Post Tagged with: "叉電"

日本家庭餐廳Gusto「完全一人席」 叉電Wifi全包超正
by / on 24/05/2019 at 7:54 am

日本家庭餐廳Gusto「完全一人席」 叉電Wifi全包超正

一個人去日本,電話無電想叉吓?最近有好地方推介。日本家庭式餐廳連鎖店Gusto(ガスト)最近推出咗呢啲一人私家位,吸引好多網民談論。外形好似圖書館嘅自修室,但就配備埋叉電、Wifi,而且無時間限制,傾電話都得,仲好過去Starbucks,因為有多啲食物揀!佢嘅分店極多,唔少都係朝七晚十二,happy hour啤酒200円杯,難怪好多日本網民推介。入嚟有店舖地點同埋多啲相片睇。

Read more ›

日本原宿「睡眠Cafe」 免費Wifi叉電眠一眠
by / on 25/03/2017 at 11:10 am

日本原宿「睡眠Cafe」 免費Wifi叉電眠一眠

要飲咖啡不如瞓個靚覺?日本原宿嘅Nescafe同FranceBed合作,俾各位經過原宿嘅朋友瞓覺快叉吓。有日本網民去咗體驗,一個獨立個室,一張好舒服嘅床,仲有Wifi同電話叉電,仲有免費咖啡飲,當然係瞓醒先飲啦。

Read more ›
有片:伏已中!假充電站玩殘旅客!
by / on 15/09/2015 at 2:30 pm

有片:伏已中!假充電站玩殘旅客!

有時悶悶哋,睇吓呢類整蠱人短片,人都開心啲。今次場景係酒店,工作人員事先揀定一碌柱,將寫住「Charging Station」嘅A4紙貼喺柱上面,而紙下面,同時黐咗張Print咗個插圖圖案嘅紙,驟眼睇又真係幾似插頭嘅,難怪咁多人中伏。有人中伏後無嬲,開心笑住走;有人知衰咗之後,四圍裝睇吓係咪有人偷拍;有三個鬼妹仔直頭席地而坐,打算邊叉電邊吹水;有人臨叉電前發覺俾人整蠱,對住Hidden cam扁晒嘴話:「That’s not nice.」;酒店職員都戇居居架,得個望字,好明顯唔Sure個插頭堅定流;有鬍鬚佬心情唔多Nice,嬲到撕走張A4紙;咁乜都影一餐嘅人當然大把喇,開心自拍者都有!Funny!

Read more ›
有片 偷朋友手機電最方便      一條cable搞掂
by / on 18/02/2015 at 7:12 am

有片 偷朋友手機電最方便 一條cable搞掂

其貌不揚,不過呢嚿嘢好實用,佢係一條cable線,用途係偷其他人部手機嘅電,即時過戶落自己部機,救急扶危一流。之前都介紹過類似嘅產品,不過今次呢個叫Juicer嘅cable線實用度最高,每邊插一個頭就可以用得,叉電速度同插USB落電腦叉電差唔多,最重要一點係佢夠迷你,同USB手指差唔多大,長期扣喺手袋或鎖匙度唔怕唔記得帶,又唔會重。而家喺Indiegogo集緊資,$18美金有兩條,我諗住訂兩條以備不時之需。

Read more ›
有片   捐血新方法 血管叉手機即插即用
by / on 16/05/2014 at 12:47 pm

有片 捐血新方法 血管叉手機即插即用

呼籲人捐血有好多方法,呢個我覺得幾掂。大家最怕手機無電,外國廣告公司Publicis Sao Paulo 同Fundação Pró-Sangue聯手,幫一間捐血機構整咗張poster,上面有隻手加一條血管,想叉電就將條血管駁上自己部手機,即插即叉。與此同時,有句標語提醒你:「當你有需要時我們會伸出援手,你呢?我們需要血。」簡而精又擊中而家嘅手機一族,正!

Read more ›
Hea爆叉電咕臣    梳化邊叉邊上網
by / on 10/01/2014 at 12:40 pm

Hea爆叉電咕臣 梳化邊叉邊上網

坐喺梳化開tablet或者手機時,經常會發現唔夠電,呢個時候附近無插頭或者叉電器,但係又唔想郁‥‥‥呢個叫Power Pillow嘅咕臣針對懶人問題,內置12000mAh電量,平時當咕臣挨吓攤吓,緊急時就用嚟叉電,而家喺Kickstarter集資中,起標價港幣5百蚊左右,仲可以買多嚿電,加埋1千蚊唔駛,到時你就可以過hea爆生活。

Read more ›

太陽能手機叉電椅   邊休息邊快叉
by / on 15/11/2013 at 10:21 am

太陽能手機叉電椅 邊休息邊快叉

智能手機經常無電,見倒叉電器有時仲開心過見倒男朋友。上網發現美國波士頓最近喺街裝咗兩張太陽能充電椅Seat-e,坐上去休息之餘仲可以幫部手機叉叉電,真心覺得香港嘅手機品牌可以考慮整幾張放喺街當宣傳,效果應該好過周街放啲上網熱點站,不過到時會唔會長期比人霸佔一邊叉電一邊打機Whatsapp呢?同埋張椅點解設計得咁高身?女仔著短裙仔好尷尬噃。

Read more ›
[編輯Blog]苦茶:叉電叉機真契弟!
by / on 20/01/2013 at 5:54 pm

[編輯Blog]苦茶:叉電叉機真契弟!

  唔記得由幾時開始,人生由食飯、痾屎、瞓覺、返工、睇電視之外,仲加多咗樣嘢,就係叉電……我覺得生活有如咸蛋超人,又冇三分鐘收皮咁離譜!但係由中午開始叫冇電,喺公司偷電叉一叉,放工食飯夾硬頂到返屋企,又同自己講,校鬧鐘之外記得叉電,唔係瞓醒冇機用……我好懷念NOKIA當年,叉一次用兩日嘅Good Old Day!

Read more ›
USB叉電環保電芯  慳電叉足100次
by / on 05/01/2013 at 2:27 pm

USB叉電環保電芯 慳電叉足100次

呢支唔係電池形狀嘅USB,而係可以用USB叉電嘅環保電芯,雖然今時今日我哋用電芯嘅機會少咗好多,但係呢個設計都幾環保吖,而且拎部notebook出嚟插埋呢兩粒電,成部notebook睇落幾新奇刺激。呢兩粒AA電池每次5小時(!)就可以叉爆電,叉足100次都唔會壞,售價美金$17.4,唔駛驚,呢個價錢係2粒電嘅。

Read more ›