fbpx

Tag: 台北遊戲展

[PlayStation遊樂園] 《超級槍彈辯駁2 》中文版春天推出

[PlayStation遊樂園] 《超級槍彈辯駁2 》中文版春天推出

PS Vita遊戲《槍彈辯駁 希望學園與絕望高中生》啱啱推出咗第一集,呢隻遊戲有中文版抵讚,因為故事夠複雜唔睇中文唔得,唔似初音翻譯嚟都無乜意思。講返正題,製作人同隻黑白熊早兩日殺入台北遊戲展,仲公佈埋會推出第二集,都係中文版,今年春天推出。現場又有大班cosplayer一齊合照,有男有女,終於唔駛淨係得隻黑白熊咁齋。

Read more ›

新片速報 Show Girls影片 台北遊戲展現場回顧

新片速報 Show Girls影片 台北遊戲展現場回顧

喺台灣返嚟後就要趕稿,氣都未回機都未開又到新年!返埋聽日放假,咁啱我哋又終於剪好條現場Show Girls短片,唔好講咁多,只有講句台灣正妹夠疏爽!片尾仲有遊戲展Show Girls選舉嘅圖集,下年見!

Read more ›
實況報導!台北遊戲展第2擊 PlayStation戰神現身 + 獵奇場區

實況報導!台北遊戲展第2擊 PlayStation戰神現身 + 獵奇場區

台灣人鍾意玩電腦網上遊戲,遊戲展都迎合呢個風氣,基本上家用機只有PlayStation攤位最大。今次PS展場佔地極大,跟番品牌以藍色為主題,我又冇打燈,所以你見到裏頭有啲靚女好似阿凡達咁……不過唔緊要,仲有《God of War》手掣實物、紅藍機PS3、銀色PS Vita曝光,加埋場內各特色攤位都幾多嘢睇,我仲見到《One Piece》同《Diablo》主題嘅綿羊仔……再賣多少少廣告,聽日會有《Lightning Returns FF XIII》製作人鳥山求訪問同遊戲新情報,仲有過多幾日嘅《The Last of Us》全球首次試玩報告,記得留意!

Read more ›
實況報導!台北遊戲展第一擊 Show Girls大集合!

實況報導!台北遊戲展第一擊 Show Girls大集合!

星期四流流,返多一日有得放假,我同你講正經話題你都唔理我啦!所以GameoverHK編輯我錢無義嚟到台北遊戲展直擊嘅第一擊,唔講遊戲住(其實聽日先係試玩遊戲做訪問),先入會場兜番轉影正妹!台灣Show Girls質素好高,冇身材都有長腿,冇長腿都有樣貌,而且疏爽程度高,不過同你打機一樣,難度越高得到嘅越多!而且台北嘅龍友們雖然有禮貌,但非常進取兼人多勢眾又團結,我俾人迫俾人撞俾相機鏡頭狂「亨」我個頭,我都不哼一聲,好艱辛先影到呢班正妹,慢用。最後賣個廣告,聽晚會有遊戲展現場試玩實況同遊戲試玩速報!另外聽日亦會有正妹補完計劃,唔怕話你知,Playstation攤位平均質素更高!至於正妹們載歌載舞嘅影片製作中,等我兩日!冇!走!數!

Read more ›