Tag: 另類

日本超另類「蘑菇咕臣」 奇特設計Twitter熱傳

日本超另類「蘑菇咕臣」 奇特設計Twitter熱傳

通常潮濕嘅地方又無人打理,好易吽吽吓就生菇,不過最近日本Twitter熱傳嘅呢套咕臣就將生菇變得好可愛。每個咕臣嘅角位都生滿大小不一嘅菇仔,特別得嚟又幾有設計感,Etsy有得買,有無人有興趣帶佢返屋企?有密集恐懼症嘅朋友有無嚇親?

Read more ›

日本另類女僕圖輯    充滿殺氣違和感網民出圖

日本另類女僕圖輯 充滿殺氣違和感網民出圖

日本妹、女僕服、廚房,單睇字面令人有無限瑕想,不過真相又未必係咁,日本呢位網民親身示範咗但佢唔記得咗自己個頭剷咗青,然後拎住把刀個樣又充滿殺氣。不過效果幾型,仲有網民幫佢畫埋圖,入嚟有得睇。

Read more ›
日本另類波鞋聯乘    Netflix/ 7-11便利店都有份

日本另類波鞋聯乘    Netflix/ 7-11便利店都有份

波鞋成日都同不同牌子crossover,最近呢位日本設計師@mitiruxxx就發揮創意,設計咗幾個與眾不同、好另類嘅聯乘,包括NETFLIX、桔梗信玄餅、Suntory天然水等,其中7-11便利店個鞋盒仲好靚!

Read more ›
溫布頓網球另類用途 慈善團隊重製成動物居所

溫布頓網球另類用途 慈善團隊重製成動物居所

唔講唔知,原來溫布頓網球賽之後嘅網球,會捐俾慈善團體,而有間慈善團體,就用呢啲破損咗嘅網球做成一個個巢穴俾野生動物作為居所,睇相見到啲老鼠仔瞓得好開心,仲突咗個頭出嚟好可愛,呢個用法好有意義呀!

Read more ›
日本網民分享另類長褲       U型紐扣引人瑕想

日本網民分享另類長褲 U型紐扣引人瑕想

新年梗係要買新褲著,不過呢條褲似乎令人有無限瑕想。最近有日本網民喺Twitter分享咗,褲嘅屁股位置有排U型嘅紐扣,示範圖仲打開咗幾粒紐。著住佢去廁所應該好方便,但會唔會有啲難扣返?又或者坐車時唔覺意爆開咗點算好呢?

Read more ›
【新片速報】日本另類瘋狂動畫 煮「蛋包飯」上月球爆破

【新片速報】日本另類瘋狂動畫 煮「蛋包飯」上月球爆破

又係呢個日本瘋狂動畫師「からめる」嘅新作,今次隻喵學人煮嘢食,點知搞到自己一面茄汁,之後當然唔少得飛上月球呀、爆破呀呢啲經典場面,最後竟然整到碟蛋包飯出嚟!好瘋狂,照舊記住開埋聲睇啦。

Read more ›

【新片速報】日本人氣另類動畫 2018新片有爆破

【新片速報】日本人氣另類動畫 2018新片有爆破

好耐無介紹過呢個日本另類動畫師嘅作品嘞。佢最出名就係上年嘅新年系列,到而家Twitter仲有好多人RT。啱啱佢終於有賀年新片出嘞,又爆破又插眼,中途仲出現返幾個熟悉嘅場面,好正!都係嗰句,記住開埋聲睇。

Read more ›
日本公司「另類」員工福利 同動漫人物結婚每月5千円津貼

日本公司「另類」員工福利 同動漫人物結婚每月5千円津貼

喺日本同動漫人物結婚唔係新嘢,不過有公司肯應受而且提供福利就第一次見嘞。呢間位於秋葉原嘅科技公司Gatebox,職員只要填寫公司嘅結婚證書,詳細列明佢同嗰位結婚對象嘅相遇過程、求婚內容等等,審批之後就可以每個月得到額外5000円嘅津貼。而喺嗰位動漫人物嘅生日當日仲可以有多一日有薪假!對象不限性別同埋種類,即係男男、女女或者同非人類都可以結婚,不過就規定只可以有一位對象,而且公司承諾會對資料保密!

Read more ›
日本火鍋湯底另類食法 加入電飯煲煮飯超美味

日本火鍋湯底另類食法 加入電飯煲煮飯超美味

又到秋冬天打邊爐嘅季節,呢類型嘅火鍋底喺日本超市好容易買到,不過日本網民仲有另一種食法,就係將佢倒落電飯煲度煮飯嘞!豬骨加雞嘅白湯底,同啲米飯融為一體,加埋嚿雞胸肉,就變咗豬骨白汁雞肉飯,樓主話超美味,其他網民睇完都好想試,有人仲建議可以加埋生姜或者洋蔥落去吊吓味,食得好專業,有無興趣試吓?

Read more ›
【圖集】另類食物攝影     高清蒜頭/辣椒配人仔

【圖集】另類食物攝影 高清蒜頭/辣椒配人仔

攝影師Péter Csákvári呢輯相好正,本身係一個食物攝影師嘅佢,發現原來加啲人仔、道具喺啲食物旁邊會有好特別嘅效果,於是創作咗呢輯叫「Tiny Wasteland」嘅圖集。雞蛋、花生、蒜頭、壽司、辣椒‥‥‥全部都好正,入嚟有得慢慢睇。

Read more ›
【最緊要快】日本懶人煮麵法 網民Twitter分享另類煮食圖

【最緊要快】日本懶人煮麵法 網民Twitter分享另類煮食圖

其實都唔可以完全怪佢哋嘅,日本有唔少拉麵內附嘅調味汁料,都會寫明可以簡單用熱水坐熱佢然後淋上麵度。有日本網民最近就將煮食過程影埋相放上網,佢仲好識食咁加多咗隻蛋,不過睇落啲水似乎濁濁哋。其他網民都忍唔住分享佢哋嘅另類煮食圖,最多情況係煮意粉順手放埋包醬料入去一齊煲。老實,我平時都係咁煮嘅。

Read more ›

【另類cosplay】日本超正笠頭T恤      無臉男/初號機頭型啱啱好

【另類cosplay】日本超正笠頭T恤 無臉男/初號機頭型啱啱好

無臉男出動!日本有得賣嘅呢個T恤系列超正,拉起件T恤笠住個頭就可以cosplay,既方便又低調。之前都有其他公司出過,不過今次嘅造型更加過份,除咗無臉男,佢哋仲有推出蜘蛛俠、初號機、死神流克同史萊姆,全部都超正,頭型啱啱好,每件賣2千零円,日本Amazon同樂天都有,夏天熱熱哋想cosplay啱晒!

Read more ›
【新片速報】日本另類瘋狂動畫 Twitter爆紅唔靠畫功

【新片速報】日本另類瘋狂動畫 Twitter爆紅唔靠畫功

越嚟越鐘意睇呢個日本動畫家嘅作品,佢嘅「畫」簡單到有啲核突,不過又有種出奇嘅瘋狂幽默感。之前段新年敲鐘片喺Twitter瘋狂熱傳,啱啱佢又有新片,今次玩紅綠燈,合埋眼呀擰轉身,啲人仔嘅表情同動作都好瘋狂正,一日唔夠已經超過6萬個RT,慢慢欣賞,記住開埋聲睇。

Read more ›

【實用】日本網民大發現 貓狗梳毛刷另類用途

生活小常識!有無試過買咗返嚟嘅毛公仔,放耐咗或者幫佢沖完涼之後,啲毛就會黏埋一束束?有日本網民就諗到完美嘅解決方法,就係喺100円店買專幫貓狗梳毛嘅刷,刷兩刷,啲毛即刻鬆晒,好似新嘅一樣!除咗毛公仔之外,之前仲有人試過用嚟刷地毯,效果一樣好得。

Read more ›

【真係驚】另類怪獸家長 搵囡囡影恐怖相集

美國攝影師Joshua Hoffine可以話係怪獸家長,不過唔係一般迫個仔女上十幾個補習班嗰種,而係「迫」佢哋一齊影恐怖相。呢輯名為「After Dark My Sweet」嘅相集,將小朋友最驚嘅場面重現,例如打開雪櫃有個人頭、床下底有怪手、樓梯底有鬼鬼,不過唔駛擔心,攝影師個囡囡影得好開心,有得玩又有得嚇人,呢種另類嘅親子活動,好過去上幾十個補習班吖。佢哋仲計劃連埋其他恐怖相一齊出本相集,而家喺Kickstarter集緊資,有無家長想買返本?

Read more ›