Tag: 勾徹

邱福龍《山海逆戰》勾徹人型首辦開訂

邱福龍《山海逆戰》勾徹人型首辦開訂

邱福龍《山海逆戰》倒數中,結局當然要睇,如果買埋呢個勾徹人型首辦,為呢本優質港漫正式畫上句號,成件事就100%圓滿了。即日起「收藏家港漫專區」接受預訂,原色版$599,限量80盒嘅尊貴版$699,包人偶本體、兵器、水晶畫背板、勾徹原造型幻彩畫板同親筆簽名證書各一,畀多$100多咁多Item,感覺非常良好。要買,無得慳。

Read more ›

邱福龍《山海逆戰》五週年 勾徹搪膠公仔11月29日有辦睇

邱福龍《山海逆戰》五週年 勾徹搪膠公仔11月29日有辦睇

五年,唔覺唔覺原來《山海逆戰》推出咗五年,而講咗唔知幾耐嘅勾徹搪膠人型公仔,亦成為五周年重點推介Product。邱福龍聯乘M3 Studio出品,唔知到時賣幾多錢呢?實物會喺11月29號喺「收藏家港漫專區」展覽。另,或者因為搪膠公仔本身Based on早期出場造型計,兼係Q版,當對比番呢幾期暴戾咗嘅勾徹,我即時有種怪怪感覺,唔知大家有無咁嘅感覺?

Read more ›
邱福龍《山海逆戰》勾徹Figure 有初版上色圖睇

邱福龍《山海逆戰》勾徹Figure 有初版上色圖睇

繼續睇住相先喇,講咗N年,邱福龍《山海逆戰》勾徹Figure尚在只聞樓梯響階段。製作公司M3 Studio喺面書Post咗張相,話係初版上色圖喎,仲話龍少都有抽空修改喎。咁……大家惟有繼續睇相止住癮先囉。

Read more ›
《山海逆戰》勾徹召喚逆戰誤畫赤霄 邱福龍開Post致歉

《山海逆戰》勾徹召喚逆戰誤畫赤霄 邱福龍開Post致歉

今期第223期《山海逆戰》劇情好緊湊,最後一個封鼎都爆埋,炎帝就快自爆了,下期應該壽終正寢,係估吓死喺邊個手上啫,我就估少昊會執死雞收場。緊湊還緊湊,但今期有個小Bug,而邱福龍亦喺面書Say咗Sorry:「本人十分抱歉,小弟先行自首⋯⋯希望以後盡量小再發生。」錯處出現喺第17頁,話說勾徹剛剛死裡逃生,想召喚逆戰再戰炎帝,畫面但卻畫錯召喚赤霄。龍少記得改番啱佢,他朝出珍藏本無錯就OK了。

Read more ›
《山海逆戰》勾徹似湯告魯斯/郭富城? 《火武耀揚》姜濤做角色原型得唔得?

《山海逆戰》勾徹似湯告魯斯/郭富城? 《火武耀揚》姜濤做角色原型得唔得?

邱福龍很勤力,每個禮拜都喺面書釋出《山海逆戰》封面,本周五出版嘅新一期書都唔例外,封面以大頭勾徹掛帥,兼老例地補多句「唔該亞傑多」。此圖一出,有Fans讚畫到真人一樣,有人話有美漫Feel,仲有人話勾徹個樣畫到有啲似郭富城、湯告魯斯添,我就覺得似碧咸多啲嘞,唔知大家覺得覺?歡迎大家留言講兩句。另,講開主角面相就純粹無聊諗,邱瑞新《火武耀揚》到依家都仲用緊明星臉做主角原型,例子有劉華係火武、金城武係耀揚、周柏豪係蝙蝠等等,計落都應該用咗超過廿年,家陣2021年了,可唔可以嘗試用吓新面孔呢?唔講邊個就講呢期紅到癲的姜濤,姜濤撈偏做古惑仔有無得諗先?瑞新,緊貼潮流吖嘛,諗諗佢吖。

Read more ›
睇住先!邱福龍Q版勾徹Figure好快開訂!

睇住先!邱福龍Q版勾徹Figure好快開訂!

邱福龍開Post出圖交代Q版勾徹Figure進程,只簡單留言曰:「搪膠試作版!還欠千歲一條!」即惹來C-Hing們即時起哄──「儲錢等開訂。」、「表情似輸咗場波。」、「眼白怎麼了?」、「龍哥,個公仔有幾大個吖?」之聲不絕於耳,呢啲咪號召力囉。被問及何時開訂,龍少只回答一句:「快!」Fine,咁盡快啦,我都好心急想知成品如何呀喂。

Read more ›

《山海逆戰》特別版 一書一板一海報or貼紙$180

《山海逆戰》特別版 一書一板一海報or貼紙$180

身邊朋友話呢排《山海逆戰》劇情有啲拖,老實講我又唔覺,仲幾鍾意不棄添,隻大眼仔不知幾可愛,真心希望邱福龍可以出番隻不棄Figure。言歸正傳,今期第138期《山海逆戰》出特別版,細分勾徹同若蘭兩個版本,一書、一板、海報or貼紙二揀一,套餐價$180。塊閃彩畫板靚到犯規,各超限量100套,手快有手快無。

Read more ›
「!吧死給我」 《山海逆戰》對白倒轉寫?

「!吧死給我」 《山海逆戰》對白倒轉寫?

唔知有無師兄同我一樣,揭到第118期《山海逆戰》第26頁,會睇到一頭霧水?事關第三格對白係「!吧死給我」、第四格對白係「!好物廢這你托付比總,年千上等再要怕那」。初頭仲以為植錯字,睇多兩睇先知原來係特登嘅,事關福龍要交代勾徹穿越空間缺口返番現實,所以呢兩格係倒鏡,順帶對白都要倒轉寫。對於呢種表達手法,話拍案叫絕太誇張,但好有新鮮感卻係不爭事實,加埋之後嗰幾格破碎頭盔重組、雙眼怒火縮番轉頭、蚩尤氣燄全消、勾徹手執兒送畀佢嘅徽章,一氣呵成電影感即時出晒嚟,我覺得要畀個讚。

Read more ›
《山海逆戰》Q版勾徹Figure 2019年發售

《山海逆戰》Q版勾徹Figure 2019年發售

臨訓前,習慣瀏覽面書,驚覺邱福龍喺面書Post張相,兼留低咗幾隻字曰:「做了發光地枱!2019公開發售」Wow,呢個Q版《山海逆戰》勾徹Figure,造型真係正到啪啪聲,仲要識發光,好難唔買,唔知賣幾多錢呢?同埋,話就話2019,咁究竟係邊個月份呢?好心急。

Read more ›
福龍突入《山海逆戰》 用收音機解釋勾徹升呢

福龍突入《山海逆戰》 用收音機解釋勾徹升呢

喺今期第66期《山海逆戰》,福龍喺第十頁粉墨登場,親自以舊式收音機如何接收頻道作例子,解釋勾徹如何調校番啱Channel,慢慢Get到其前世蚩尤嘅戰力,足可同姚星塵一鬥。呢個處理手法,我覺得好OK,可以當全期書由頭打到尾嘅一個喘氣位,最重要嘅係,睇到第十頁我真係笑得出;But,身邊朋友卻有唔同睇法,話咁樣好突兀,會破壞節奏,明明劇情好緊張,福龍咁樣突入搞一搞,道氣即時斷咗。利申,呢位朋友都係邱福龍死忠Fans嚟嘅,唔知大家又點睇?

Read more ›
馮志明客串《山海逆戰》封面 霸氣勾徹出場

馮志明客串《山海逆戰》封面 霸氣勾徹出場

下期第26期見到《山海逆戰》特別版專刊,覺得唔同Feel的話,一啲都唔需要意外,因為封面由馮志明操刀。行家一出手,便知有沒有,老馮畫嘅勾徹霸氣縱橫,堪稱精彩到一個點,我就極希望可以原圖出,加番個書名就夠,千其唔好加咁多底色呀、Effect呀之類,呢張圖,我已經Save as wallpaper,實在係正。

Read more ›

《山海逆戰》出匙扣特別版 附Q版勾徹同傲嵐匙扣

《山海逆戰》出匙扣特別版 附Q版勾徹同傲嵐匙扣

正呀喂,邱福龍又有新精品推出喇,喺嚟緊4月21出版嘅第廿一期《山海逆戰》,會加推匙扣特別版,分Q版勾徹同傲嵐兩個版本,各一書一匙扣$60,各限量200本。「收藏家港漫專區」依家開訂,有興趣快快聯絡Dicky喇。

Read more ›
邱福龍幫民政事務局畫海報 20張免費任攞

邱福龍幫民政事務局畫海報 20張免費任攞

  邱福龍幫民政事務局繪畫嗰張《香港體育x港漫!》海報,大家都應該見識過喇,勾徹變足球員、天翔變拳手、傲嵐變劍擊手,下有「香港運動員戰無不勝」數字,真係靚得嚟又夠晒熱血。係咪好想擁有拎得上手嘅實體海報呢,去面書專頁「民政事務局Home Affairs Bureau HK」留言,最有心思頭廿位參加者,就可以得到親筆簽名海報一張,正呀喂。

Read more ›
《山海逆戰》出勾徹搪膠?網民熱烈討論!

《山海逆戰》出勾徹搪膠?網民熱烈討論!

早幾日,邱福龍喺面書登咗兩張圖,兼留言曰:「出搪膠?山海搪膠?買大送小!」《山海逆戰》出精品,我第一個舉腳贊成,網民亦熱烈討論──Patrick Yiu:「呢個主意唔錯吖,一個角色再配對一啲異獸品種!」、Wt Joe:「出搪膠最好同劉米高合作,實掂呀。」、Leo Li:「勾徹搪膠我鍾意呀!」、Simon Au:「出扭蛋!」Victor Wong甚至幫福龍諗埋發達大計:「或者係指頭公仔Size咁,用異獸蛋殼包裝的扭蛋設計,用雞蛋盒一打做Packing,過癮!配人物異獸Bio card,顯示人物異獸特性屬性,名為《山海Card》,做個簡單Card game,又可以多一個俾儲卡玩家玩的玩意呢。」聽落有得諗喎,福龍不妨妨考慮吓。至於我呢,就認為出勾徹搪膠無所謂,Q版亦可以,但千其唔好太簡化,即唔好一條線代表一對眼、畫個四方形又當係嘴,因為唔係好Suit《山海逆戰》咁精雕細琢嘅畫功,純個人意見,不喜勿插。

Read more ›

跟進:《山海逆戰》特別版大抽獎 禮物總共18份

之前報導過邱福龍《山海逆戰》創刊會搞中抽獎,只要幫襯買番本特別版,即自動參加大抽獎,依家詳細跟進有乜禮物。禮物總共有18份,分別係──神秘特獎一份,因為「神秘」所以唔知係乜,福龍出品必屬佳品,一定係好嘢;大獎二份,特製勾徹造型金掛畫、特製伯益造型金掛畫;二獎五份,特製造型水晶畫版;三獎十份,特製邱福龍畫像匙扣。我唔貪心,如果咁好彩抽到鎖匙扣,心滿意足。

Read more ›