fbpx

Tag: 可口可樂

【新片速報】超正星戰版可口可樂 撳掣光劍識著燈!

【新片速報】超正星戰版可口可樂 撳掣光劍識著燈!

以特別版可樂嚟講,今次呢款同星戰聯乘嘅版本真係幾好玩。用咗有機EL面板,只要撳一撳樽上嘅指定位置施加電壓之後,Rey或者Kylo Ren手上嘅光劍就會著燈!Rey係藍Kylo Ren係紅,超正!喺新加坡活動限定,透過玩treasure hunt可以買到,限量8000樽,嚟緊去開當地可以挑戰吓,入嚟有link。

Read more ›

【新片速報】日本可口可樂新廣告 綾瀬楓出演超浪漫

【新片速報】日本可口可樂新廣告 綾瀬楓出演超浪漫

日本嘅廣告真係特別好睇,好似最近日本可口可樂嘅廣告就搵咗綾瀬楓同片寄涼太做男女主角,講一對情侶嘅故事,超浪漫!睇完都想買返支可樂飲吓,入嚟有片睇。

Read more ›
【有片】可口可樂出聖誕新樽 一搣一拉招紙變蝴蝶

【有片】可口可樂出聖誕新樽 一搣一拉招紙變蝴蝶

呢個樽真係掂喎,好過喺個樽上面寫晒名,搞到我成日覺得自己飲緊人哋支可樂吖!呢款限量版Coca-Cola啱啱喺英國推出,只要輕輕搣開招紙,兜一圈之後,再喺招紙中拉出一條紙條,一拉就會將招紙變成蝴蝶結,可以當聖誕禮物送俾自己……嗚好凍呀。

Read more ›
【又玩名】可口可樂新玩法 撕開姓名變紋身貼紙

【又玩名】可口可樂新玩法 撕開姓名變紋身貼紙

可口可樂瘋狂玩名,最近就出到中文名嘞,有無儲返個?外國Coca-Cola都玩名,不過今次有啲唔同,罐上嘅名有層貼紙,撕開貼紙後罐面就會變成紋身貼紙,可以印上身度當紋身。今次活動原來係為咗慶祝National Hispanic Heritage Month,由9月15日至10月15日有得玩,罐上嘅名都係拉丁美洲嘅姓氏,因為當地人對自己嘅姓氏好自豪,所以官方就諗到玩紋身,可惜個罐無得買,要玩就要上佢哋網頁登記嘞。

Read more ›
歌詞版可口可樂 72句歌詞估歌仔

歌詞版可口可樂 72句歌詞估歌仔

食髓知味,之前中英文名版可口可樂大受歡迎,今次食住條水玩多鋪,將香港經典金曲歌詞寫喺罐身。Click入網頁,可以分「80年代」、「90年代」、「00年代」同「所有飲歌」Search晒72句歌詞──張國榮「為你鍾情,傾我至誠」、Beyond「教我堅毅望著前路」、譚詠麟「起身一吻紅的臉」、黎明「如果這是情」等等等等,估吓歌名都幾過癮;另有Searching engine俾你試入新加推嘅150個中英文名外,都幾盞鬼架。

Read more ›
可樂金罐勁浮誇     聯乘品牌Trussardi意大利限定

可樂金罐勁浮誇 聯乘品牌Trussardi意大利限定

之前Coca-Cola都同時裝品牌Marc Jacobs、Jean-Paul Gaultier、Moschino、Roberto Cavalli等合作過出特別版可樂,最新就係同意大利品牌Trussardi合作,推出浮誇到爆嘅金罐,用咗品牌最出名嘅蜥蜴紋,可樂LOGO亦圍咗金邊,睇落好搶眼。不過要買都唔易,暫時得知意大利會有少量上架,部份餐廳都會供應,另外嚟緊嘅米蘭展Expo Milano 2015都會有,除咗金罐,仲有兩款罐裝同埋兩隻紅色嘅樽裝,有朋友去開意大利記住搵佢幫手喇。

Read more ›

可口可樂隨意門    汽水機打開變酒吧

可口可樂隨意門 汽水機打開變酒吧

最近呢間喺上海嘅酒吧好紅,無論外國網或者日本網都先後報導。佢嘅特別之處,在於入口係一部懷舊可口可樂汽水機,打機部汽水機原來內有亁坤,入面係一間叫Flask嘅酒吧!出自設計師Alberto Caiola手筆,汽水機就好似一首隨意門咁,打開門去到另一個空間,好有驚喜。至於呢座汽水機,就擺放喺一間好普通嘅三文治店嘅角落,本來啱晒夜晚扮去食三文治,實質去夜蒲嘅男男女女,不過而家呢度出晒名,無得扮。

Read more ›
可樂還原變成水   特製蒸餾系統

可樂還原變成水 特製蒸餾系統

好哋哋一支可樂,點解要咁嘥料將佢還原成一支水?呢位超現實科學家Helmut Smits最近趁荷蘭設計週,研發咗個專門將可樂還原成水嘅儀器。呢個蒸餾系統叫「The Real Thing」,做法係將可樂隔水煲滾,然後將佢嘅水蒸氣經透明管道滴漏去另一個杯度。Smits就話咁做希望令消費者反思佢哋平時飲用同消費係幾咁無謂。唔,我就覺得佢呢個設計其實都有少少無謂。

Read more ›
可口可樂倫敦office曝光      可樂吊燈超靚

可口可樂倫敦office曝光 可樂吊燈超靚

日日都要返工,對住四幅白牆,工作點會有朝氣呀?好似可口可樂倫敦總部嘅新office就唔同,茶水間都靚過我屋企。由Morey Smith設計,話明係總部,入面有好多好靚嘅可樂珍藏,最欣賞係用透明可樂樽整成嘅吊燈,極靚。另外用唔同汽水罐剪成心形鋁片,再組合併貼成嘅牆身裝飾都好正。係呢度返工,心情都靚啲。唔知係咪有可樂任飲嘅呢?

Read more ›
新片速報   德國迷你可樂    縮水攤檔做勢

新片速報 德國迷你可樂 縮水攤檔做勢

一直都好想香港會推出細罐裝嘅可口可樂,德國最近有0.15L嘅紅色迷你版可樂賣,引死我!容量大概係我哋平時飲開嘅半罐左右,size好似細罐裝V8蕃茄汁咁,啱晒怕肥嘅女士。為咗宣傳呢件產品,可口可樂喺德國各個地方開設多間名為Mini Kiosk嘅小攤檔,舖仔細細好得意,吸引大量途人圍觀影相。攤檔旁邊有部汽水機,想買罐細可樂飲吓就要卑躬屈膝烏低身入錢,難得大家唔介意,仲搶住買嚟飲,雖然明知味道一樣。

Read more ›
新片速報  可口可樂出街機    入膠樽免費玩

新片速報 可口可樂出街機 入膠樽免費玩

孟加拉同好多發展中國家一樣,無乜人關注環保問題,可口可樂貴為國際品牌,為咗令當地人有回收嘅環保概念,於是同Grey Dhaka呢間公司合作諗咗一個活動出嚟,就係整咗部可口可樂街機,喺首都達卡(Dhaka)6個地方連續擺放6日。想玩好簡單,入個空膠樽入去就玩得。幾日落嚟收集咗幾千個膠樽,算係為環保出咗一分力。不過我更有興趣係隻game睇落好流,但大家都玩得好開心,似乎當地居民嘅開心指數相常高。

Read more ›

新片速報    可口可樂偷拍片  明串睇戲嘈嘈貢人士

新片速報 可口可樂偷拍片 明串睇戲嘈嘈貢人士

睇戲最怕遇到三類人:高談闊論劇情、食嘢食到O習O習聲或者邊睇邊玩手機,排名不分先後。可口可樂最近拍咗兩段片喺戲院播放,呼籲大家睇戲時靜啲,其中一條玩法好特別,先喺戲院大堂偷裝咗攝錄機,再裝咗塊綠色佈景板,偷拍啲人食嘢傾計嘅人生百態,再用9秒9搵人極速剪接,之前入場睇戲就到戲肉,在場觀眾見倒自己被key入畫面之中,不停啜飲筒o趙嘢食發出怪聲,提醒大家睇戲時保持安靜,個人認為好正,好過香港戲院搵C All Stars拍嗰段無間道片頭好多。

Read more ›
可口可樂出香水?  噴出一身可樂味

可口可樂出香水? 噴出一身可樂味

可口可樂出香水?呢套一式七款嘅可樂香水,其實只係由澳洲設計師Wochan Lee FF出嚟,不過外形幾靚,令我有無限瑕想。可樂香水分兩條line,Classique系列玩經典款式,紅黑係主要色調,識買嘅一定係買原味紅樽蓋,但要噴黑色香水上身,感覺上又怪怪哋。另一條line係Belle系列,主打粉色系,啱晒公主,好喇,FF完,都係買支可樂飲算啦。

Read more ›
新年限量版可樂  祝您平安/成功/發達

新年限量版可樂 祝您平安/成功/發達

今日大年初一,先同大家拜個年,祝大家身體健康,日日有機打!中國人有農曆新手,越南都會過年,叫Tết Nguyên Đán (Nôm: 節元旦) ,仲要同中國新年同一日!可口可樂特登為越南嘅新年設計咗新包裝,紅噹噹包裝夠晒應節,一群燕子組成嘅三個字詞「An」、「Tài」同「Lộc」分別代表平安、成功同埋財富,我都祝大家今年有齊呢三樣嘢,開開心心過馬年!

Read more ›
有片  無氣可口可樂   18款世界盃特別版

有片 無氣可口可樂 18款世界盃特別版

可樂迷注意,今個星期三巴西將會推出18款世界盃限定版樽裝可樂,不過無氣嘅,因為係迷你樽裝嘅吊飾。為咗慶祝2014世界盃6月喺巴西舉行,官方推出一系列以國家為題嘅迷你可樂樽吊飾,包括曾經舉辦過世界盃嘅阿根廷、日本,或者將會舉行嘅俄羅斯、Qatar等。可樂樽仲加入咗AR功能,可以透過手機玩互動,亦可以透過Facebook、iPhone或者Android apps同其他有買吊飾嘅朋友仔share訊息,香港暫時未有消息,有興趣嘅搵舖頭問吓啦。

Read more ›