Tag: 另類漫畫

另類漫畫x譚仔三哥米線 宣傳兩溝湯底

另類漫畫x譚仔三哥米線 宣傳兩溝湯底

好得很,之前已經合作過一次,家陣面書專頁「另類漫畫」再次聯乘「譚仔三哥米線」推出宣傳漫畫。宣傳乜?煳辣湯同麻辣湯合體而成嘅煳麻湯魚爽肚米線是也,漫畫就OK過癮嘅,簡簡單單一睇就明,不過齋講無用,漫畫就睇完嘞,咁「至爽嘅魚爽肚同惹味嘅芥末魚籽鱈魚滑豆卜」是否一試上癮?各譚仔三哥Fans幫襯試吓咪知囉。

Read more ›

網圖分享:《星鬥士星矢》版Error

網圖分享:《星鬥士星矢》版Error

又來!今次輪到面書專頁「另類漫畫」出圖,Error變身《聖鬥士聖矢》啱唔啱睇?一輝配Dee哥,肥仔配星矢,193配阿瞬,花姐就梗係合情合理地侷住配雅典娜喇,打格仔嘅紫龍配格仔導演Mike啱數,而「勇闖十二宮時被人雪咗入冰櫃短時間」嘅冰河就等於保錡。哈哈,絕對零度呀喂,雪藏呀喂,非常切合角色原型呀喂。笑咗了。

Read more ›
另類漫畫x譚仔三哥米線 Sell新激辣風味

另類漫畫x譚仔三哥米線 Sell新激辣風味

有無睇開以籃球為主題嘅面書專頁「另類漫畫」?我有,長追添,啲畫畫得唔錯,當中情節,我呢類熱愛籃球但又唔多夠氣打籃球嘅中佬尤其有共鳴。近日,專頁聯乘「譚仔三哥米線」出廣告上集,Sell另類風味激辣新產品咁話喎,咁究竟係乜新產品呢?聽日去各大中小分店睇埋漫畫下集,咪知道得一清二楚囉。

Read more ›
網圖分享:Cuson露點 插畫家們接龍致敬

網圖分享:Cuson露點 插畫家們接龍致敬

一切應該由Cuson一個含打情罵俏意味嘅放閃式四格漫畫開始,由於各大中小插畫家包括賤人新世紀、東尼電機、DDED、草日、Plastic Thing同另類漫畫等等,唔抵得Cuson太過美化自己,明明大肚腩卻畫出健碩胸膛、明明大叔臉卻畫出精緻五官、明明矇豬眼卻畫出凌厲眼神,所以紛紛作畫致敬。而亮點中的亮點,絕對係Cuson胸前兩點,經演化後居然有圓形、心形同閃電形,且與「豐乳同露協會」甚有關連,感覺非常獵奇。睇走勢,一眾大中小插畫家會繼續接龍賜畫,大家可以買定花生半噸。

Read more ›
網圖分享:未到36歲已經打唔到籃球

網圖分享:未到36歲已經打唔到籃球

對籃球友嚟講,「另類漫畫」係一個會睇到人會心微笑嘅面書專頁,但今次,我笑唔出了。負責人剛剛出咗一張圖,觀之雖未致痛心疾首,但也百般無奈。圖依舊畫得靚,依舊惹起人共鳴,因為我都係圖中16歲嗰陣精力無限可以打到球場熄燈先捨得走嘅人,但「經過二零一九年,有很多香港年輕人已無法走到三十六歲……」我過到36歲,我擒日先打完籃球出完一身汗,但佢哋……唉,好Sad。

Read more ›

面書專頁「另類漫畫」x《Hoop TW美國職籃》 出特刊送啤牌

話說台灣有本NBA雜誌《Hoop TW美國職籃》,推出特刊《2019 NBA ALL-Star Collection》,隨書附送本地面書專頁「另類漫畫」繪畫嘅球星啤牌,大家可以去博客來等網上書店購買,原價199台幣。正呀喂,芸芸精品中,我都幾Like啤牌,易收藏吖嘛,大家可以望望相,啲Q版球星畫得幾過癮架。很想要吧?如果向「古妮之部屋-二手漫畫店」預訂,仲會醒多你兩張Postcard,預訂價$140,Postcard只會隨古妮預訂附上,大家識做喇,截止日期2月10日。

Read more ›

網圖分享:筆伐表態 港漫人的心聲(七)

誰說太陽底下無新事?鑊鑊新鮮鑊甘至真,每朝訓醒睇面書,都總有嘢令我O晒嘴。威咯,呢鋪真係光宗耀祖咯,圍《生果日報》已經夠薑,今劑玩到連記者都打添,如此打壓新聞自由,邊個係暴徒,邊個收咗錢做嘢,邊個有心令香港亂上加亂,我諗都唔使再解釋嘞啩,沉默的大多數,呢劑又點睇呀?無眼睇呀,睇吓港漫人的心聲喇──

Read more ›

勁濃《男兒當入樽》味 《炎之籃球部》有啖笑

推介面書專頁「另類漫畫」,內有連載籃球漫畫《炎之籃球部》,畫風好重《男兒當入樽》味道, 內容輕鬆有啖笑。睇完,望一望窗,陽光正燦爛,雖然明知頭頂有三十度高溫太陽,但落街場鬥波嗰股籃球熱血,返晒嚟囉。

Read more ›