fbpx

Tag: 印畫

奉張萬有諭記得買印畫 魔鬼主筆坐鎮動漫節攤位

奉張萬有諭記得買印畫 魔鬼主筆坐鎮動漫節攤位

魔鬼主筆出山了,點都要去一睹風采!張萬有喺面書開Post曰:「下星期五23至26號,係動漫節。有我嘅攤位出現!萬有出山!千祈唔好錯過!A3尺寸,250gsm……話要嚟捧場支持嘅朋友,麻煩記住快啲嚟找數!買番一份!」咁大家記得找數,去B14攤位搵佢嫰人家喇。And,不厭其煩講多次,彩色印畫一套五張,單買一張$100,買晒五張另加兩張黑白印畫$500,收到未?

Read more ›

張萬有電單車印畫 一套五款每張$100

張萬有電單車印畫 一套五款每張$100

早前張萬有透露風聲,話今年有新嘢推出,初頭仲抱好大期望地以為會出薄裝港漫,點知原來係印畫,都係好事吖!咁咯喎,講電單車,邊個夠佢畫得精準?家陣有辦你睇,大家服喇嘛?彩色印畫一套五張,單買一張$100,買晒五張另加兩張黑白印畫$500,有興趣入手者請聯絡「古妮之部屋」。

Read more ›
袁家寶送四張《黑豹》印畫 歡迎下載

袁家寶送四張《黑豹》印畫 歡迎下載

  睇復刻《洪拳》同復刻《龍虎門》,我例必撈埋信箱同讀者來稿等專欄,發覺二三十年前嘅讀者,好鍾意問主筆攞筆嘴、網紙、親筆畫或印畫,唔知你試過未呢?時移世易,家陣兩個世界咯,想要印畫係唔須要回郵信封嘅,袁家寶剛喺面書掟咗四張《黑豹》印畫出嚟,有成30年歷史架喇,歡迎Fans下載。話時話,其他主筆會唔會效法袁家寶咁做呢?

Read more ›
「邱福龍x黑漫畫」漫想世界展覽 買精品送限量印畫

「邱福龍x黑漫畫」漫想世界展覽 買精品送限量印畫

歡樂時光過得特別快,聖誕節眨眼又過咗咯,擒晚玩通頂家陣先訓醒?訓醒就唔該速速過灣仔動漫基地,「邱福龍x黑漫畫」漫想世界展覽仲有今明兩日咋。叫得你捧場梗係有筍嘢喇,凡購買任何精品,即送邱福龍、張萬有、馮志明親筆簽名印畫一張,非賣品仲要送完即止,大家識做喇。

Read more ›