Post Tagged with: "北極熊"

【有片】北極熊BB爛瞓影片超可愛 攤開肚皮起唔倒身
by / on 14/03/2019 at 7:36 am

【有片】北極熊BB爛瞓影片超可愛 攤開肚皮起唔倒身

其實我哋每朝都經歷呢個時刻,呢段片最近喺Twitter熱傳,隻北極熊BB攤開肚皮瞓緊覺,之後想起身但係肥得滯起極都起唔倒,千辛萬苦終於反返轉身,但已經攰到想再瞓過,超可愛,入嚟有片睇。

Read more ›

【P圖大戰】超可愛北極熊仔Say Hi   變拳證/ 軍醫/扮嗌埋單
by / on 28/05/2017 at 12:36 pm

【P圖大戰】超可愛北極熊仔Say Hi   變拳證/ 軍醫/扮嗌埋單

最鍾意睇外國嘅P圖大戰,今次主角係一隻可愛到暈嘅北極熊仔。話說攝影師Philip Marazzi去咗加拿大影野生動物,點知影到呢張熊仔舉手say Hi嘅得意圖,之後網民開始發起改圖,有人喺前面加個聖誕老人,有人放佢喺餐廳扮嗌「伙記埋單」,仲有喺拳賽扮拳證、戰地扮軍醫,全部都好高質,入嚟有得睇!

Read more ›
北極熊水底出醜      雪糕筒照頭笠Twitter熱傳
by / on 17/10/2016 at 7:10 am

北極熊水底出醜 雪糕筒照頭笠Twitter熱傳

陰功,出醜已經慘,仲要俾人影埋放上網,好彩佢應該唔識上網睇唔到。呢隻北極熊因為貪玩將個頭塞咗入雪糕筒入面,點知就卡實咗扯唔返出嚟,之後喺水族館入面就俾人睇到佢嘅醜態嘞,輯相喺Twitter好多日本人share,不過影相嗰個睇還睇,快啲搵人救佢啦!BTW,翻查輯相,其實早喺2010年已經喺外國share過,估唔到隔咗幾年又俾人拎返出嚟鞭屍,慘慘。

Read more ›
【有片】日本北極熊連環圖網上熱傳 似劍客玩火箭炮
by / on 22/05/2016 at 11:47 am

【有片】日本北極熊連環圖網上熱傳 似劍客玩火箭炮

日本北海道「釧路市動物園」呢隻北極熊喺網上好紅,網友edhimumu最近喺Twitter分享咗佢揸住支黃色筒嘅連環圖,有人話佢好似一個劍客,有人話佢以為自己揸住支火箭炮。睇返影片,其實呢個筒係佢平時嘅玩具,俾佢推吓推吓當做運動,落到水又可以當浮床用,可能佢同個筒已經建立咗深厚嘅感情,所以先擺到啲咁chok嘅表情出嚟。入嚟有佢同個筒玩嘅影片睇,好治癒架!

Read more ›
【多圖】世界北極熊日 可愛小熊鑽雪地賣萌
by / on 28/02/2016 at 1:02 pm

【多圖】世界北極熊日 可愛小熊鑽雪地賣萌

唔講唔知,2月27日係世界北極熊日,網上搜羅咗大量北極熊嘅相片,又伸脷又將個頭鑽入雪地,好可愛!而且佢哋同媽媽感情好好,經常見到溫馨嘅親子場面。不過全球暖化,對於北極熊嚟講係好大嘅挑戰,希望呢種咁可愛嘅瀕臨絕種動物,下年、下下年同未來嘅幾百年,都可以繼續一齊慶祝世界北極熊日啦。

Read more ›
【動作一致】日本柴犬飼養北極熊 Instagram粉絲破2百萬
by / on 25/01/2016 at 7:16 am

【動作一致】日本柴犬飼養北極熊 Instagram粉絲破2百萬

天氣咁凍,最適合睇吓啲咁warm嘅相。呢隻叫Maru嘅日本柴犬喺網上好紅,我哋之前都介紹過,眨吓眼佢而家嘅IG已經有2百萬個followers!好誇張。非常得寵嘅佢都有自己嘅寵物,就係一隻玩具北極熊嘞,睇佢經常都攬住佢瞓,仲會擺埋相同嘅姿勢,應該真係好friend。相信好多人都好想做呢隻北極熊公仔,冬天攬住Maru一齊瞓應該好暖。

Read more ›

北極熊識揮手?超珍貴相集北極熊賣萌揮手
by / on 03/11/2015 at 7:12 am

北極熊識揮手?超珍貴相集北極熊賣萌揮手

雖然表錯情係有啲尷尬,不過見隻熊咁可愛,大家都唔會笑佢嘅。女攝影師Laura Keene最近影咗呢幾張北極熊喺雪地嘅相,相中所見,其中一隻北極熊居然識得舉起隻手同攝影師揮手道別,睇返資料,其實當時佢哋係望緊另一個北極熊家庭經過,而企喺後面揮晒手嘅熊仔,其實係想伸高雙手平衡自己以免跌低,美麗嘅誤會,但係兩隻熊個表情真係天然呆得嚟又好得意。   資料來源:Dailymail   想即時睇到更多日本文化、ACG、網絡最新資訊,請即加入facebook! https://www.facebook.com/GameoverHK

Read more ›
北海道動物園萌爆北極熊仔 聽日見人Twitter率先睇
by / on 31/03/2015 at 9:40 pm

北海道動物園萌爆北極熊仔 聽日見人Twitter率先睇

今日星期二,如果唔係考文憑試嘅,見到家鄉喇,返多兩日就放5日喇!不過如果你要溫書,咁,捱埋佢啦!考完咪一條好漢囉!講咗咁耐,我只係想話返工返學好辛苦,我哋真係需要睇啲嘢治癒吓,例如可愛嘅動物。雖然o依家好多人都覺得動物園困住啲動物唔太好,但如果動物園係對佢哋好,都可能係野外之外一個居住好選擇嘅……北海道札幌市円山動物園,喺上年12月21日就誕生咗一隻北極熊仔,爸爸叫「デナリ」,媽媽叫「ララ」,而體長70cm,重15kg嘅佢,聽日4月1日就會同公眾見面!官方喺Twitter放咗好多靚相,成日好似笑緊咁,可愛到黐線!好多網民(我諗以女仔為主)都大叫話一定要去探佢喎……

Read more ›
新片速報    北極熊驚現英國地鐵站   途人嚇呆拎手機
by / on 06/02/2015 at 7:14 am

新片速報 北極熊驚現英國地鐵站 途人嚇呆拎手機

之前睇電影《柏靈頓》時不停諗,點解啲人喺車站見到隻熊反應會咁平靜呢?英國地鐵站最近突然出現咗隻巨型北極熊,啲途人嘅反應就合埋得多。有人即刻彈走,有人依依er er,有人嚇到呆晒,不過大部份人嘅本能反應都係拎部手機出嚟影吓相證實吓,又學倒嘢嘞!BTW,呢隻熊其實係由兩個成年人扮嘅,目嘅係宣傳即推出上畫嘅《Fortitude》,唔係之前嗰個環保活動。

Read more ›
動物時間      北極熊hea住游水超爽皮
by / on 19/10/2013 at 2:22 pm

動物時間 北極熊hea住游水超爽皮

又到星期六睇動物時間,日日匿喺香港呢個豆潤咁細嘅地方,睇北極熊對我嚟講實在係好遙遠嘅事,所以見倒攝影師Paul Souders可以去加拿大Churchill兩星期近距離睇北極熊,我真心葡萄。輯相睇倒北極熊自由自由咁游水,超爽皮,個樣仲好得意。至於點解北極熊唔喺北極? 因為溫室效應令到北極冰層融化,所以越嚟越多熊由最北點不斷向南遷移,未來要睇北極熊,分分鐘只可以喺 加拿大先見得倒。

Read more ›
新片速報   日本可樂手機Apps  內褲男狂震北極熊狂扭
by / on 24/07/2013 at 3:35 pm

新片速報 日本可樂手機Apps 內褲男狂震北極熊狂扭

夏天係飲可樂嘅最好時機,我同你係咁諗,日本可口可樂都係咁諗,所以佢哋最近好積極,仲利用手機嘅AR擴增實景功能設計咗大量好玩嘢。池袋啱啱搞咗個活動,除咗有內褲男衝入急凍可樂室實地體驗之外,用手機下載app後對準汽水機,仲有佢哋隻吉祥物北極熊出現扭扭扭,手機對準指定飲品仲可以check埋溫度,啱晒熱到爆嘅日本。另外暑假多小朋友,所以網站都有北極熊摺紙圖案下載,摺完用手機對準,隻熊又係識郁嚟郁去,睇嚟夏天取忙原來係隻北極熊。

Read more ›

獵奇日本 Twitter大熱 北極熊現身東京!
by / on 23/03/2013 at 7:33 pm

獵奇日本 Twitter大熱 北極熊現身東京!

啱啱星期四,有好多人喺東京嘅市ヶ谷附近發現呢隻北極熊,佢做咩呢?冇乜特別,北極熊食魚o架嘛,所以佢喺度釣魚囉。再之後佢就去咗涉谷,就係因為佢現一現身,所以Twitter出現唔少佢嘅相片。呢個都好正常吖,俾我喺街見到,我咪又係第一時間攞部手機出嚟……不過,呢隻熊人嘅目的係咩就唔知喇,可能因為純粹天氣凍,裏面條友想著多件衫啩。

Read more ›