵人必買裝備 導蟲籠/回復藥吊飾

作為一個專業獵人,隨身帶備導蟲籠、回復藥、全熟肉以至補給箱都好合理。Capcom最近推出咗幾款芒亨嘅吊飾,全部可以喺eShop預約,個人最想要係個導蟲籠,預計9月27日發售。

Read more ›
謝曬皮少女吊飾 維園年宵Must入Item
by / on 24/01/2017 at 10:00 am

謝曬皮少女吊飾 維園年宵Must入Item

我愛謝曬皮!正!原來佢今年都有參與年宵,不過就係搭單,喺阿塗個「小學雞精班」攤位寄賣精品。謝曬皮啲畫有幾醜大家心中有數,但醜得嚟過癮卻又係事實。真心Mode,少女人型公仔、Card Holder、襟針我都有興趣入,至於吊飾咯喎,就更加係Must入Item喇,斷估呢個世界都無咁醜樣嘅公仔吊飾,物以罕為貴,唔入點得?

Read more ›
蛋黃哥食物吊飾 變身飯團哥/甜筒哥
by / on 17/09/2015 at 7:06 am

蛋黃哥食物吊飾 變身飯團哥/甜筒哥

又嚟嘞!呢隻超hea嘅蛋黃哥,個個星期都有新產品公佈,今次就到呢個細細件嘅食物吊飾,一式五款,三角紫菜飯團勁得意,喺入面爬爬吓嗰款甜筒都好搞笑,仲有漢堡、腸仔、蘆筍等唔同食物,唯一不變嘅係佢都係口擘擘勁懶散!今個月推出,每扭一次200円,去開日本記住帶埋佢哋返香港嘞。

Read more ›
新片速報 喵星人吊飾遮敏感部位 更鮮明更出眾
by / on 17/07/2015 at 7:07 am

新片速報 喵星人吊飾遮敏感部位 更鮮明更出眾

好高深嘅設計,呢個遮住喵星人米字部位嘅小掛飾,圈喺條尾嘅根部,吊墜啱啱好遮住佢嘅敏感部位,而且仲要係閃石設計,等呢個部位,無論出現嚮咩地方,都好似漆黑中嘅螢火蟲一樣,咁鮮明,咁出眾!但係去廁所辦大事嘅時候咪好唔方便?仲有,去完廁所想清潔嘅時候可能又會擋住喎,估計喵星人應該會鍾意坦蕩蕩多啲。BTW,由Cat Crib出品嘅呢個Twinkle Tush,售價美金$6,相信主要都係用嚟整蠱人(貓)嘅。

Read more ›
有片  無氣可口可樂   18款世界盃特別版
by / on 16/01/2014 at 7:18 am

有片 無氣可口可樂 18款世界盃特別版

可樂迷注意,今個星期三巴西將會推出18款世界盃限定版樽裝可樂,不過無氣嘅,因為係迷你樽裝嘅吊飾。為咗慶祝2014世界盃6月喺巴西舉行,官方推出一系列以國家為題嘅迷你可樂樽吊飾,包括曾經舉辦過世界盃嘅阿根廷、日本,或者將會舉行嘅俄羅斯、Qatar等。可樂樽仲加入咗AR功能,可以透過手機玩互動,亦可以透過Facebook、iPhone或者Android apps同其他有買吊飾嘅朋友仔share訊息,香港暫時未有消息,有興趣嘅搵舖頭問吓啦。

Read more ›

《Puzzle & Dragons》賀年吊飾    搵多啲課多啲金
by / on 29/12/2013 at 2:08 pm

《Puzzle & Dragons》賀年吊飾 搵多啲課多啲金

日本街機會出《Puzzle & Dragons Battle Tournament》,嚟緊又同《Hunter x Hunter》合作,睇嚟PAD今年都有排玩。想今年抽多啲靚嘢、轉珠順風順水,可以去求道平安符保佑吓,啱啱見倒日本推出呢套1式10款嘅PAD必勝系列手機吊飾,又超成功又金龍,全部勁好意頭,開價380円一盒,1月27日發售,擺明保佑你今年搵多啲錢課多啲金啦!

Read more ›
12生肖骷髏手機吊飾    馬年擋煞
by / on 26/10/2013 at 5:13 pm

12生肖骷髏手機吊飾 馬年擋煞

玩具嚟講,我覺得呢款幾有創意,仲好啱中國人o忝。日本海洋堂又有新扭蛋出,今次玩12生肖,不過係骷髏頭骨版,睇落像真度高,又幾醜樣,每個仲有條繩跟比你當手機吊飾用,預計今年底推出,聽聞遲啲仲會推出金色、銀色嘅隱藏版,好認真。如果下年馬年犯太歲,買隻骷髏吊飾掛身擋擋煞都唔錯,不過唔知阿媽會唔會發脾氣呢。

Read more ›
Hello Kitty再乘貞子 手機殼/吊飾必儲
by / on 10/08/2013 at 5:22 pm

Hello Kitty再乘貞子 手機殼/吊飾必儲

再嚟貞子,電影《貞子3D 2》日本8月30日先上畫,不過宣傳人員好勤力,繼推出手機app、手機遊戲、figure同埋飲品後,最新動作係再次同Hello Kitty聯乘,Hello Kitty照舊留長頭髮仲遮住塊面得返一隻眼,好得意!恐佈不足搞笑有餘,今次第二彈有齊手機吊飾、手機殼、鏡、毛巾等等產品,去開日本點都要買返少少做手信。

Read more ›