Post Tagged with: "北京"

外國人發現自己喺北京好紅 食相被盜用宣傳Churros
by / on 03/09/2019 at 7:28 am

外國人發現自己喺北京好紅 食相被盜用宣傳Churros

中國一向唔重視肖像權,所以呢位外國人嘅遭遇都好合情合理。話說佢有朋友最近去中國旅行,發現周街都見到呢位Mr Churros食緊西班牙美食Churros「百事吉」嘅相,原來佢喺當地好紅,好多舖頭都用佢張相嚟做宣傳。事緣佢喺2007年去過一個倫敦嘅活動影咗呢張相,朋友放咗上Flickr,估計有中國人偷咗嚟用,之後一傳十十傳百,如果唔係有朋友去中國旅行都唔知。件事喺imgur好多人討論,入嚟有得睇返佢嘅近照。

Read more ›

【有片】勁有氣勢!「League of Legends World Finals」虛擬飛龍到現場
by / on 05/11/2017 at 2:30 pm

【有片】勁有氣勢!「League of Legends World Finals」虛擬飛龍到現場

呢個周末喺北京鳥巢舉行嘅「League of Legends World Finals」已經完咗啦,不過如果你有睇直播,應該對呢一幕開場有印象,一條虛擬飛龍空降會場再飛走……

Read more ›
北京IKEA淪陷 民眾湧入瞓覺嘆冷氣
by / on 05/08/2015 at 7:09 am

北京IKEA淪陷 民眾湧入瞓覺嘆冷氣

已經唔係第一次,內地天氣熱,好多民眾鍾意去IKEA涼冷氣,2013年都報導過,嚟到2015年,國民嘅習慣依然無變,外國網同日本網呢兩日都有報導,北京嘅IKEA再度淪陷,所有床呀梳化呀全部都瞓滿晒人,一家大細一齊瞓覺嘆冷氣,爽到呢。難為IKEA唔知點算好。其實佢哋可以參考吓2013年杭州地鐵嘅方法,當年過千人湧晒入地鐵站涼冷氣、煲煙、嬉戲,地鐵當局一聲令下,熄!冷!氣!之後啲人就全部散晒,之後先開返冷氣,呢招應該得喎。

Read more ›
北京現「藍天」微博狂洗版    日本網民留言贈興
by / on 14/06/2015 at 11:24 am

北京現「藍天」微博狂洗版 日本網民留言贈興

  其實都幾悲哀,北京長期受到霧霾天氣嘅影響,能見度低空氣又差,所以呢幾日居然出現藍天白雲,大家都好開心,北京人民仲狂影藍天放上網,大家嘅微博都比藍天洗版。有人話之前政府實施嘅政策有效,而且空氣質量測試結果都幾好,據講呢個藍天起碼持續到14號。消息傳到去日本,當地網民就話覺得北京人民好可憐,有人就突破盲腸,問係咪啲風吹咗啲霧霾去日本,咁又掃興咗啲嘅。

Read more ›
洗衣機結合單車機      慳電又健康
by / on 01/05/2015 at 7:31 am

洗衣機結合單車機 慳電又健康

呢個發明有驚喜!香港女仔好鍾意踩單車機減肥,去親健身室都會見坐滿人。呢個發明就係將單車機同洗衣機結合,當踩單車时會帶動中間嘅衣物滾動,原理同洗衣機轉動一樣,而多出嚟嘅動力仲可以用嚟做螢幕顯示或者儲起將來用。睇落唔錯仲幾環保,唔知第時去健身踩單車機可唔可以賺埋洗?不過呢個北京市中央民族大學嘅學生發明仲係概念階段,未知幾時生產得。

Read more ›
瘋狂!中國秘境登山纜車     日本網友嚇到瀨尿
by / on 14/12/2014 at 12:58 pm

瘋狂!中國秘境登山纜車 日本網友嚇到瀨尿

唔係講笑,睇倒呢幾張相我個心真係離一離,被日本網民形容為中國秘境嘅登山纜車,開放式嘅鐵籠設計,坐上去只可以扶住周圍幾條鐵欄,絕對係膽博膽,尤其是睇埋控制纜車運作現場嘅簡陋情況。難怪日本網民話:「我有信心會嚇到瀨尿」、「係咪亡命表演」、「如果行行停咗點算」。上內地網睇返,原來呢架纜車喺鹤峰縣鐵爐白族鄉漁山村,村民平時出街就係靠佢,另外北京嘅香山纜車一樣「名震中外」,演員宋丹丹仲試過坐喺上面嚇到喊,叫我坐嘅話我都會喊,仲會嘔。

Read more ›

北京等車迫爆人   勁過搭港鐵
by / on 04/06/2014 at 7:20 am

北京等車迫爆人 勁過搭港鐵

自由行搞到香港周街都係人,搭港鐵又迫、行旺角又迫,政府話減少訪港旅客人數,我舉腳贊成。不過睇完呢張相,發現旺角其實唔算太迫。呢輯攝於北京地鐵天通苑北站口嘅相,睇見大量人潮排隊等入隧道搭地鐵。原來最近內地為咗反恐,各站口都增設咗檢查站,導致嚴重擠塞。北京地鐵超過200個站,每日人流超過1千萬,咁搞法,返工返學好難遲到。不過學生哥應該會嗌正,一路塞一路打機,又可以奉旨遲到,爽。

Read more ›
北京動漫迷3D畫    挑戰狼人扮Pacific Rim
by / on 09/05/2014 at 7:12 am

北京動漫迷3D畫 挑戰狼人扮Pacific Rim

之前都報道過,北京呢位藝術家盖括係正宗動漫迷,而且支筆好犀利,佢嘅作品系列「一支筆一個夢」幾好睇,每次都將自己同筆下嘅角色互動,造出超立體嘅效果。最近佢又有新作,狼人、Pacific Rim、胡迪、超人、One Piece‥‥‥全部都好有心機好考功夫,入嚟有埋回帶睇。我哋好公正,內地有好嘢,一樣會尊重會讚嘅。

Read more ›
中國隱形俠    毛澤東都玩勁過變色龍
by / on 28/12/2013 at 2:14 pm

中國隱形俠 毛澤東都玩勁過變色龍

《怪獸大學》入面嘅變色龍可以隨時隱形,中國北京藝術家劉勃麟都一樣,之前都介紹過,不過今次有更多作品,超過40幅畫,主角同背景完美融合變成透明人,每一幅作品都要超過10小時製作,心血之作。不過由於佢經常製作諷刺政府嘅作品,工作室已經被關閉,你睇佢將天安門毛主澤改頭換面,就知佢有幾大膽。

Read more ›
獵奇網絡 北京「吉祥娃娃梨」 超嚇人
by / on 17/03/2013 at 3:39 pm

獵奇網絡 北京「吉祥娃娃梨」 超嚇人

中國出產好多假嘢,不過今次就唔係造假,真嘅,堅嘅,係冇品味到嚇人程度啫。話說有人喺超級市場發現呢款名為「吉祥娃娃梨」嘅產品,佢堅係梨嚟,但個樣就好似一個BB仔咁,味道同其他梨冇分別,佢只係喺個梨成長緊時用個模嚟蓋住佢,之後就會生成呢個樣,嗚!莫講話擺入口,我連擺喺雪櫃都唔想啦,夜媽媽想開雪櫃攞支可樂飲,真係俾佢嚇死o架!

Read more ›
北京神人 無需PS 影相再畫畫 人手剪貼製合成圖
by / on 16/03/2013 at 8:06 pm

北京神人 無需PS 影相再畫畫 人手剪貼製合成圖

我睇見呢堆相片,第一個反應係:都幾勁嘅,不過用PhotoShop整電腦修圖都唔係太難啫。但係當佢話佢呢啲同《One Piece》、《Evagelion》、《Iron Man》等動漫人物合成嘅圖片唔係主要用電腦加工,而係靠剪貼加繪圖技巧,你又點睇?呢個神人叫「蓋括」,喺北京化工大學讀緊三年級,佢呢啲作品點整呢?佢話:「我先喺腦入面諗咗一個場景,幻想吓要咩表情,之後就擺姿勢影相,再將照片剪出,貼喺繪圖板上再畫動漫人物上去!」

Read more ›

北京網友自組「光豬跑」     心口嗌「閃開」
by / on 28/02/2013 at 4:55 pm

北京網友自組「光豬跑」 心口嗌「閃開」

香港同東京最近都有馬拉松,中國內地呢?原來最近北京都搞咗個「光豬跑比賽」。參加方法好簡單,只要著住內褲,光住上身就可以嘞。女士呢?可以著比堅尼參賽吖。呢個由網友自發組織嘅比賽已經第二年舉行,今年吸引倒300人參加,大人小朋友男男女女,連外國跑手都有,認真威水。由於唔比著上衣,所以無得cosplay鬆弛熊蜘蛛俠,於是國內同胞就發揮創意,有人心口寫住「閃開」、「來了」、「光豬」,有人染到個頭七彩顏色博上鏡。至於鬼佬最大方,著條三角Calvin Klein激突出場,非常獵奇。

Read more ›
北京濃霧 污染變仙境
by / on 28/01/2013 at 6:43 pm

北京濃霧 污染變仙境

呢11張相係早幾日(22日)攝於北京東部嘅,濃霧加上污染空氣,營造出仙境嘅效果。有幾仙?仙到外國網有報導,日本2ch嘅網友仲好有想像力,話好似RPG《Final Fantasy》裏頭嘅景物,我就覺得似《Biohazard》多啲,你睇,下面嗰啲咪喪屍囉。

Read more ›