Post Tagged with: "原力"

有片:施展真實版原力 雙手一推旁人仆開九呎遠
by / on 24/12/2015 at 8:30 pm

有片:施展真實版原力 雙手一推旁人仆開九呎遠

一個人講,你唔信,一個人仆街,你都唔信,到十個人講,你開始動搖,到幾十個人喺你面前仆街,你會唔會開始相信呢個世界真係有原力?呢個Prank其實好易搞,最緊要做媒人數夠多,求其搵個人雙手一推,扮施展原力,之後身邊做媒嘅全部仆開九呎遠,露出痛苦同難以置信嘅表情,咁就足以嚇到旁觀者劈大個口得個窿。商場夠人多,啱玩,戲院都夠人多,都啱玩,最厲害係喺商場門口扮原力碎玻璃呢下,有人真係嚇到走夾唔抖,有人喊驚,有人搵地方匿埋,Funny!

Read more ›

【新片速報】熱狗店Jedi玩原力 茄汁飛彈途人嚇到彈起
by / on 07/12/2015 at 7:08 am

【新片速報】熱狗店Jedi玩原力 茄汁飛彈途人嚇到彈起

《Star Wars VII The Force Awakens》今個月17日上映,各位星戰迷買咗飛未?原力未覺醒,可以睇住網上嘅整蠱短片先,呢套《Jedi Force Prank》一開始有個著晒Jedi衫嘅男人出場,走去熱狗店買熱狗,之後突然出原力,將放到好遠嘅茄汁用原力拎上手,嚇到坐喺茄汁前嘅人彈起,當然,全部都係事先夾定嘅魔術表演。呢類玩原力嘅片之前都有拍過,臨近星戰上演,應該會有更加多人狂玩,May the force be with you!

Read more ›
【有片】懸浮結婚蛋糕來了 《星戰》尤達玩原力
by / on 16/11/2015 at 7:16 am

【有片】懸浮結婚蛋糕來了 《星戰》尤達玩原力

之前「Egg Attack」出嘅磁浮Iron Man好正,嚟緊仲有Kid Logic出嘅《回到未來》磁浮滑板同架車,除咗玩具之外,估唔到而家結婚蛋糕都玩懸浮!呢個懸浮蛋糕由Peboryon Cakes餅店嘅Christine Jensen製作,喺今年嘅國際蛋糕節Cake International show展出之後引起好大迴響,佢哋就唔肯透露點樣可以做到,不過展出時蛋糕後面就放咗《Star Wars》嘅尤達大師,抽《星戰》水玩原力。

Read more ›
新片速報 黑武士週街玩原力 性感囡囡交戲好嘆
by / on 12/07/2015 at 1:15 pm

新片速報 黑武士週街玩原力 性感囡囡交戲好嘆

睇見呢幾日Comic Con嘅新聞就好精神,外國人勝在玩得夠放,好似呢條片入面嘅黑武士,喺街一邊行一邊出動原力,途人個個即時一齊玩,叉晒頸交足戲,連啲性感囡囡都無話擺款,玩得好開心,你睇佢幾嘆。臨尾黑武士遇到個小朋友版嘅黑武士,仲出埋激光劍,喂,恰細佬?

Read more ›
發揮你的原力 贏激光劍
by / on 23/04/2014 at 11:30 am

發揮你的原力 贏激光劍

「Star Wars Hong Kong」面書專頁搞Event,投相勝出者可以免費贏取激光劍,搵個朋友仔陪自己一齊癲,撳個掣影張相咁大把啫,作為《星球大戰》迷嘅你,無理由唔撐啩?

Read more ›
原力有得賣 ebay開價$13火速沽清
by / on 27/12/2013 at 12:06 pm

原力有得賣 ebay開價$13火速沽清

「May the force be with you」呢個世界乜嘢都有價,估唔倒原力都有價,而且好cheap。呢盒標題「The Force」嘅原力盒,ebay今個月29號上架,即時沽清,梗係啦,開價美金$13.95仲包埋運費,不過要4歲以上先用得,買返去後用唔用得著就要睇你有無大師嘅慧根。勁在ebay都唔可以話佢違反商品說明條例,因為啲原力有個盒裝住。

Read more ›

Star Wars手指公出原力   激光劍配電影場景
by / on 22/09/2013 at 9:06 am

Star Wars手指公出原力 激光劍配電影場景

Star Wars出產品賺錢嘅功力已經去到出神入化嘅地步,最新見倒呢本簿仔,可以比你將兩隻手指伸入去,加埋把激光劍,配合埋唔同嘅背景,係咪好有迫力?至於背景,足足有6個場景咁多,係咪好想擁有?開價港幣100蚊唔駛,平平哋當買把劍仔玩吓都得‥‥‥嘅。May the thumb be with you。

Read more ›
有片  小學雞玩電梯   原力搞搞震扮開門
by / on 19/06/2013 at 6:53 am

有片 小學雞玩電梯 原力搞搞震扮開門

細個阿媽都有教落唔好玩電梯,不過前排有香港議員表演咗一次,仲比人拉咗。外國方面,呢位倫敦嘅學生哥都玩埋一份,仲用原力扮打開電梯門。玩法好簡單,同謀匿喺電梯外負責按開門掣,企喺電梯入面嗰位就趁每次度門關上時,用手撥一撥扮晒用原力開門,好無聊好小學雞?我都覺!佢仲玩咗不下十次。奇在短片兩星期已經有70萬views,dislike嘅人又唔算多喎,我諗因為喺電梯入面嘅人無得即時按dislike啫。試幻想吓你仲有一分鐘返工就遲到,有個小學雞仲用原力搞搞震,你會唔會用激光劍扑暈佢?仲笑唔笑得出?

Read more ›
父親節新片速報      慈父黑武士原力放風箏
by / on 16/06/2013 at 9:02 am

父親節新片速報 慈父黑武士原力放風箏

記唔記得今日係乜嘢日子?算你啦!父親節梗睇返啲溫情嘢,今次新片主角係「I’m your father」嘅大眾爹哋黑武士,仲有公主Leia,兩個人走去戶外放風箏,好衰唔衰隻風箏條線戟住咗,呢個時候慈父黑武士上場嘞,點算好?咪用原力放風箏囉,噢,好溫馨呀!爹哋,我又要放!

Read more ›
獵奇影片    愛因斯坦原力對決黑武士
by / on 20/04/2013 at 2:30 pm

獵奇影片 愛因斯坦原力對決黑武士

原力同物理學有咩關係?我都唔知,不過呢條片我翻睇咗五次,愛因斯坦對戰黑武士,全程用stop motion拍攝,好順暢好精彩,見倒愛因斯坦用原力殺死黑武士,仲擺晒甫,好好睇。原來影片出自PatrickBoivin,即係之前拍李小龍大戰Ironman、瘋狂麥當勞叔叔、李小龍西人bb等嘅「大導」,入嚟有回帶。

Read more ›