fbpx

Tag: 可口可樂

Shell換可口可樂鐵車仔 玩經典造型+回力

Shell換可口可樂鐵車仔 玩經典造型+回力

嚟喇喂! 可口可樂又有車仔換喇! 不過今次只畀有車階級人士換! 由1月17日至2月28日,只要到Shell入V-Power Nitro+或FuelSave滿$400,即可以$90優惠價, 換購「可口可樂」模型車一架同「可口可樂」12罐裝一盒; 如果你仲係Shell Bonus 卡卡主, 仲會額外多送$50 V-Power Nitro+燃油禮券; 冇車點算!? 你或者可以試吓有冇外賣嘅!

Read more ›

新片速報   可口可樂聖誕廣告     開心share搭的士

新片速報 可口可樂聖誕廣告 開心share搭的士

聖誕節梗係要無私分享,唔係分享自己,而係同人分享的士車位,可口可樂教嘅!呢個最新出嘅廣告背景發生喺羅馬,一架車頂寫住目的地嘅的士,喺聖誕時份嘅鬧市出入,途人可以隨時截停搭順風車,之後梗係例牌開支可樂慶祝。老實,share的士唔算新概念吖,香港日日都有泥鯭的搭,其實我哋一早識得開心share(車費)。

Read more ›
百事廣告扮可口可樂   哈囉喂玩幽默

百事廣告扮可口可樂 哈囉喂玩幽默

外國廣告特別玩得,其中又以百事可樂最鐘意挑釁對手,最近哈囉喂,外國人最鐘意扮鬼扮馬,百事都唔執輸,出咗過新廣告,將罐百事披咗件紅色披肩,扮成對家可口可樂,最抵死都係句廣告標語:「We wish you a scary Halloween!」暗串對手係scary嘅恐佈嘢。不過有花生友就話睇落可口可樂好似英雄人物咁,見仁見智啦。另外仲有一張係喪屍係地底冒出嚟手上揸住支百事,一樣夠搶。

Read more ›
有片    阿根廷綠色可樂    唔飲唔知身體好

有片 阿根廷綠色可樂 唔飲唔知身體好

可樂嘅包裝招紙唔係紅色就黑色,呢款綠色可樂我都係第一次見,唔係山寨版,但係暫時只得阿根廷有得賣,名為Coca-Cola Life嘅綠色可樂標榜健康,卡路里大幅減少,每600ml大概只有108卡路里,甜味用天然方法製造,個罐仲係100%可循環再用嘅物料。睇完我都有啲口渴,唔知幾時殺到嚟香港呢?

Read more ›
新片速報  可口可樂動畫廣告   郁住散發正能量

新片速報 可口可樂動畫廣告 郁住散發正能量

每日睇倒唔開心嘅新聞,黑暗腐敗嘅政府,心情真係會有啲低落,如果你同我一樣,可以睇吓可口可樂呢個充滿正能量嘅新廣告,主題係「Happiness is movement, movement is hapaniess」,用上簡潔動畫,表達我哋開心時會紥紥跳,而倒轉頭郁動多啲人都會開心啲,首歌好好聽,睇完心情都靚晒,最後話晒係廣告,當然要提醒你,開支可樂就最快樂。

Read more ›
【有片】可樂出冰樽   飲完連樽食埋

【有片】可樂出冰樽 飲完連樽食埋

打定底,呢段新聞我啱啱先睇倒。大熱天時飲支冰凍可口可樂真係誇張啲講句暑氣全消,如果個樽變埋冰樽,噢,真係透心涼呀!呢支冰可樂真有其事,不過只限哥倫比亞沙灘有得賣,冰樽經過零下25度急凍處理,保證你由入口至飲晒嗰一刻,個樽都係超冰凍,飲完仲可以食埋個樽,夠晒環保。難怪1小時火速賣走265樽,仲攞埋多項廣告獎,幾時送到嚟香港呀?

Read more ›

新片速報 捍衛地球強力推 澳洲綠色和平禁播廣告

新片速報 捍衛地球強力推 澳洲綠色和平禁播廣告

係,我每日唔飲一支Coke Zero唔安樂,但對於呢條被禁嘅廣告片,都真係唔撐唔得。綠色和平Greenpeace澳洲太平洋分部拍咗一個咁嘅廣告,片中沙灘索女大隻男個個飲可樂,之後就一隻一隻死雀喺天空跌落嚟,想表達嘅就係可口可樂膠樽破壞環境,令到海鳥們食咗太多塑膠物質而死亡。最嬲嘅係呢條廣告播咗11個鐘後就俾電視台抽起同拒絕再播,據猜測係受到某方面壓力……估唔到澳洲都會有咁嘅事情發生!條片放咗喺YouTube一個星期就已經有70萬人睇,事實就係事實!我哋都入去撐吓啦!最多,我以後改飲罐裝……

Read more ›
[網上流傳] 多啦A夢X James Javis  神秘聯乘?

[網上流傳] 多啦A夢X James Javis 神秘聯乘?

今日喺網上見倒呢隻好有James Jarvis風格嘅多啦A夢,James Jarvis即係之前同可口可樂出過125週年紀念版套裝,罐面有隻好得意長形公仔嗰個系列嘅設計師。呢位來自英國嘅設計師及插畫師越嚟越紅,知名度媲美KAWS,身為玩具品牌AMOS TOY話事人,設計風格好歡樂,尤其筆下嘅Evil Martin公仔(即係可樂罐嗰隻),大人細路通殺。今次呢隻多啦A夢,喺James Jarvis嘅官網Studio Jarvis仲未見倒,twitter都無影,究竟係咪佢即將合作嘅新單位呢?好期待呀!

Read more ›