fbpx

Tag: 南韓

【新片速報】南韓平衡專家   叠高「玻璃樽」超高難度

【新片速報】南韓平衡專家 叠高「玻璃樽」超高難度

之前日本都有神人玩銀仔平衡,呢位來自南韓嘅Rocky Byun就鍾意玩樽,綽號「南韓平衡專家」,最新影片見到佢喺懸掛嘅木框畫架入面擺玻璃樽,超高難度!完成咗之後仲可以轉圈都唔跌,超強!入嚟有片睇。除咗玻璃樽,佢都有平衡其他物品,入嚟有回帶。

Read more ›

【神級】南韓畫家超真實人像畫 皺紋毛孔細緻呈現

【神級】南韓畫家超真實人像畫 皺紋毛孔細緻呈現

有無似成咁呀?呢位南韓神級畫家Joongwon Jeong嘅人像畫超像真,唔識嘅要識吓。佢嘅作品真到根本就係一張相咁,仲要係高解度嘅相,細緻到一條皺紋、一個眼袋以至一粒毛孔都清楚呈現,好強!佢嘅人像畫類型好廣泛,由藝人Ian McKellen、Robert John Downey Jr.,到心理學家佛洛伊德、希臘詩人荷馬,以至政治人物金正日、金正恩、前南韓憲法法院院長樸漢徹都有份。就讀弘大視覺設計嘅佢仲俾人話個樣有啲似李昇基,可能因為咁佢都經常畫自畫像,入嚟可以評吓分。

Read more ›
【好人好事】南韓61歲愛心婆婆 拯救超過200隻流浪狗

【好人好事】南韓61歲愛心婆婆 拯救超過200隻流浪狗

新一年祝各位讀者有錢駛之餘,亦有能力幫助更多有需要嘅人,就好似呢位住喺南韓嘅61歲婆婆Jung Myoung Sook,過去26年嚟佢拯救咗超過200隻狗。南韓同大陸一樣,到今時今日仲有好多老一輩食狗肉,婆婆唔止收留流浪狗,亦會買一啲準備賣去餐廳嘅狗,拯救一班狗狗嘅性命。因為鄰居投訴,佢已經搬咗7次屋,雖然佢唔係有錢人,但肯定佢心中好富有,希望大家新一年都可以好似婆婆咁,幫助更多有需要嘅人或者動物,將自己嘅歡樂帶比更多人。

Read more ›
南韓體驗死亡學校 寫遺書瞓棺材防自殺?

南韓體驗死亡學校 寫遺書瞓棺材防自殺?

南韓平均每日有40人自殺,自殺率都好高,咁呢間學校就為咗減低自殺率,希望學生體驗一下「死過翻生」滋味,之後更珍惜生命。除咗集體寫遺書、影大頭相之外,佢哋仲會瞓棺材瞓10分鐘……體驗過死亡嘅學生話瞓完棺材之後好似諗通咗啲嘢,更加熱愛生命咁話喎。

Read more ›
【憶獎成狂】南韓國民終極FF     預留位置放諾貝爾銅像

【憶獎成狂】南韓國民終極FF 預留位置放諾貝爾銅像

韓國表面睇又韓星又炸雞好風光,但背後嘅文化成日比人質疑,最近有日本網友喺2ch就分享咗幾張相,發現韓國某大學嘅校園中央,居然預留咗位置擺放諾貝爾得獎者嘅銅像,另外一個位置嘅石碑就寫明旁邊嘅位會用作擺放諾貝爾得獎者「校友」嘅銅像,但奇就奇在都未發生,點解要咁早留定位呢?日本網友就話:「似乎韓國人好想拎諾貝爾啊!」、「哈哈好可憐!」翻查維基,其實韓國2000年前總統金大中都拎過一次諾貝爾和平獎,可能太耐無拎,加上近年國力強盛,所以就合力發功祈福,至於日本就拎過24個諾貝爾獎,中國就有5個。

Read more ›
南韓「新沙士」引發網上罵戰    日韓網民嗌大交

南韓「新沙士」引發網上罵戰 日韓網民嗌大交

南韓嘅新沙士(MERS) 越嚟越嚴重,而家已經有30宗確診,超過1300人被隔離,作為經歷過沙士嘅香港人,感受特別深。另一方面日本人都好驚,仲引發日韓網民罵戰。呢兩日日本網大肆報導韓國疫情,網上出現好多反韓國人入境嘅言論,有關言論好快傳返去南韓嗰邊,南韓網民嬲到震即時反擊:「你哋日本人都唔好輸出有輻射嘅水啦」、「被輻射污染嘅日本人都唔好嚟韓國嘞」日本網民睇完留言仲嬲,反攻話:「互相禁止入國啦!」、「就算求我都唔會去韓國。」睇嚟今次有排嘈。BTW,希望當地政府快啲控制到疫情,唔好再繼續擴散啦。

Read more ›

南韓女高中生校服巡禮     網民:「性感過日本水手服」

南韓女高中生校服巡禮 網民:「性感過日本水手服」

    睇日劇日漫大嘅我哋,對日本女學生嘅校服相當熟悉,近期大熱嘅南韓校服又點?網上搜羅咗大量韓國女高中生嘅校服相,好多網民睇完話南韓校服仲性感過日本,梗係啦,好多都係直身裙十足OL制服,而且條裙又貼又短,同日本嘅水手服比別有一番風味。個人認為最重要係韓國嘅女高中生比較天然,起碼個樣唔會全部一模一樣。

Read more ›
西人cosplay《LoveLive!》     網民劣評:太結實

西人cosplay《LoveLive!》 網民劣評:太結實

日本動畫《LoveLive!》世界各地都有大量fans,大家都爭住cosplay入面嘅角色。近日網上就流傳下圖呢班芬蘭西人著晒水手服cosplay《LoveLive!》嘅合照,仲將佢哋同韓國嘅《LoveLive!》cosplay做比較。大家都話西人版嘅囡囡略嫌太過結實粗壯,上排右二嗰位仲有少少似偽娘。至於韓國嘅cosplay呢?網民就大讚高質得多,人多之餘,頭髮顏色同造型都一致,我都係鍾意亞洲人多啲,西人太重口味好易食滯。

Read more ›
南韓真羊cafe     兩隻綿羊長期駐守

南韓真羊cafe 兩隻綿羊長期駐守

香港商場搵真羊做宣傳呢件事真係好反智,好哋哋點解要嚇佢哋?另一邊廂,近年香港人好鍾意去嘅南韓,都有間有真羊進駐嘅cafe,名為Nature Café,入面長住咗兩隻羊,客人除咗喺入面飲咖啡之外,仲可以同兩隻羊仔玩吓,對呢件事我有啲保留,始終羊係野生動物,不過呢兩隻可能已經馴服咗做寵物羊,點都好過突然掉佢哋喺街比閃光燈嚇餐飽。不過計我話,都係由佢哋投入返大自然好啲,飲咖啡,其實駛乜有羊仔陪?

Read more ›
北韓美女相集    純天然好pure

北韓美女相集 純天然好pure

南韓多靚女大家都知,不過好多都係一式一樣人工製造,咁另一邊嘅北韓呢?最近有南韓網民喺網上分享,原來北韓都有好多靚女,雖然打扮老土啲,但係純天然(我估北韓無得整容啩?有錢都醫飽個肚先)以下精選咗幾位,個個都好pure好true。

Read more ›
南韓網友生活智慧    洗衣機變電飯煲?

南韓網友生活智慧 洗衣機變電飯煲?

第一眼睇,我都以為係電飯煲,煲熟一窩白飯有乜咁特別?再睇真啲,原來呢個唔係電飯煲而係洗衣機!入面嘅唔係白飯而係棉被!南韓有網友可能平時少做家務,居然諗到將張棉被直接掉落洗衣機洗,唔駛講都估倒,打開洗衣機蓋發現張被爛晒,啲棉花攪到一機都係。好彩,好彩佢話張被單爛唔晒,夜晚仲可以冚返,生活智慧囉,豁達囉。

Read more ›

南韓網絡瘋傳 紮辮美女圖

南韓網絡瘋傳 紮辮美女圖

有啲嘢唔可以睇表面,睇背面都唔得。呢幾張圖最近喺南韓網絡被瘋傳,第一張好似係一個金髮嘅囡囡背面相,但當佢慢慢擰過嚟,恐怖嘅事情就發生喇……

Read more ›
南韓首間Barbie髮型屋    整完靚樣電個髮

南韓首間Barbie髮型屋 整完靚樣電個髮

想有Barbie嘅完美五官或者身裁? 可以去南韓走返轉;想整Barbie個金毛鬈髮?而家都可以喺韓國搞掂。首爾嘅Bangbae-dong最近開咗首間Barbie Hair & Store髮型屋,粉紅色大門掛住大大個Barbie Logo,入到去周圍都係Barbie嘅大頭靚樣,有得洗剪電染,除咗女士,男賓都一樣招待,剪完個靚髮仲可以喺舖頭買埋大量Barbie嘅髮型產品,都話喺南韓改頭換面話咁易。

Read more ›
南韓「發明」一人影院      孤獨是一種境界

南韓「發明」一人影院 孤獨是一種境界

之前都有類似嘅「發明」,不過今次由南韓出品,而且有埋教學及後續改圖,好想分享吓。呢個號稱一人影院嘅裝置,可以瞓喺哋暗暗哋睇戲,睇乜無人知,又唔駛用手長期拎住部手機。只需要一個紙皮箱、一卷賿紙、一把較剪同埋一部手機,做法極易,但係戴住佢點飲旁邊杯可樂呢?南韓網友仲瘋狂改圖,將佢key落海灘、滑雪場、disco,充分表達到「孤獨是一種境界」。

Read more ›
韓國新興可愛紋身    單眼仔紙鶴主攻少女

韓國新興可愛紋身 單眼仔紙鶴主攻少女

紋身唔一定殺氣騰騰,近年韓國新興可愛紋身,圖案細細,線條簡單,間中仲有埋可愛題材例如《反斗奇兵》嘅單眼仔、狗仔、馬仔。呢堆可愛紋身出自南韓紋身師Seoeon手筆,佢仲開咗個blog同埋instagram,將自己嘅作品開心share,下次各位豬妹去韓國除咗整容掃化妝品追韓星,仲可以去紋吓身。

Read more ›