Post Tagged with: "台北"

超可愛短腳肥豹貓 台北「呼呼」網上熱傳
by / on 11/04/2019 at 7:08 am

超可愛短腳肥豹貓 台北「呼呼」網上熱傳

豹貓本身好得意,細細隻又肥肥哋嘅豹貓更加係得意到暈,喺日本Twitter見到有網民分享呢隻肥喵相,仲有好多人RT,睇返喵喵嘅IG帳戶原來隻喵叫「呼呼」住喺台北,入嚟有多啲佢嘅相睇,鍾意嘅記住follow埋佢IG嘞。留意返,香港雖然可以養豹貓,但佢哋屬於受保護野生物種,需要領有許可證,所以都係睇吓follow吓可愛嘅呼呼仲好嘞。

Read more ›

【新片速報】悟空踩觔斗雲大鬧台北 結尾玩特技
by / on 13/02/2016 at 2:38 pm

【新片速報】悟空踩觔斗雲大鬧台北 結尾玩特技

之前拍過《GTA》、《英雄聯盟》、《King of Fighter》真人版短片嘅台灣YouTuber「葉式特工」,最近玩埋《龍珠》,悟空coser踩住觔斗雲大鬧台北,去埋景點中正紀念堂、台北101,仲有埋龍珠配樂,幾正。至於腳下嘅觔斗雲,其實係由平衡車加發泡膠改裝而成,影片睇到尾仲有特技CG,佢哋亦放咗製作花絮片上頻道,入嚟有得回帶睇埋佢哋之前嘅作品。

Read more ›
周杰倫潮牌 x Gundam    黑人陳建州設計高達
by / on 18/09/2014 at 7:13 am

周杰倫潮牌 x Gundam 黑人陳建州設計高達

我認八卦,最先吸引我嘅居然係周杰倫而唔係Gundam。作為周董fans應該知佢有個潮流品牌PHANTACi,最近品牌就宣佈由今個星期五起,喺台北開設《機動戰士鋼彈》期間限定店,雖然個人認為台灣叫法「鋼彈」唔係幾潮,都係「高達」順耳啲。講返正題,今次聯乘會推出T恤,背心、帽、風褸共4種單品,主題係太空版高達,除咗賣產品,仲會舉行為期一個月嘅展覽,展出50款以上嘅特別版高達,大量名人紅人幫手改造,香港人比較熟悉嘅黑人陳建州同埋熱狗都有份參與。

Read more ›
台北「鬼太郎商店」   產品新圖   出發前先溫習
by / on 02/06/2013 at 3:38 pm

台北「鬼太郎商店」 產品新圖 出發前先溫習

打定底,呢單係舊聞新圖,一直好鐘意鬼太郎,除咗鍾意佢嘅故事古靈精怪,鬼太郎遮住半邊面嘅前衞造型我都好冧。啱啱上網見倒台灣部落格紅人奧麗薇去完台北車站嘅「鬼太郎商店」朝聖,仲寫咗篇好詳細嘅遊記同埋上載大量產品新圖,睇咗當去咗。呢間日本海外唯一一間嘅鬼太郎商店,位於台北車站,產品包羅萬有,水杯、相架、情景模型、蠟燭、棒棒糖、燒酒,仲有商店限定tote bag,不過最吸引我都係綠色嘅傘怪枱燈,睇完我都好想去探吓鬼太郎呀!

Read more ›