Tag: 司徒劍僑

司徒劍僑《八仙道封面精選集》手繪畫 印成Postcard $98

司徒劍僑《八仙道封面精選集》手繪畫 印成Postcard $98

話說司徒劍僑之前推出《八仙道封面精選集》,普通版售$388,限量10本手繪版售$3880,大受歡迎。最新消息係,今年動節漫節續有普通版發售,至於早早售罄嘅手繪版呢,則會將畫好嘅十幅手繪畫印製成精美盒裝Postcard發售,每盒$98。吓?咁都得呀?嗯,都當真好善用資源吓……

Read more ›

司徒劍僑《八仙道封面精選集》7月6日開賣 手繪特別版$3880

司徒劍僑《八仙道封面精選集》7月6日開賣 手繪特別版$3880

嗱,是咪司徒劍僑Fans先?咁呢本《八仙道封面精選集》無得唔買喇,標準版內有30張封面純彩圖,A3 size,包珍藏盒同編號證書,限量388本,7月6日開賣,售$388,價位相當舒服,如欲訂購可親臨「先達漫畫店」。咁有得標準版就當然有手繪特別版喇,限量10套,包珍藏盒,售$3880。貴?價位望落無疑進取咗啲,但貴唔貴就真係見仁見智啦,正所謂千金難買心頭好嘛。買以上任何版本,仲可以$100換購馮志明聯乘司徒劍僑創造嘅畫板一張,畫板限量100幅,講到明唔會公開發售,好珍貴架。

Read more ›
栢迪+袁家寶+曹志豪+司徒劍僑開酒吧Heal Club 無敵夜景BBQ任食

栢迪+袁家寶+曹志豪+司徒劍僑開酒吧Heal Club 無敵夜景BBQ任食

好得很,From now,港漫迷又多一個朝聖地方「Heal Club」。呢間酒吧嘅老闆係你我都好熟識嘅港漫主筆栢迪、袁家寶、曹志豪、司徒劍僑及本身係「兩合特色餐廳」主理人嘅Eric Ng。陳科琳、梁光明同鄺彬強都留過腳毛,有噱頭嘞啩。食乜先?主打4小時BBQ放題,位置喺銅鑼灣商廈,齋望相,淨係個擁有無敵夜景嘅超大露天位已經超好Feel,一啖肉一啖酒,同三五知己吹吓漫畫經著實唔錯。望埋價錢,15位以上每位$400,15位以下每位$450,唔敢話超平,但絕對合理。Well,我都會認真吹個大雞上去捧場,唔知到時會唔會咁好彩撞到咁多位主筆呢?諗吓都開心。

Read more ›
司徒劍僑《Z画集》開訂 分三個版本必撐

司徒劍僑《Z画集》開訂 分三個版本必撐

望穿秋水,司徒劍僑本《Z画集》終於聞到樓梯響了,詳細資料如下:分三個版本,最平係標準版,硬皮封面隨機送白一郎、銀鈴或龍健人物卡一張,售$350;再來有珍藏版,包收錄畫集所有黑稿嘅《原案全紀錄》、證書同銀鈴印畫板一張,售$680;最後有手繪版,售$3380,不過聽講已經售罄了。三個版本都講明2022年第二季可以到手。呢條News係後知後覺咗啲,但真心想開心Share,大家記得撐劍僑呀喂。

Read more ›
很想要吧!司徒劍僑x倫裕國畫板!

很想要吧!司徒劍僑x倫裕國畫板!

無乜特別,見張宣傳海報細細張圖唔多清楚,咪清晰啲Share吓倫裕國聯乘司徒劍僑嗰張合併畫板囉。提多次,一次過購買全套牛佬《古惑仔》黑線原稿畫集,就可以得到呢幅畫板喇。畫板咁靚,唔知會唔會增加你購買意慾呢?

Read more ›
司徒劍僑問讀者 復刻《天人》定《八仙道》好?

司徒劍僑問讀者 復刻《天人》定《八仙道》好?

早幾日,司徒劍僑開Post,話想整番個民意調查,問廣大讀者如果搞復刻,想復刻《天人》定《八仙道》?大家不妨留言畀吓意見,不過計我話,兩本都復刻咪唔使煩囉。Or,If可以的話,出本新書又得唔得,我諗讀者會更開心。

Read more ›

網圖分享:紅到爆的《鬼滅之刃》(四)

網圖分享:紅到爆的《鬼滅之刃》(四)

《鬼滅之刃》熱潮未斷,司徒劍僑同黃國興都忍唔住露兩手,佢哋筆下嘅禰豆子,你哋有畀幾多分?

Read more ›
網圖分享:司徒劍僑的《四大名捕》

網圖分享:司徒劍僑的《四大名捕》

好葡萄,又心心眼了,呢幅《四大名捕》真係靚到啪啪聲,係司徒劍僑畫畀好友嘅,獨一無二。久違了的鐵手、追命、冷血And無情,我好掛住你哋呀,司徒劍僑可唔可以畫多幅畀我呀?嗯……發吓夢唔得咩?

Read more ›
《Milk》推出《機動戰士高達》特刊 司徒劍僑畫海報搞簽名會

《Milk》推出《機動戰士高達》特刊 司徒劍僑畫海報搞簽名會

高達迷And司徒劍僑Fans請留意,話說11月25日出版嘅《Milk》推出《機動戰士高達》特刊,有關高達嘅歷史同資料得日本官方認可,仲有3款海報隨書隨機附送添,有必要買番本珍藏,每本$60。呢三張海報分別係周俊輝《人類總要重複同樣的錯誤》、司徒劍僑《RX-78-2 and AMURO》、司徒劍僑同廖光祖聯合繪畫嘅《RX-93 and AMURO》,Size係400mm × 560mm。家陣買書,仲有機會見一見司徒劍僑添,事關「至Goal Club」邀請到佢搞快閃簽名會,日期係11月29日,大家記得捧場。And,人多,到時記得戴口罩,做個負責任嘅文明香港人。

Read more ›
余兒x司徒劍僑《九龍城寨漫畫十年》 周六搞新書簽名會

余兒x司徒劍僑《九龍城寨漫畫十年》 周六搞新書簽名會

呢個禮拜有好節目,大家記得預番時間參加《九龍城寨漫畫十年》簽書會,隨書會附送一張Postcard。留意番,新書周五各大中小書報攤開售,留番周六簽書會先買呢,有88折兼有親筆簽名兼可以同余兒、司徒劍僑影相打卡,咁大家知點揀喇。

Read more ›
余兒x司徒劍僑《九龍城寨漫畫十年》10月24日見街 有簽書會

余兒x司徒劍僑《九龍城寨漫畫十年》10月24日見街 有簽書會

來了!十年重聚!Re-union!余兒x司徒劍僑《九龍城寨漫畫十年》鐵定10月24見街,到時會喺「創造館」搞簽書會。大家記得去捧場,影相打卡買書,好節目也。

Read more ›

余兒x司徒劍僑 《九龍城寨漫畫十年》10月見街

余兒x司徒劍僑 《九龍城寨漫畫十年》10月見街

十年,眨眼就十年了,余兒原著、司徒劍僑繪畫嘅《九龍城寨》十年前創刊,十年後嘅今日,有呢本《九龍城寨漫畫十年》紀念特刊。此書144頁,內容豐富,收錄漫畫番外、原作解說、經典場面、封面回顧同城寨百人,售$88,10月有得賣,余兒透露屆時會搞埋首賣簽名會,開心!

Read more ›
司徒劍僑贈《超神Z畫集》水彩原畫 兩合特色餐廳朝聖

司徒劍僑贈《超神Z畫集》水彩原畫 兩合特色餐廳朝聖

拜訪過「兩合特色餐廳」未?老闆Eric Ng同好多香港漫畫家相熟,漫畫家們經常嚟呢度開飯,亦不吝獻畫畀佢鋪牆。係,畫作數量之多,真係多到可以用嚟鋪牆的,所以身為港漫迷,係好應該去朝聖吓打個卡的。而最新,有司徒劍僑送畀老闆嘅《超神Z畫集》水彩原畫,我──好心心眼。

Read more ›
創造館優惠 $1000買全套14期《九龍城寨》珍藏本

創造館優惠 $1000買全套14期《九龍城寨》珍藏本

書展檔期,出版社「創造館」推出優惠,$1000就可以買晒全套1至14期《九龍城寨》珍藏本。面書專頁有此留言:「一次過排晒啲封面出嚟真係靚。」梗係靚喇,司徒劍僑手筆邊會唔靚,想像到一字排開何其壯觀,誇張啲講句當買封面都抵;又有此留言:「拎咗一皮嘢回水嘅你,拎10分1出嚟就可以擁有佢。」講得啱,有閒錢咪幫手振興經濟囉,買精神食糧唔過份啫。不過話時話,呢一皮嘢你收到未?

Read more ›
乜料?司徒劍「橋」幫KFC畫《避風堂傳》?

乜料?司徒劍「橋」幫KFC畫《避風堂傳》?

剛瀏覽「KFC」面書專頁,驚見一張疑似司徒劍僑幫KFC畫嘅《避風堂傳》宣傳圖,介紹其出品避風塘脆辣雞,圖寫「創刊零號」,加埋構圖,真係十足十港漫封面;觀其畫風同人物面相,又真係好似出於司徒劍僑手筆。咁點解我話係「疑似」呢?因為宣傳圖寫住「司徒劍橋編繪」,「橋」?「僑」先啱喎,究竟係堅料定玩嘢?媽我好亂。如果係真,希望KFC將之印成Poster或宣傳單張,我會去攞番一張留念。

Read more ›