fbpx

Tag: 可樂

新片速報 可樂加牛奶 沉殿變透明

新片速報 可樂加牛奶 沉殿變透明

萬樂珠加可樂會爆泡,好多人都玩過,之前亦有新科技水樽連可樂都可以過濾成半透明……最近日本就有人發現,原來要將黑色嘅可樂變成半透明,好簡單就做到,只需要加奶!呢條片見到示範者將奶加入可樂之中,之後唔駛三分鐘,可樂入面嘅黑色就好似沉殿咗咁……

Read more ›

新片速報   日本可樂手機Apps  內褲男狂震北極熊狂扭

新片速報 日本可樂手機Apps 內褲男狂震北極熊狂扭

夏天係飲可樂嘅最好時機,我同你係咁諗,日本可口可樂都係咁諗,所以佢哋最近好積極,仲利用手機嘅AR擴增實景功能設計咗大量好玩嘢。池袋啱啱搞咗個活動,除咗有內褲男衝入急凍可樂室實地體驗之外,用手機下載app後對準汽水機,仲有佢哋隻吉祥物北極熊出現扭扭扭,手機對準指定飲品仲可以check埋溫度,啱晒熱到爆嘅日本。另外暑假多小朋友,所以網站都有北極熊摺紙圖案下載,摺完用手機對準,隻熊又係識郁嚟郁去,睇嚟夏天取忙原來係隻北極熊。

Read more ›
日本-26.1℃冷風噴射車 最凍可樂/雪埋個人

日本-26.1℃冷風噴射車 最凍可樂/雪埋個人

我認! 我係可樂精! 一日冇兩罐會好似吊煙癮一樣! 不過天氣熱……入口嗰吓感覺, 真係爽皮到毛管楝! 最近我愛上砂冰版支裝, 你以為係最爽? 日本嗰邊玩得最激啲, 就係喺六本木嗰度整咗架雪櫃車, 出面街熱上34.9℃, 但裏面係-26.1℃……佢唔單止要支可樂凍, 而且仲要雪埋你個人, 凍風口仲要做成噴射裝置一樣, 你知今年日本係幾熱啦! 我睇見個細路仔飲可樂嗰刻個表情, 我覺得真心過上次用冰樽嗰班臨記好多囉, 講吓講吓我又想飲添, 但今日已經兩支喇……

Read more ›
本週爆Like圖集 可樂連樽食 進擊鬆弛熊熱爆洛杉磯

本週爆Like圖集 可樂連樽食 進擊鬆弛熊熱爆洛杉磯

今個星期最搶鏡爆Like嘅,一定係喺洛杉磯Anime Expo嗰隻巨人coser,行為奔放,仲比佢偶遇進擊之鬆弛熊訓練兵,嚟個世紀熊抱,震憾到呢!另外食得落熔喺手又熔喺口嘅冰製可樂樽更係環保先鋒最愛,可能大家都好想去沙灘隊番支啩。而我本人最鐘意就係倒吊玩bungee jump嘅熊本熊Kumamon,倒吊都木無表情未驚過。最後想講係,其實最爆like嘅係呢個星期嘅送禮勤活動,每個都爆like爆share,今日會公佈大量得獎結果,記住留意呀!

Read more ›
【有片】人肉萬樂珠溝可樂 史上最強扣喉利器

【有片】人肉萬樂珠溝可樂 史上最強扣喉利器

係! 我明! 萬樂珠溝汽水會爆到成層樓高唔係新鮮事, 不過……如果係人肉版呢? 我睇見呢段片之後令我諗到好多嘢, 例如今晚出去飲酒, 如果買定條旁身, 應該係史上最方便扣喉方法;又例如尉遲兄最鍾意飲可樂, 佢飲完之後, 我又好唔小心隊咗一、兩粒俾佢食, 又會唔會有音樂噴泉咁狀觀呢!? 又再或者, 身上成日袋住有萬樂珠嘅朋友, 會唔會係真心交唔過呢? 呢個世界真係太多如果喇!

Read more ›
新片速報 夏日必學 膠樽可樂自製思樂冰

新片速報 夏日必學 膠樽可樂自製思樂冰

記憶所及,之前都好似有過類似嘅影片,但今日熱到飛街,返到屋企不妨一雪再雪!呢條片就教大家用普通膠樽可樂chok幾chok,之後就放入冰格3粒幾鐘,拎番出嚟支可樂就會變成思樂冰!我未試,不過已經決定咗今晚返屋企試。

Read more ›

新片速報 捍衛地球強力推 澳洲綠色和平禁播廣告

新片速報 捍衛地球強力推 澳洲綠色和平禁播廣告

係,我每日唔飲一支Coke Zero唔安樂,但對於呢條被禁嘅廣告片,都真係唔撐唔得。綠色和平Greenpeace澳洲太平洋分部拍咗一個咁嘅廣告,片中沙灘索女大隻男個個飲可樂,之後就一隻一隻死雀喺天空跌落嚟,想表達嘅就係可口可樂膠樽破壞環境,令到海鳥們食咗太多塑膠物質而死亡。最嬲嘅係呢條廣告播咗11個鐘後就俾電視台抽起同拒絕再播,據猜測係受到某方面壓力……估唔到澳洲都會有咁嘅事情發生!條片放咗喺YouTube一個星期就已經有70萬人睇,事實就係事實!我哋都入去撐吓啦!最多,我以後改飲罐裝……

Read more ›
白色可樂 日本Pepsi雪人限定版

白色可樂 日本Pepsi雪人限定版

可樂係黑色嘅,但係早兩日日本Pepsi就推出咗每年都會出嘅季節限定版可樂。今年嘅冬日限定版可樂,以雪為主題,所以係白色嘅。味道方面據講係同一般黑可樂冇咩分別,只係將佢變成白色液體,包裝上就有6種唔同款式,大細一樣都係490ml,每支140円,呢期去開日本可以試吓。之前聽人講過,可樂本身係咩色話?

Read more ›