Tag: 化妝

天生一幅卡通嘴 另類化妝師 比卡超/藍精靈畫上面

今時今日做化妝師都要諗吓辦法點樣喺網上成名,好似呢位倫敦嘅化妝師Laura Jenkinson,專門喺自己嘴至下巴位置畫卡通人物,而家喺Instagram已經儲咗23萬粉絲,佢嘅作品水準好高而且題材廣泛,由比卡超到史力加到藍精靈到海棉寶寶都有份,我仲發現佢棚牙都幾白,BTW,點解比卡超好似老咗肥咗?

Read more ›

3D變2D神級漫畫化妝 英雄怕凍著返件衫

外國經常見倒神級嘅特技化妝,好似《The Walking Dead》嘅喪屍妝我就好鍾意睇。呢位叫Lianne Moseley嘅靚女化妝師都好勁,強項係將真人化到好似美國漫畫嘅2D風格,效果好特別,佢最鍾意Marvel系列,Superman、Wonder Woman、綠箭俠、Jean Grey都畫過,有時佢連套衫都係畫出嚟,不過呢排天氣凍,Body painting似乎太凍,各位超級英雄都係笠返條衫以免凍親。

Read more ›

新片速報 萬聖節血盆大口DIY 口擘擘嚇死人

又到哈佬喂,平時見鬼佬啲化妝好誇張,我哋都介紹咗唔少,不過點樣先可以有樣學樣呢?外國YouTuber goldiestarling就拍咗條片教大家化佢呢個血盆大口妝,原來又唔係想像中咁難,而且仲可以口擘擘郁嚟郁去,好邪惡。

Read more ›

20款超驚嚇萬聖節化妝 拉鍊面爛肉乜都齊

萬聖節除咗去哈囉喂,似乎無乜其他節目,或者可以好似我咁,睇吓外國嘅恐怖化妝,當感受過氣氛就算。外國網搜羅咗20款核爆級恐怖嘅萬聖節化妝,爛肉、拉鍊面、尖嘴牙‥‥‥如果夜媽媽喺街見倒真係驚到震,主題公園嗰啲鬼怪好應該考慮吓呢幾個造型。

Read more ›

神級化妝 女人變《Rocky》《教父》

化妝可以將一個人改頭換面,唔單止女變男,由阿毛變到明星都得。之前有個化妝師Paolo Ballesteros將自己化成唔同嘅荷李活明星,轉頭又有另一位叫Lucia Pittalis嘅女人挑機。佢好扮唔扮,居然扮最Man嘅Rocky,無錯,係拳王史泰龍,而且扮得好神似,其餘仲有《教父》嘅馬龍·白蘭度、Walter White、Iggy Pop等。化完妝嘅佢,相信阿媽見到都一定唔認得。

Read more ›

手機app自動下載fb靚相分析 真係辨識得到?

專做面容辨識科技嘅公司ModiFace,最近整咗個新App叫「Beautiful Me」,識得自動喺Facebook下載500張有你靚樣嘅相,然後再挑選100張高質嘅相做進一步分析,研究你嘅皮膚質素,再建議你用乜嘢方法化妝,同埋推介你用邊種護膚產品。可惜佢唔明白,而家有大量自拍神器,加埋幾百萬種執相app,基本上facebook嘅相中人連親生阿媽都未必辨識得到,更何況呢個app?所以老老實實,我唔睇好呢門生意。

Read more ›

日本新手機化妝App 柴犬測試太重手

呢個由ArcSoft開發嘅「Perfect365: 高性能メーキャップ ソフト」App,可以幫你將普通一張素顏相,變成一張化行妝嘅相。睇官網,其實效果可以好自然,不過日本就有人拎咗隻柴犬嚟試吓,一樣Work喎!你睇佢幾靚?不過我嫌佢太重風塵味……

Read more ›

慎入!化妝前後兩個樣 17位索女真人示範

Nel Nel都可以變索女,由細到大傳媒已經教識我哋化妝係一個騙局,偏偏每分每秒都有人中伏,外國網站搜羅咗17位女性嘅化妝前後對比相,大家不妨擘大眼睇清楚現實世界。闊面可以變尖面、圓下巴可以變蝦蛟下巴,原本唔靚嘅可以變到超索,不過睇還睇,去到現實,大家都係會照樣比化行妝嘅靚女呃倒,兵不厭詐呀。

Read more ›

靚女變恐佈木偶 5小時神級化妝

化妝真係好神奇嘅魔術,除咗日常見倒嘅港女式化妝之外,美劇《The Walking Dead》嘅喪屍妝我哋之前都介紹過,好驚人。啱啱喺網上見倒呢個神奇化妝,化妝師Stephanie Marie將佢個靚女朋友Lauren Jones變咗個木偶人!據講係一套恐怖片嘅造型,但啲木紋硬身質地以至個假下巴都好細緻好像真!整個妝容好花時間,3小時上妝,兩小時落妝,返去護膚起碼要用返10小時先補得返。

Read more ›

3D變2D 靠化妝真人變漫畫角色

而家乜都講3D,睇戲要3D,連印刷都要3D,偏偏有藝術家決定將3D變2D,型吖!嚟自俄國嘅化妝師Valeriya Kutsan最近嘅企劃「2D Or Not 2D」,將模特兒塊3D面畫成2D畫,再透過攝影師同執相師協力完成呢輯作品。我最鐘意係金髮美國漫畫style同埋馬賽克打格仔嘅2D面,化妝師功力深厚之餘,被畫嘅model都要有十足耐性先頂得順。

Read more ›

新片速報 網絡紅人教整迪士尼公主妝

公主病好多人有,不過要化個公主妝著套公主衫再放上網,的確需要好大勇氣。今次身先事卒嘅係喺YouTube拍化妝片爆紅嘅Promise Phan,最近佢鼓起勇氣整咗咗一系列迪士尼公主造型,有齊假髮、頭飾、靚妝靚衫,想扮公主嘅可以上佢嘅YouTube頻道照辦煮碗跟住整,靚唔靚好講天份,不過整完可唔可以電郵比我哋欣賞吓?

Read more ›

哈囉喂化鬼妝 西人高海寧夜光嚇鬼

嘩,高海寧做乜化鬼妝?睇真啲原來我認錯人,呢個係外國化妝師Katie Alves,Katie化妝達神級,唔係識將豆豉眼畫到漫畫女主角嘅blink blink眼嗰種,而係可以將塊面當畫紙咁畫,之前試過將迪士尼場景畫上眼蓋,又試過喺一邊面放煙花,入嚟有回帶。最近作品係夜光妝,見光時青bb十足變形俠醫老婆,入到漆黑位置,塊面即係裂開晒,襯晒哈囉喂,海洋公園要入啦!

Read more ›

自學化妝達人 美女變身Robert downey Jr./ Jack Sparrow

呢個嚟自加拿大嘅化妝達人叫Carly Paige,佢呢手化妝技巧係自學嘅,不過唔係為咗化大對眼化靚個嘴,而係近乎特技化妝嘅易容術。佢可以只靠化妝技巧而變樣成為Robert downey Jr.、Mystique、Captain Jack Sparrow、Marilyn Manson、Lady Gaga等等,而且仲相當神似。26歲嘅佢自2012年開始做特效化妝師,而佢嘅目標就係參與大型電影嘅製作,不過,其實佢個正常樣都幾靚,唔化妝可能仲容易有機會參與大型電影……

Read more ›

【有片】世紀大騙案 最強裝甲變索女!

好想推介呢條短片俾王祖賢睇,生果報影到佢個恐怖膠樣,坊間傳聞話佢打Botox出事,如果屬實的話就唔抵咯,識化妝就幾時都Keep到聶小倩個索樣啦,仲使打乜打物呀。

Read more ›

過百款《寵物小精靈》 眼妝 靚過大眼仔

如果有女仔化個寵物小精靈眼妝,會唔會吸引過大眼仔加假眼睫毛?外國女網友nazzara好瘋狂,將寵物小精靈嘅物種逐隻變成眼妝,估計佢自己就係model。所有相片放晒上網,粗略數過,足足有成一百個眼妝!即係一百款物種!而且款款都咁靚無hea大家。眼妝表括比卡超 Pikachu、行路草 Oddish、巨鉗蟹 Kingler、卡比獸 Snorlax、長籐怪 Tangela等等,真係堪稱壯舉,佢仲話目標係畫晒所有物種,659種喎,我怕畫到眼尾打晒摺都未必畫得齊,但我都真心佩服!

Read more ›