Post Tagged with: "原宿"

日本特製「屎屎emoji雪糕」 原宿竹下通有得買
by / on 16/01/2019 at 7:44 am

日本特製「屎屎emoji雪糕」 原宿竹下通有得買

呢個屎屎emoji平日見得多,估唔到日本雪糕店真係用嚟做雪糕!喺原宿竹下通嘅「Sweet XO Good Grief」有得買,每杯650円,最正係裝住個雪糕嘅「杯」都係廁所嚟嘅,顧客仲可以幫嚿屎屎加唔同嘅toppings,例如心心、皇冠等等,去開日本可以試吓,仲可以大聲叫朋友「食屎啦你」!

Read more ›

日本網民推介原宿「迴轉甜品店」 1800円任食40分鐘
by / on 13/09/2018 at 7:40 am

日本網民推介原宿「迴轉甜品店」 1800円任食40分鐘

迴轉壽司食得多,迴轉甜品未試過?最近有日本網民去咗原宿呢間甜品迴轉甜品店Cafe Ron Ron,仲話好好味。呢間餐廳有甜品任食放題,限時40分鐘,每位1800円,樓主挑戰成功,一口氣食咗30碟!去開日本嘅甜品迷可以試吓,入嚟有地址。

Read more ›
日本原宿「睡眠Cafe」 免費Wifi叉電眠一眠
by / on 25/03/2017 at 11:10 am

日本原宿「睡眠Cafe」 免費Wifi叉電眠一眠

要飲咖啡不如瞓個靚覺?日本原宿嘅Nescafe同FranceBed合作,俾各位經過原宿嘅朋友瞓覺快叉吓。有日本網民去咗體驗,一個獨立個室,一張好舒服嘅床,仲有Wifi同電話叉電,仲有免費咖啡飲,當然係瞓醒先飲啦。

Read more ›
【新片速報】日本街頭夾band二人組 原宿表演片Twitter熱傳
by / on 31/10/2016 at 7:13 am

【新片速報】日本街頭夾band二人組 原宿表演片Twitter熱傳

都見過佢哋表演。最近有網民拍咗佢哋喺原宿街頭表演嘅片放上網,好快喺Twitter熱傳,佢哋嘅衣著打扮好有個人特色,而且水準唔錯,最重要係夠投入,有無觀眾都影響唔到佢哋表演嘅心。有網民認得佢哋之前成日喺渋谷表演嘅Kyotar & Rikuo,之後表演者葛城京太郎仲喺 twitter入面留言同大家傾計。下次去日本睇吓見唔見到佢哋啦!

Read more ›
日本原宿長龍店      超正焦糖燉蛋班戟Twitter熱傳
by / on 27/09/2016 at 7:13 am

日本原宿長龍店 超正焦糖燉蛋班戟Twitter熱傳

最近一打開Twitter就見到好多人分享,呢間位於日本原宿嘅店舖「comcrepe」,入面有款Crêpe Brûlée焦糖燉蛋法式班戟,個樣超邪惡,睇相已經流晒口水!總共有5種口味,包括原味、朱古力、雲呢拿、士多啤梨同忌廉芝士,去得就預咗要排長龍,但係個樣好味成咁,排耐啲都抵,去開日本記住要試吓嘞!

Read more ›
【唔好呀】再見原宿JR舊地標?2020年兩層新站投入服務
by / on 08/06/2016 at 11:21 pm

【唔好呀】再見原宿JR舊地標?2020年兩層新站投入服務

有去過東京旅行,無論你由「原宿」行去「渋谷」或者由「渋谷」行番去「原宿」,應該點都記得呢個JR東日本「山手線」嘅「原宿駅」。1日平均乘車人數約7萬人,呢個站喺1924年就已經喺度,木造嘅外觀超靚,堪稱係地標級數。但係啱啱JR東日本就宣佈為咗2020年東京奧運,因為附近有「国立代々木競技場」呢個場館,所以要重建疏導奧運舉行時嘅人流……不過,官方話暫時未決定到底會拆除還是保留原有舊站再加建,會做吓調查先算……嘩咁有歷史價值嘅建築,我諗好多人都想保留啦,包括好多香港人,都有好多回憶嘛!下次去,似乎影定多啲相留念穩陣。另外,同時會改建嘅仲有「千駄谷車站」同「信濃町車站」。

Read more ›

【出去滾】東京最新人氣貓Cafe 20隻喵星人進駐網站有辦睇
by / on 10/03/2016 at 7:15 am

【出去滾】東京最新人氣貓Cafe 20隻喵星人進駐網站有辦睇

日日對住屋企嘅喵,間中都要出去滾吓嘅。日本貓cafe越開越多,其中呢間MoCHA(モカ)最近好高人氣,上年2月喺池袋開第完第一間店,7月就再喺渋谷開分店,嚟到2016年,第三間店終於喺噚日開張,位於原宿駅附近,入面有20隻喵星人返工,由於位處4樓,落地玻璃可以望晒明治神宮同代代木體育館,風景好靚,入去網站仲有齊20隻喵星人嘅資料同相集!下次去東京記住探吓佢哋喇。

Read more ›
【腳軟】日本潮興蛇Cafe 囡囡超大膽喪玩
by / on 08/03/2016 at 7:12 am

【腳軟】日本潮興蛇Cafe 囡囡超大膽喪玩

點解日本啲囡囡而家咁大膽?日本一直好流行貓cafe,不過最近有另一股潮流,就係蛇cafe嘞。睇相見到好多囡囡玩蛇玩得好開心,我就睇相都覺得腳軟。位於原宿同表參道之間嘅蛇cafe「東京スネークセンター」,入場費1000円,包埋飲品,想識日本女仔嘅你,夠唔夠膽去挑戰吓?

Read more ›