【怪賊】日本地鐵車廂吊環被偷 330個吊環離奇失踪

早兩日先報導過日本地鐵有心型吊環扶手好浪漫,點知啱啱就見到呢單東京地鐵車廂吊環被盜新聞,不過就係傳統嗰種圓形吊環。最近日比谷線有3個車廂吊環俾人連帶拆走,地鐵職員發現後報警,傳媒發現原來已經有330個吊環被盜,日本網民嘅回應都好精警,有人話:「估唔到有戀環癖」、「應該係電車宅做啦」、「係咪跟蹤狂見到鍾意嘅女仔揸過所以拆走?」、「偷嚟放喺廁所掛毛巾?」、「係咪俾中國人當旅行紀念品拎咗返屋企?」睇返網民分享嘅相,原來有人會偷嚟裝喺車尾死氣喉旁邊,日本亦有網站轉售呢啲吊環,最正都係有人問:「係咪偷咗嚟做動漫角色艾露露嘅頭飾?」

Read more ›