Post Tagged with: "司徒劍僑"

乜料?司徒劍「橋」幫KFC畫《避風堂傳》?
by / on 02/10/2019 at 9:15 pm

乜料?司徒劍「橋」幫KFC畫《避風堂傳》?

剛瀏覽「KFC」面書專頁,驚見一張疑似司徒劍僑幫KFC畫嘅《避風堂傳》宣傳圖,介紹其出品避風塘脆辣雞,圖寫「創刊零號」,加埋構圖,真係十足十港漫封面;觀其畫風同人物面相,又真係好似出於司徒劍僑手筆。咁點解我話係「疑似」呢?因為宣傳圖寫住「司徒劍橋編繪」,「橋」?「僑」先啱喎,究竟係堅料定玩嘢?媽我好亂。如果係真,希望KFC將之印成Poster或宣傳單張,我會去攞番一張留念。

Read more ›

司徒劍僑操刀《古惑仔》封面 你估大梵定李成克瓜柴?
by / on 12/07/2019 at 7:34 pm

司徒劍僑操刀《古惑仔》封面 你估大梵定李成克瓜柴?

奉牛佬諭,今期第2251期《古惑仔》由司徒劍僑操刀封面,因為「好有動畫味道」關係,懇請大家買三本支持,之後影張相掟上網,就有機會攞到今期封面草圖。And,睇完今期,我個心有啲慌,因為最尾一頁寫明「兩個,只能活一個」,二死一,我估今次打柴嘅係大梵,原因有二,一,大梵呢個金蒙空已經寫到有啲老,無乜發揮機會,家陣出親場都係幫陳浩南打交,照計錢佢有,名佢有,勢力佢都有,無乜理由劑劑都肯做陳浩南陣前卒,睇嚟牛佬有少少似唔知點處理呢個角色咯;二,我的私心,我鍾意李成克多啲,計人物性格,佢有血有肉啲,角色立體啲,同埋,有佢,先有機會見到九尾狐出場,而我,係幾Like九尾狐呢個角色嘅,因為畫得好索。

Read more ›
司徒劍僑大作現身機場月台幕門 先睹為快
by / on 02/07/2019 at 8:51 pm

司徒劍僑大作現身機場月台幕門 先睹為快

之前曹志豪同李健良都試過喺機場月台大型幕門展出巨型畫作,家陣輪到司徒劍僑,本來佢諗住周五先公佈有關消息,點知有讀者今日路經見到仲Post埋上網,大家得以先睹為快。司徒劍僑話記得留意佢面書,因為周五上午會有開幕典禮Live,而呢排出入機場的話,記得打卡,最好之後再Post番張相上佢面書,支持吓。

Read more ›
《司徒劍僑畫集》再版簽名會 加推劍僑x老馮畫板$200
by / on 08/03/2019 at 9:30 am

《司徒劍僑畫集》再版簽名會 加推劍僑x老馮畫板$200

之前報導過司徒劍僑會畫過另一個封面,再版《司徒劍僑畫集》,兼鐵定3月16日喺「收藏家港漫專區」搞簽名會。唔只咁呀,同場加映司徒劍僑聯乘馮志明會場限定版畫板發售,每幅$200!Wow!論畫風,劍僑一貫雕花,老馮粗獷霸氣,呢個組合Jam畫又幾有新鮮感喎。唔信?Post埋相畀你睇,畫得好正斗架。

Read more ›
《司徒劍僑畫集》再版$300 開簽名會加推手繪封面展覽
by / on 25/02/2019 at 8:30 pm

《司徒劍僑畫集》再版$300 開簽名會加推手繪封面展覽

好後悔無買已搶售一空嘅《司徒劍僑畫集》,不過好彩有得補飛,事關司徒劍僑決定再版,「收藏家港漫專區」即日起開訂,每本$300,留意番,再版內容一樣但封面唔同。3月16日,司徒劍僑會駐場漫畫店,搞番個簽名同大家影相吹吹水;另,同場加映35本手繪畫集展覽,大家記得打卡。

Read more ›
撐司徒劍僑簽名會 同場加售尊貴畫板
by / on 21/01/2019 at 9:15 pm

撐司徒劍僑簽名會 同場加售尊貴畫板

有無訂《司徒劍僑畫集》?我無,不過有同無都有必要出旺角走一趟。本周六,司徒劍僑將會喺「收藏家港漫專區」搞簽名會。訂咗畫集嘅,可以即場攞書;無訂者如我,可以即場購買,因為仲有少量現貨,不過講明先,唔知有幾「少量」,所以要同我一齊搶,每本$300。另,現場亦有司徒劍僑x邱福龍尊貴畫板發售,限50幅,每幅$200,都係要搶的。

Read more ›

風塵三俠漫畫原稿展 馮志明+司徒劍僑+栢迪開分享會
by / on 17/01/2019 at 8:15 pm

風塵三俠漫畫原稿展 馮志明+司徒劍僑+栢迪開分享會

之前咪介紹過「風塵三俠漫畫原稿展」嘅,嚟緊周六我會補飛睇番。卻原來,聞畫之外,馮志明、司徒劍僑同栢迪仲會搞番個分享會,主旨言簡意賅,就係「如何將藝術愛好觀賞者帶到漫畫領域」。Very good,因為家陣仲有唔少人將漫畫定性為次一等嘅公仔書、連環圖,屏之於藝術門檻之外,家陣由三位資深港漫主筆主講呢個題目,一定有說服力,我好有興趣聽吓佢哋點講。

Read more ›
風塵三俠漫畫原稿展 首展橫刀雕像打卡
by / on 15/01/2019 at 9:00 am

風塵三俠漫畫原稿展 首展橫刀雕像打卡

死火!上個禮拜Miss咗「風塵三俠漫畫原稿展」添,好彩嚟緊禮拜六日仲可以補飛。風塵三俠者,馮志明、司徒劍僑同栢迪是也,三位香港漫畫家手畫有幾掂,相信唔使多介紹,家陣仲要係原稿展,真跡呀喂,並唔係複製印畫,大家更加要撐。另,同場會首次展出太歲傑作新版橫刀雕像,到時記得打卡,報告完畢。

Read more ›
2019年港漫第一砲 《司徒劍僑畫集》$300要搶
by / on 07/01/2019 at 1:28 pm

2019年港漫第一砲 《司徒劍僑畫集》$300要搶

呢本要買呀,我一定買呀,港漫2019年第一個重頭砲《司徒劍僑畫集》開訂呀喂!嚴選司徒劍僑入行35年以來十幾套作品,用今日畫風重新演繹一次,另加未曝光畫作,再送多張八仙道3D立體畫,每本$300,留意番,限量400本,要搶架。未講完,更更更重頭砲嘅有尊貴手繪版《司徒劍僑畫集》,附邱福龍聯乘司徒劍僑聯手繪畫印刷畫板一幅,每本有獨立編號,盛惠$2888,限畫35本,更加要搶。

Read more ›
《九龍城寨》漫畫第二部典藏版封面曝光
by / on 11/06/2018 at 10:00 pm

《九龍城寨》漫畫第二部典藏版封面曝光

2018書展就快殺埋身,「創造館」今年會推出《九龍城寨》漫畫第二部典藏版,封面剛剛釋出,大大個陳洛軍,啱睇吖嘛。余兒露透話,屆時司徒劍僑「大有機會」現身到場簽名,大家識做喇。

Read more ›
網圖分享:司徒劍僑的《四大名捕》
by / on 07/05/2018 at 9:16 pm

網圖分享:司徒劍僑的《四大名捕》

無聊瀏覽司徒劍僑面書,見有留言曰:「好耐冇畫過F4,竟然完全記得點畫。」佢手畫靚成點,唔使多介紹,都仲未上色,已經高質到可以Save as wallpaper;我想講嘅係,或者應該咁話,我想代港漫迷講嘅係:「司徒劍僑,我哋都好懷念F4,幾時回歸港漫大家庭,出番本薄裝書?」就算再寫《四大名捕》都唔拘架,我──真的多麼懷念無情盛餘崖、鐵手鐵游夏、追命崔略商同冷血冷凌棄。

Read more ›

網圖分享:Eric Ng的面書版「七十二大圖集」
by / on 29/06/2017 at 12:00 pm

網圖分享:Eric Ng的面書版「七十二大圖集」

好早知道大好人Eric Ng會聯同曹志豪推出《七十二行》實體畫集,畫集會喺書展出版,有三十幾個畫手參與,另有四十幾幅插圖,會集畫、相同文字於一身,我係好拭目以待嘅。書展未到,畫集未有得睇,但可以睇住面書版迷你「七十二大圖集」先,Eric Ng力邀眾畫手用Q版畫香港老行業,每星期Share十張畀大家欣賞。靚畫固然好睇,睇完,你又估唔估到畫緊乜老行業?

Read more ›
司徒劍僑網上連載《絕行者》 十粒星推介
by / on 22/03/2017 at 9:24 pm

司徒劍僑網上連載《絕行者》 十粒星推介

終於有空,可以靜靜欣賞喺漫畫App「騰訊動漫」連載嘅司徒劍僑作品《絕行者》,睇完第六回,大致感覺係──題材新鮮、故事節奏明快、角色性格鮮明、構圖好有電影感。地產商、釘子戶、飛車特技、電單車、武功、劍氣、神秘死亡預言……明明幾樣嘢好九唔搭八,居然撈埋一齊嚟講又好有紋有路;故事推進得好快,第一回已經有人死,第六回已經打到飛天;角色方面,高飛有情有義、Andy狂傲難馴、安安真係安安份份地做花瓶、「九龍皇帝」畢老死牛一面頸、神秘女高手草菅人命,全部都令人留下深刻印象;構圖亦係精采,尤其Like劍氣當地盤工具係豆腐咁割連續嗰幾格,實在係正。有讚無彈?係呀,無收司徒劍僑錢,我有嗰句講嗰句,真心覺得好正,如果之後可以出埋實體書就好咯,咁當然,首要條件係唔好爛尾先喇。

Read more ›
網圖分享:謝志榮的水墨版梁山好漢
by / on 26/09/2016 at 10:00 pm

網圖分享:謝志榮的水墨版梁山好漢

施耐庵《水滸傳》好唔好睇?梗係好睇喇,我細細個已經追通宵喇;司徒劍僑改編過成漫畫,叫《一零八》,唔只畫功,連故事亦係上乘之作。無端端點解發起呢個話題?事關資深漫畫家謝志榮,喺面書發佈咗七個水墨版梁山好漢,如果無睇錯的話,應該係畫咗行者武松、神行太保戴宗、青面獸楊志、小李廣花榮、豹子頭林沖、九紋龍史進同花和尚魯智深。水墨配一百零八個好漢,感覺係零舍夾嘅,雖然未知謝志榮有乜新搞作,但有好畫欣賞,亦港漫迷之福也。支持,加油,最後畫晒一百零八個好漢,等你呀謝志榮!

Read more ›
有片:戥余兒開心!《九龍城寨》出電影宣傳片!
by / on 01/08/2016 at 9:45 pm

有片:戥余兒開心!《九龍城寨》出電影宣傳片!

陳洛軍、吉祥、大老闆、AV、信一、十二少、龍捲風……係好開心嘅,如果你同我一樣都係司徒劍僑Fans的話,我諗連小說原著者余兒都估唔到自己嘅作品《九龍城寨》可以拍成電影,而出任電影監製嘅,係監製過《無間道》系列、《頭文字D》同《志明與春嬌》嘅監製莊澄。雖然電影2017年先上映,但余兒已經急不及待掟咗條宣傳片上YouTube,雖然成條片都係由舊畫稿Edit而成,但一加咗幾句旁白──「恩怨,在血色之夜結下」、「反抗,就是唯一的出路」、「絕境,得到重生的機會」、「活著,讓我活得有希望」、「用鮮血用汗水,粉碎敵人的靈魂」、「建立屬於我們的新世界」,就霎時熱血唔少。依家睇番,司徒劍僑啲畫都仲係咁靚。

Read more ›