fbpx

Post Tagged with: "叮噹"

叮噹桌布免費下載 呼籲國民Stay Home
by / on 29/04/2020 at 4:15 pm

叮噹桌布免費下載 呼籲國民Stay Home

雖然香港已經連續四日零確疹,防護中心傳染病處主任張竹君終於可以放番幾日假,但大家都唔可以鬆懈,無乜必要嘅,繼續留喺屋企齊心抗疫喇。為咗呼籲國民留家減少感染機會,日本網站Doraemon Channel推出六款Wallpaper,商用於PC、手機同視頻會議等等,歡迎大家免費下載。嗱,咁大家記得聽叮噹同大雄話咯喎,Stay Home!

Read more ›

星野源主唱《多啦A夢》新主題曲    一個時代的開始
by / on 06/09/2019 at 7:00 am

星野源主唱《多啦A夢》新主題曲 一個時代的開始

《多啦A夢》,即係《叮噹》啦,呢套動畫係好多人嘅集體回憶,今朝日本藝人星野源就喺個人Twitter公佈,佢主唱嘅《多啦A夢》新主題曲將會喺10月5日開始每星期六下午5點播放動畫時聽到!都算係一個時代嘅新開始,到時留意吓先。

Read more ›
【新片速報】胖虎唱歌變靚聲王 台下同學感動到喊
by / on 08/08/2017 at 7:32 am

【新片速報】胖虎唱歌變靚聲王 台下同學感動到喊

聽胖虎唱歌本身就係一種折磨,絕對係「被撒旦吻過的聲音」嘅級數。不過日本有網民就分享咗呢段另類影片,片中嘅胖虎一開聲竟然變咗做靚聲王!台下嘅同學仔聽到喊晒兼拍爛手掌,好驚喜。key入影片嘅歌連《你的名字》都有,歌手包括Ed Sheeran、RADWIMPS同MAN WITH A MISSION。BTW,靚聲如果再生得靚仔少少,肯定連靜香都鍾意呀。

Read more ›
【有片】最新2017年版「見到靜香沖涼」動畫 大雄反問:「點解你成日沖涼?」
by / on 03/06/2017 at 3:20 pm

【有片】最新2017年版「見到靜香沖涼」動畫 大雄反問:「點解你成日沖涼?」

由靜兒到靜香,當佢沖涼已經成為習慣,我哋都好想知到底佢係咪咁大汗,一日沖幾多次?仲要次次都浸浴?靜香唔只沖涼,仲有一舖俾大雄見到佢沖涼嘅癮,但嚟到2017年,唔再係一如以往女嘅大叫男嘅臉紅走出去,當靜香例牌大叫嘅時候,大雄嘅竟然係反問佢點解你成日都喺度沖涼?仲要埋怨靜香叫佢要顧吓人哋感受……唔,大雄真係越嚟越醒,但喂,係你用隨意門去人哋浴室喎?靜香都幾慘,沖涼俾人睇到仲要被埋怨,難怪最後佢都唔知俾咩反應。

Read more ›
【童真】日本網民二次創作《叮噹》漫畫 鉛筆加鼻涕自創對白
by / on 04/04/2016 at 2:23 pm

【童真】日本網民二次創作《叮噹》漫畫 鉛筆加鼻涕自創對白

其實我唔捨得畫花啲漫畫書,但係睇吓人哋嘅作品都開心嘅。日本有網民最近放咗自己嘅「作品」上2ch,佢細個好鍾意喺《叮噹》漫畫入面用鉛筆加幾筆,有時幫啲角色加返下半身,有時幫叮噹加篤鼻涕、幫大雄擔支煙,仲會間中加幾句自創對白,好有童真,你細個有無咁樣玩過?

Read more ›
【有片】大雄屋企3D間格示範單位 睡房玩360VR
by / on 27/01/2016 at 12:50 pm

【有片】大雄屋企3D間格示範單位 睡房玩360VR

《多啦A夢》睇得多,大雄、多啦A夢間屋都睇唔少,但如果你問起我間格,我淨係記得大雄間房喺二樓囉,花園、客廳喺邊面真係冇研究……o依家有機會俾你入去睇示範單位喇,因為有個「267C Production」單位製作咗一條「野比家 遊覽」影片,另外仲有大雄間房嘅360度VR玩。

Read more ›

「超合金の塊」終於有靜宜/阿福 下年5月推出
by / on 23/12/2015 at 7:12 am

「超合金の塊」終於有靜宜/阿福 下年5月推出

「超合金の塊」系列之前公佈過有超級機械人系列,1式6款,100%合金製作,今個月發售。緊接1月仲有「藤子・F・不二雄系列」,有齊叮噹、大雄、靜宜、技安、神奇小子等角色,1月推出,好吸引!最近官方再公佈多4個角色,包括靜宜、阿福、《神奇小子》入面嘅替身機械人同埋大耳獸芝比,預計下年5月推出,每款賣1200円,儲齊一套都唔過份吖。

Read more ›
有片:煎Pan上的Elsa 煎乜似乜Pancake art
by / on 15/08/2015 at 7:00 pm

有片:煎Pan上的Elsa 煎乜似乜Pancake art

是日推介YouTube頻道「TigerTomato」,片中人兄真係煎乜似乜,係咁意喺煎Pan上面撩兩撩又畫兩畫又唧兩唧,之後一剷一反,嘩!Elsa、Minion、Hello Kitty、叮噹、Pokemon、Simpsons等等卡通人物即時出晒嚟,顏色鮮艷線條分明。唔只添呀,Emoji表情符號、YouTube播放鍵Icon、心心眼等等,佢一樣煎得有紋有路,勁到爆炸,入佢頻道有大把Pancake art睇。

Read more ›
【求雨儀式】《多啦A夢》泰國祈福黨     唔用真貓用機械貓
by / on 30/06/2015 at 7:07 am

【求雨儀式】《多啦A夢》泰國祈福黨 唔用真貓用機械貓

每次見到多啦A夢,個心都仲會有少少戚戚然。今次呢單新聞發生喺泰國,事緣泰國北部一個村落每年求雨儀式都會放一隻貓喺籠入面,再向佢灑水祈求個天落多啲雨喎。不過大熱天時困喺籠入面暴曬都幾辛苦,仲要比人潑水,所以好有愛心嘅群眾今年決定改用多啦A夢做代替品!唔止籠外面掛住,籠入面都坐住一隻,做戲做全套,咁有愛心,祝你哋來年風調雨順啦!

Read more ›
《多啦A夢》點解咁肥? 食得太多豆沙餅變脹
by / on 13/05/2015 at 7:08 am

《多啦A夢》點解咁肥? 食得太多豆沙餅變脹

間中都會爆出《多啦A夢》嘅奇妙事件,例如多啦A夢原來有手指啦、靜宜爸爸原來每次都唔同樣。最近有日本網民就發現早期嘅多啦A夢唔知點解畫得特別肥美,喺背面睇直情變咗圓形,正宗虎背熊腰,唔通因為食得太多豆沙餅?不過其實佢肥肥哋都幾可愛吖。

Read more ›
台南舊村變新景點  多啦A夢 /龍貓  畫滿街
by / on 22/02/2015 at 1:32 pm

台南舊村變新景點 多啦A夢 /龍貓 畫滿街

台灣近年多咗好多舊鄉村翻新,最近台南嘅「胡厝寮」(胡家莊)就好多人談論,連外國嘅CNN都報導。呢條村嘅橫街小巷畫滿公仔,有多啦A夢、龍貓、蠟筆小新、熊本熊甚至變形金剛,而呢條村之所以翻新嘅原因都好感人,說話孫女李梵榳為咗令平日好少出遠門嘅阿嬤生活多啲色彩,於是喺「胡厝寮」嘅屋外畫咗啲唔同嘅公仔,希望阿嬤出門口就可以見到唔同嘅風景,佢嘅孝心感動咗好多熱血青年,大家都加入一齊創作,令呢條村嘅街頭插畫越嚟越多,而家仲吸引咗好多遊客專登嚟影相參觀。不過玩還玩,記住要有公德心,千祈唔好破壞咗呢條村莊寧靜嘅一面。

Read more ›

香港多啦A夢限定店 超正精品 啷啷購物袋
by / on 25/01/2015 at 12:50 pm

香港多啦A夢限定店 超正精品 啷啷購物袋

今年新年,有得睇林保全先生最後一次聲演嘅多啦A夢,冇得傾一定要入場撐啦。想Shopping嘅都要留意,因為由2月3日至2月22日,喺銅鑼灣就有呢間「STAND BY ME 期間限定店」,有唔少精品獨家發售,啷啷打開就係一個購物袋,收埋可以變多啦A夢個啷啷掛喺袋,$280必入之外,個搪瓷杯都正,杯入面都有圖案喎!

Read more ›
美形版大雄阿福 排骨技安識覺醒!
by / on 20/01/2015 at 12:00 am

美形版大雄阿福 排骨技安識覺醒!

記唔記得呢位日本畫師「ポップキュン」?之前畫過中童版《櫻桃小丸子》造型嗰位呢!今次佢目標就係《多啦A夢》,唔只太雄變美形,個人覺得最正係阿福(小夫),個髮型實在係潮;至於技安(胖虎),仲勁過「樵夫水池」嗰個,而且有得覺醒,變番巨人,嘩,好大隻呀!呢幾幅圖放咗1日就3萬幾個RT,果然勁!期待佢嘅叮噹(多啦A夢)同靜兒(靜香)!

Read more ›
日本出模具 自製「多啦A卵」變形蛋蛋
by / on 06/01/2015 at 11:16 am

日本出模具 自製「多啦A卵」變形蛋蛋

近呢幾日,大家都仍然好懷念香港「多啦A夢」林保全先生把聲,嚟緊一齊睇電視重播再入場睇3D電影用笑聲悼念佢啦。咁既然大家呢排都想見多啲叮噹,不如考慮買埋呢兩個模具,只要將熱辣辣嘅蛋蛋放入去夾一夾,之後再放入冷水度浸,就可以整到「多啦A卵」同「多啦美卵」喇,每個100円,呢個多啦A夢道具都幾好玩。

Read more ›
多啦A夢有手指?  日本網民摷舊圖舉證
by / on 11/11/2014 at 7:18 am

多啦A夢有手指? 日本網民摷舊圖舉證

多啦A夢有幾多隻手指?無?我都以為係,原來佢好興出彈弓手,曾經喺漫畫出現過兩隻或者五隻手指!最近日本網民摷返啲舊《叮噹》出嚟,大爆當年叮噹猜包剪揼時曾經出過有五隻手指嘅「包」!又試過唔覺意突咗隻手指出嚟指指貢,至於兩隻手指嗰張之前網上都流傳過。BTW,如果多啦A夢真係無手指,佢隻手係咪裝咗磁石,否則豆沙包點解唔跌?

Read more ›