Post Tagged with: "可愛"

【圖集】日本喵星人扭蛋 伸懶腰打喊露超可愛
by / on 07/02/2017 at 7:13 am

【圖集】日本喵星人扭蛋 伸懶腰打喊露超可愛

之前出過舔毛貓、坐水煲貓,日本扭蛋公司EPOCH今次出貓奴最愛嘅伸懶腰貓!一式六款,其中三款係坐喺度擘大個口打喊露嘅款式,另外三款係一邊伸懶腰一邊打喊露,各有特色,但全部都勁治癒,好想儲齊一套呀!今個月推出,貓奴要留意嘞。

Read more ›

【新片速報】日本超可愛柴犬彈高打招呼 彈跳力驚人Twitter熱傳
by / on 03/02/2017 at 11:00 am

【新片速報】日本超可愛柴犬彈高打招呼 彈跳力驚人Twitter熱傳

自由嘅空氣真係好可貴架!日本呢段影片最近喺Twitter熱傳,有主人帶隻狗狗散步,途中經過一間有養狗嘅屋,屋入面嘅柴犬狗狗可能悶咗好耐,喺個窗口仔聞兩聞之後就瘋狂彈跳,圍牆好高,但無阻佢嘅熱情奔放,彈到勁高只係為咗同朋友仔say hello,超可愛!希望主人快啲帶佢出街散步見吓啲朋友仔啦。

Read more ›
【圖集】日本超可愛喵星人 捐手袋伸肉球say hi
by / on 01/02/2017 at 11:04 am

【圖集】日本超可愛喵星人 捐手袋伸肉球say hi

呢位日本貓奴養咗5隻喵,平時應該好唔得閒。最近佢將左邊呢張相放上Twitter,即時吸引好多人RT。主人話朝早怱忙趕返工,點知見到隻喵原來捐咗入去佢手袋,佢即刻忍唔住影張相。最正係喵星人咁啱伸咗隻肉球出嚟打招呼,個樣仲笑笑口超可愛。入嚟有多啲呢隻白喵嘅相睇,睇嚟佢性格都幾溫馴。BTW,你哋明白點解貓奴成日遲到啦,臨出門口都俾佢哋引到,好難準時出門架。

Read more ›
【新片速報】日本超可愛鴨鴨    笑住瞓晏覺Twitter熱傳
by / on 31/01/2017 at 10:12 am

【新片速報】日本超可愛鴨鴨 笑住瞓晏覺Twitter熱傳

估唔到鴨仔都有咁嗲咁可愛嘅一面!日本有網民放咗段片上網,佢隻鴨仔四腳朝天坐咗喺佢嘅大髀上面,一邊曬太陽一邊瞓晏覺,個樣仲好嘆。主人間中仲會用手搓吓鴨仔個肚,睇返鴨仔個笑容真係極幸福,喺日本似乎做鴨都特別開心。

Read more ›
【新片速報】日本喵星人自high撳撳 超可愛Twitter熱傳
by / on 26/01/2017 at 11:00 am

【新片速報】日本喵星人自high撳撳 超可愛Twitter熱傳

人哋話喵星人雙手不停交替撳撳,即係表示佢哋好開心,呢隻喵星人最喺日本好紅,佢嘅撳撳片喺Twitter好多人分享。今次佢表演凌空撳撳,好似玩搓手咁,仲開心到撳撳吓翻轉身,睇嚟佢應該自覺好幸福。BTW,如果你隻貓都有呢個癖好,甚至會跳上你個身度撳撳你,真係開心死呀。

Read more ›
【回不去了】日本冬甩獅子加頭箍      一物兩用即時變可愛
by / on 25/01/2017 at 11:00 am

【回不去了】日本冬甩獅子加頭箍 一物兩用即時變可愛

有頭髮邊個想食咖哩?我諗呢隻公仔都係咁諗。認唔認得佢?係賣冬甩嗰隻獅子,不過冇咗個冬甩,於是佢嘅日本主人好細心,見佢個頭圓圓哋光光哋,決定加啲嘢俾佢,就係將條紥頭髮嘅橡筋圈住佢,一物兩用!戴咗頭箍嘅佢即時可愛晒,笑容返晒嚟!啲相放上Twitter後好多人RT,大家都讚佢有心思,至於隻公仔,試過新造型,以後都返唔到轉頭嘞!

Read more ›

【針唔㓤到肉】日本相撲手打針痛到喊     網民:「好可愛呀!」
by / on 24/01/2017 at 7:17 am

【針唔㓤到肉】日本相撲手打針痛到喊 網民:「好可愛呀!」

其實打針無分人種,痛係必然嘅。不過見到一班體型龐大嘅日本相撲手,打針痛到喊出嚟又的確幾可愛。最近有外國媒體報導咗呢件事,之後日本網民cap圖繼續討論,有人話:「可能係針嘅粗幼或者藥劑量嘅不同」、「呢啲係肌肉注射,真心好痛架」、「好可愛」。其實注射有分皮下注射、皮肉注射、筋肉注射(肌肉注射)同靜脈注射,深淺度有唔同,睇返之前好多相撲手都打針打到皺晒眉變晒臉,估計佢打嗰種應該係地獄級嘅肌肉注射嘞。

Read more ›
日本「最適合著校服嘅男女生選舉」 清純可愛幾高質
by / on 21/01/2017 at 12:40 pm

日本「最適合著校服嘅男女生選舉」 清純可愛幾高質

日本好多唔同種類嘅選舉,繼全國高中生選舉之後,最近有呢個「最適合著校服嘅男女生選舉」,結果已經公佈咗,嚟緊會有頒獎禮。其中得到第四届日本制服獎一等獎嘅係「PPP!PiXiON」嘅鈴木えりか,著起校服嘅佢比平時更清純可愛,其餘嘅得獎者都幾高質,網民嘅評價都唔錯。不過大家對於男生選舉結果就無乜興趣嘞,入嚟有得慢慢睇。

Read more ›
日本超可愛比卡超cushion粉底 粉撲變精靈球
by / on 20/01/2017 at 7:20 am

日本超可愛比卡超cushion粉底 粉撲變精靈球

女仔嘅化妝品通常男仔都唔識欣賞,不過今次有世界共通語言「比卡超」,難怪盒cushion粉底可以喺Twitter被熱傳。有日本網民買咗佢返屋企,盒面嘅比卡超瞇晒眼超可愛,打開仲有驚喜,個粉撲居然係精靈球,好可愛。由TONY MOLY出品,想買嘅可以去日本Amazon睇睇,1190円,買嚟收藏都好。

Read more ›
【相集】日本超可愛喵星人     識單眼每朝起身唔同樣
by / on 14/01/2017 at 2:38 pm

【相集】日本超可愛喵星人 識單眼每朝起身唔同樣

每朝早起身時,你隻貓會點嘅樣?瞓埋一邊唔理你?坐喺你個身上面望實你?日本呢個網民發現屋企隻白喵每朝起身都有唔同表情動作,有時單起隻眼,有時反轉露肥肚粗脾,有時甚至做瑜伽動作或者托腮扮憂鬱,總之每日都有驚喜,可愛到暈!淨係掛住影佢相都足以令主人醒晒,呢招叫起身方法都幾好喎!

Read more ›
【新片速報】日本超可愛妹妹打乞嚏跌落地     拍片者下場係點?
by / on 14/01/2017 at 1:35 pm

【新片速報】日本超可愛妹妹打乞嚏跌落地 拍片者下場係點?

  呢段喺日本Twitter熱傳嘅片,入面個小妹妹的確好可愛。本來照照吓鏡,突然打咗個大乞嚏,可能衝力太大,竟然跌咗落地喎!不過我更想知嘅係拍片嗰個人嘅下場。我估拍片嗰個係呀爸,但係見到呀女跌親唔幫手,仲要影埋老婆瞓緊覺嘅醜態放上網。咦,不過瞓緊嗰個究竟係呀爸定呀媽?我好亂呀!

Read more ›

上戶彩新髮型出席活動       網民:「依然好可愛吖。」
by / on 14/01/2017 at 11:53 am

上戶彩新髮型出席活動 網民:「依然好可愛吖。」

好耐無見嘅上戶彩最近剪短咗個短髮,仲成為日本網民嘅討論對象,今年31歲嘅佢已經做咗媽媽,有人話佢瘦咗成熟咗,不過依然好可愛,仲有好多人覺得剪短咗頭髮嘅佢好似藝人剛力彩芽,亦有人話佢似美少年,之後有人放咗佢N年前出道嘅短髮圖,好可愛!BTW,個人最鐘意都係《ATTENTION PLEASE》時候做空姐嘅佢,短髮都係襯佢啲。

Read more ›
【圖集】超可愛罕見「沙漠貓」 52度高溫生存飲水量低
by / on 13/01/2017 at 7:02 am

【圖集】超可愛罕見「沙漠貓」 52度高溫生存飲水量低

最近喺Twitter見到呢隻Sand Cat沙漠貓B,好可愛好想分享吓!呢種貓住喺非洲同亞洲嘅沙漠,佢哋嘅耐熱程度極高,52度高溫都無問題,平時飲水量都比較少。加埋一身保護色,神出鬼沒無難度。而佢哋嘅手掌仲有長毛包住個肉球,等佢哋喺唔會被灼熱嘅沙燙親手仔。不過一直有野生嘅沙漠俾人類偷去做寵物,其實佢哋飼養環境嘅濕度同溫度都要控制良好,所以人類都係俾佢哋留返喺野外生活啦。

Read more ›
指原莉乃放相上IG被網民抨擊   「7500円嘅裙好平好可愛」?
by / on 12/01/2017 at 7:22 am

指原莉乃放相上IG被網民抨擊 「7500円嘅裙好平好可愛」?

7500円一條裙算唔算貴?指原莉乃就覺得好平,仲因為咁而俾部份網友抨擊佢離地。事緣佢放咗自己嘅全身相上IG同Twitter,讚自己條裙只係7500円,好抵好可愛,而對鞋嘅嘴唇圖案佢都好鐘意。BTW,7500円 (約港幣$500),其實對於年收入6800萬円 (約港幣$456萬)嘅指原莉乃嚟講,的確係唔貴嘅。

Read more ›
【圖集】日本超可愛貓屋 揭開「果皮」喵星人爭住瞓
by / on 07/01/2017 at 7:00 am

【圖集】日本超可愛貓屋 揭開「果皮」喵星人爭住瞓

天氣好快又會凍返,如果屋企有間貓屋比喵星人瞓,主子應該會好感激你。日本呢間貓屋好可愛,最近喺Twitter熱傳,特別之處係其中一瓣「果皮」可以揭落嚟,喵星人有私人空間之餘又可以抖吓氣,最開心係兩隻喵星人輪流爭住瞓,主人應該倍感安慰嘞!

Read more ›