Post Tagged with: "可憐"

日本怕凍貓坐太近暖爐 貓鬚鬈晒好可憐
by / on 19/01/2019 at 11:22 am

日本怕凍貓坐太近暖爐 貓鬚鬈晒好可憐

嚟緊幾日天氣又開始凍返,貓奴們應該會開暖爐嘞,不過要注意唔好俾啲喵走咁近。日本有網民分享咗佢屋企隻喵嘅慘況,因為走得太埋搞到啲貓鬚鬈晒,慘慘。至於右邊張圖係其他網民分享嘅,隻喵喺火場救出嚟,所以啲毛鬈嘅級數強好多。BTW,笑還笑,記住留意唔好俾啲貓坐咁近暖爐呀!

Read more ›

可憐喵星人被棄養 走20公里返舊屋被拒
by / on 27/04/2018 at 7:34 am

可憐喵星人被棄養 走20公里返舊屋被拒

照顧寵物係一生一世嘅事,偏偏經常有啲好冷血嘅主人出現。最近網上熱傳呢隻喵星人嘅故事。7歲嘅Toby之前被主人棄養,送咗去20公里(12 miles)以外一個朋友嘅屋企,原因係Toby同其他貓相處唔到,但係Toby竟然識自己行返返屋企搵舊主人‥‥可惜呢位冷血主人之後竟然將Toby送去動物收容所,叫職員人道毁滅咗隻喵。職員唔想咁做,於是聯絡咗動物組織SPCA,問可唔可以放上Facebook幫隻喵搵個新主人,之後SPCA出咗個post將Toby嘅故事分享出嚟。好好彩最終Toby搵到個好錫佢嘅新主人,仲相處得好融洽,終於可以做一隻有人錫嘅喵喵,入嚟有多啲佢嘅生活照睇,見到佢同新主人玩到反晒肚真係好鄧佢開心。

Read more ›
【有片】日本喵星人身大膽細 俾玩具嚇親露可憐樣
by / on 07/09/2017 at 7:06 am

【有片】日本喵星人身大膽細 俾玩具嚇親露可憐樣

喵星人嘅行為好難估計,好似呢隻住喺日本嘅暹羅貓,大大隻,點估到佢會俾隻藍色嘅小玩具嚇親?主人影咗兩張連環圖放上Twitter,吸引好多人RT,最重要係佢右邊嘅表情,超可憐,好似俾人恰咗好耐咁。BTW,佢嘅主人成日整蠱佢,又要佢托柑,又要佢頂自己嘅毛,生活好苦,可能因為積積埋埋所以露出咁嘅樣,入嚟有回帶。

Read more ›
日本超悲傷狗狗Twitter熱傳    誤會被遺棄露可憐表情
by / on 30/01/2017 at 12:53 pm

日本超悲傷狗狗Twitter熱傳 誤會被遺棄露可憐表情

狗狗果然係人類最好嘅朋友,最近有日本網民帶隻狗狗散步,由於戴住手套,期間手上嘅狗帶鬆開咗都唔覺,當主人行咗5、6步回頭望時,見到狗狗企喺原地,一股悲傷嘅氣氛籠罩現場。佢將連環圖放上Twitter後好多人RT,大家都讚狗狗好可愛,而且好乖唔會周圍走。主人話狗狗今年已經14歲,相當於人類嘅60歲,可能嗰一刻佢以為主人會遺棄佢,所以露出悲傷嘅表情。傻啦你咁可愛,邊有人捨得唔要你喎?

Read more ›
【我想返屋企】日本喵星人落雨天扮可憐 超萌連環圖Twitter熱傳
by / on 19/04/2016 at 7:13 am

【我想返屋企】日本喵星人落雨天扮可憐 超萌連環圖Twitter熱傳

呢隻住喺日本嘅白色喵星人個樣楚楚可憐,呢兩日喺Twitter好多人RT佢呢幾張連環圖。圖中所見佢喺落雨天走咗出街玩,之後淋住雨叫主人開門俾佢,個樣超嗲超可憐,返到屋企主人即刻幫佢冚塊條毛巾保暖,陰功豬。睇返佢主人嘅Twitter,原來呢隻喵星人叫小次郎,今年11歲,經常有得出街玩,仲好鍾意瞓覺,睡姿超奔放。

Read more ›
喵星人再出擊     超可憐萌樣攻陷Instagram
by / on 22/02/2015 at 1:06 pm

喵星人再出擊 超可憐萌樣攻陷Instagram

今日係貓之日,我成日懷疑喵星人真係外星生物,而家首先喺互聯網世界俘虜人類,之後就統治全宇宙。好似呢隻叫Butters嘅喵星人,最近就侵略咗Instagram,開咗個地盤,仲儲咗接近2萬個奴隸,佢嘅賣點係一副無辜樣,成日頭dup dup眉頭緊皺,你鬧佢咩,佢就望住你好似想講:「我唔係有心o架,不過如果你真係要打我懲罰我,我都唔會嬲你o架!」唉,睇見佢呢個樣,睇嚟佢哋距離統治全宇宙又近咗一步嘞。

Read more ›