Tag: 北海道

【有片】真正「行路L」 日本18歲少年日本最南行到最北共2800km

【有片】真正「行路L」 日本18歲少年日本最南行到最北共2800km

未完成嘅,啱啱出發啫。呢位沖縄縣糸満市嘅18歳少年比嘉琉久,挑戰緊由日本最南徒步行到北海道,啱啱就喺日本最南端波照間島出發喇,預計下年1月28日會行到日本最北端嘅北海道稚内市。佢之前試過集資旅費,預定大多時間會「野宿」,揹住約3kg重嘅背囊就出發,仲話佢啲同學仔就好支持佢,不過父母就反對……入嚟有佢IG同YouTube,可以follow番,希望佢完成到啦。

Read more ›

北海道小店有9隻貓 曬太陽太奔放

北海道小店有9隻貓 曬太陽太奔放

喺香港日日趕頭趕命返工嘅我哋,依家旅行都冇得去吓……就算喺香港搞餐廳都唔可以用輕鬆嚟形容吖?不過如果換轉係北海道鄉郊,就好似進入咗另一個世界咁。呢間喺北海道鄉郊提供菓子、茶嘅小店,就有呢隻瞓到咁樣曬太陽嘅貓,而且佢合共係有9隻貓嘅,可以follow吓佢Twitter,趁星期五治癒吓自己心靈吖。

Read more ›
日本北海道牧場 超肥蝦夷狸曝光Twitter熱傳

日本北海道牧場 超肥蝦夷狸曝光Twitter熱傳

日本北海道嘅「北きつね牧場」係個以狐狸為主題嘅動物園,有好多野生狐棲息,仲間中會見到得意嘢,好似呢幾張相就好似有隻蝦夷狸,又稱為北海道狸向你奔跑咁,肥到圓碌碌勁搞笑呀!

Read more ›
【有片】日本北海道奇景 電話亭頂積雪惹網民創意改圖

【有片】日本北海道奇景 電話亭頂積雪惹網民創意改圖

電話亭日本都仲有,但香港都已經好少見啦?不過就算喺日本,個頂積咗咁多雪嘅電話亭都難得一見嘅。之後仲有其他網民出圖,原來呢個雪國冬天嘅自動販賣機都好有型…….再嚟就係其他網民改圖,其實又真係有啲似遊戲入面嘅Save點。

Read more ›
日本北海道寒流侵襲 最低氣溫跌至負30度

日本北海道寒流侵襲 最低氣溫跌至負30度

香港呢兩日開始轉涼,不過同日本北海道比就差得遠嘞。啱啱氣象廳公佈咗,北海道今季最低氣溫去到負30度以下,因為一股非常強勁嘅寒流侵襲,睇氣象圖都感覺到一股寒氣。

Read more ›
北海道超靚「雪之美術館」 疫情後關閉近半年Twitter熱傳

北海道超靚「雪之美術館」 疫情後關閉近半年Twitter熱傳

北海道旭川嘅「雪之美術館」,因為疫情喺6月底關閉咗,最近日本好高人氣嘅氣象研究官荒木健太郎得到特別邀請去咗參觀,仲影咗多相片分享。館內有用顯微鏡攝影嘅大約200枚雪花,仲有六角形嘅旋轉樓梯、冰之迴廊,其中結婚場地都好靚,天花板有「北の空」嘅油畫,樓主話希望多啲人分享,可以令到場館早日重開。雖然依家未可以去旅行,不過下次去北海道可以去參觀吓。

Read more ›

日本札幌今早出現「初雪」   北海道冷空氣雨變雪

日本札幌今早出現「初雪」 北海道冷空氣雨變雪

當我哋仲感受緊秋天嘅時候,日本札幌今日已經有初雪嘞!今朝Twitter有人分享咗,喺札幌市嘅西區大約6點20分左右出現初雪,因為強烈冷風,令北海道嘅雨變成雪,除咗札幌,旭川、網走、函館等地方都出現初雪,對比起其他地方仲睇緊紅葉,今次初雪出現得好早!

Read more ›
日本北海道古堡酒店 超靚外形Twitter熱傳

日本北海道古堡酒店 超靚外形Twitter熱傳

好想去旅行?我都係。最近日本Twitter熱傳呢間酒店,位於北海道余市嘅「エーヴランドホテル」,外形好似一座中世紀英國古堡,無論夏天定冬天去都好靚,每晚住宿費1.1萬円,即係港幣一千萬唔駛,bookmark定等遲啲疫情完去啦。

Read more ›
【有片】日本北海道超靚「心形湖」   攝影師新相Twitter熱傳

【有片】日本北海道超靚「心形湖」 攝影師新相Twitter熱傳

好靚!唔知幾時先可以再去日本旅行,唯有睇吓相當去咗。攝影師Hiroki.N喺Twitter分享咗北海道「豊似湖」嘅相,心形湖反射返藍天白雲,靚到好似世外桃源。樓主仲分享埋航拍影片,超靚,入嚟有得睇返。講返呢個心形湖,位於北海道南部嘅「えりも町」,離札幌大概4小時車程,而家計劃定行程啦。

Read more ›
北海道現實版《The Last of Us Part II》 40處現遊戲內組織符號

北海道現實版《The Last of Us Part II》 40處現遊戲內組織符號

《The Last of Us Part II》入面有好多塗鴉睇,其中成日見到就係呢個Seraphite用嘅標記啦。而近日就有日本新聞報道,喺北海道札幌市嘅公園見到有40處有同樣嘅符號……唔知附近會唔會有光頭人出現?

Read more ›
【有片】北海道狐狸動物園新片 超嗲人要求掃下巴Twitter熱傳

【有片】北海道狐狸動物園新片 超嗲人要求掃下巴Twitter熱傳

「北きつね牧場」位於北海道,係北見市一個以狐狸做主題嘅動物園,入面嘅狐狸慣咗有人錫,而家已經變得好親近人類。最近Twitter熱傳呢段片,就見到隻狐狸好似貓咁,不停用個頭撞人隻手,要人掃佢下巴,超可愛超嗲,不過只限於飼養員,探訪時想摸要問準主人。入嚟有片睇。

Read more ›

【有片】北海道有幾凍?熱辣杯麵放室外變硬淨

【有片】北海道有幾凍?熱辣杯麵放室外變硬淨

一杯熱辣杯麵放出門口,喺香港應該最多俾人食咗,但喺北海道,夾起一陣已經可以凝固,之後放一個半小時之後,湯都結埋冰……希望佢之後會食番,唔好浪費食物啦。

Read more ›
【新片速報】北海道札幌大雪直擊 狗狗實試積雪厚度Twitter熱傳

【新片速報】北海道札幌大雪直擊 狗狗實試積雪厚度Twitter熱傳

北海道札幌落緊大雪,咁雪有幾大、積雪有幾厚呢?日本有網民帶咗佢隻狗狗出外散步直擊,段片好受歡迎,半日已經有140萬瀏覽,睇片見到雪唔算好大,但啲積雪就超厚,隻狗狗表現得好開心,喺雪地狂奔之餘,仲將個身喺厚雪度鑽出鑽入,超可愛!入嚟有片睇。

Read more ›
北海道超可愛貓頭鷹      同雪地融為一體Twitter熱傳

北海道超可愛貓頭鷹 同雪地融為一體Twitter熱傳

實在太可愛!日本Twitter最近熱傳呢幾張相,係雪白嘅貓頭鷹呀!坐喺雪地瞓覺嘅佢同雪地融為一體,笑嗰個樣仲好可愛。如果想見佢真身,可以去埋北海道嘅旭山動物園。

Read more ›
【新片速報】北海道水族館悲慘的飼養員       「剷雪」遇超曳海象不停撥水

【新片速報】北海道水族館悲慘的飼養員       「剷雪」遇超曳海象不停撥水

日本北海道而家落緊雪,小樽水族館最近上載咗段新片,飼養員好勤力咁剷緊雪,不過旁邊水池入邊嘅海象就好「熱心」,不斷出手「相助」狂撥水,場面超混亂超搞笑。有網民留言話咁樣濕水法飼養員應該會好凍好無奈,入嚟有片睇。

Read more ›