Tag: 史萊姆

史萊姆層層叠收納小鉢 女仔裝小飾物啱晒

史萊姆層層叠收納小鉢 女仔裝小飾物啱晒

《勇者鬥惡龍》嘅史萊姆一直有大量fans,之前出嘅眼藥水賣到斷貨,巨型咕臣都好多人想買。最新有呢個小物收納器,三隻色可以叠高,個蓋仲可以打開,女仔用嚟放飾物仔例如戒指、耳環就最啱嘞。8月5日發售,日本Amazon有得訂,本體呎吋大約係7cm(高)x8cm(闊)x8cm(直),細細隻好可愛!

Read more ›

日本超巨型史萊姆攬枕      軟綿綿超好攬

日本超巨型史萊姆攬枕 軟綿綿超好攬

史萊姆最近好多產品推出,除咗必買眼藥水之外,如果屋企夠大,真係可以考慮吓帶埋呢隻巨型史萊姆返屋企。呎吋係65cmx60cm x60cm,成個人撻上去瞓應該好爽。7月22日發售,開價15800円,大約港幣1100左右,唔算好平,不過fans應該好難忍。

Read more ›
月尾限量發售 日本樂敦「史萊姆」眼藥水

月尾限量發售 日本樂敦「史萊姆」眼藥水

就算冇玩《勇者鬥惡龍》,都實認得呢隻「史萊姆」啦?嚟緊5月27日,日本「ロート製薬」就會推出呢款特別版「ロートジー」眼藥水,5月27日全日本發售,手信呀手信呀!

Read more ›
【新片速報】日本Lawson送史萊姆杯蓋   網民自製啫喱變硬膠

【新片速報】日本Lawson送史萊姆杯蓋 網民自製啫喱變硬膠

呢段片好有動感,雖然震震吓睇得唔清楚,但中間左邊藍色嗰嚿其實係史萊姆啫喱嚟嘅。最近喺Lawson買炸雞有右圖嘅特別版包裝,好多人用個史萊姆蓋嚟整啫喱,據聞仲有人用嚟整巨乳布甸(!)。講返段片,由日本網民製作,不過佢話落得太多魚膠粉,所以完成品膠得滯,佢仲即場用個鐵匙羹搖佢,不過好明顯無水動樂嘅效果。

Read more ›

超巨型稻草史萊姆王 勇者遇到可以點做?

呢啲巨型稻草作品好靚,之前都喺福岡見過哥斯拉啦,今次就輪到埼玉縣行田市嘅「古代蓮の里」。超巨型嘅「キングスライム」現身!如果有埋勇者義彥喺度就好喇。

Read more ›

日本網民創意DIY 簡單製作「史萊姆」噴水壼

最緊要簡單嘛,如果到呢個形嘅噴水壼,真係你同我都做得到,如果香港冇,咁下次去日本就要留意吓100円店喇。呢位日本網民就用呢款噴水壼加對眼同個嘴,簡單幾個步驟就完成兩個《勇者鬥惡龍》「史萊姆」噴水壼,效果直情係官方產品級數啦。

Read more ›

史萊姆手機叉電器 今日e-store開賣

《勇者鬥惡龍》部特別版3DS我無乜興趣,不過呢款史萊姆手機叉電器我真心覺得幾得意。賣1980円,睇見佢個可愛樣我就想買返屋企,雖然明知佢唔荒多電。除咗立體淚滴型,仲有一款扁口扁面嘅史萊姆,都係藍色,想實用啲,之前都介紹過一歡老實款式黑色火牛咁款嘅史萊姆叉電器,男用家可能會鐘意,入嚟有回帶。

Read more ›

2300mAh尿袋史萊姆 手機靠佢儲Lv得半飽

呢舖真係勇者鬥惡龍喇! 史萊姆形象百變就大家都知, 但玩到上尿袋……果然係史上最難纏生物! 難度最高之處, 係佢只有2300mAh容量, 用佢叉手機真係只可畀你食到半飽, 但係你又好想擁有嗰下Fans心態先弊傢伙! 機身只有一個1A輸出USB插口, 所以每次只可以叉一樣嘢! 價錢係2,580円, 日本11月29號推出!

Read more ›

史萊姆沙漏 兩隻顏色7月發售

《Final Fantasy》呢排就話題好多,雷姐回歸就講咗11月21日出,過幾日E3又話有FF新作新資料公開。咁同社嘅《DQ》勇者鬥惡龍呢,就都繼續有產品出,就係經典中嘅經典怪物史萊姆,呢個用兩個史萊姆倒轉黐埋整成嘅沙漏,有藍色同銀色難打啲嘅金屬史萊姆,100mm x 53mm,2,200円,7月27日推出,除咗喺e shop有得訂外,Square間新餐廳都有得賣。

Read more ›

現實與幻想 史萊姆肉包 雪足兩年都笑笑口

之前唔少人都領教過Family Mart嗰個初音肉包,未食過都睇過,眼耳口鼻拿埋一嚿,令人個心赤赤痛。至於喺2011年推出嘅《勇者鬥惡龍》史萊姆肉包呢?勁咯!有日本傳媒就喺兩年前買咗兩包,話明可食用日期係2013年4月,咁佢哋就將班史萊姆雪喺冰箱兩年,拎番出嚟結晒冰,但係放入焗爐叮一叮之後,嘩!熱辣辣笑笑口完全冇變形,果然係歷代勇者鬥惡龍中最難纏角色呀!

Read more ›