Tag: 動畫

有片 阿爸自製《龍珠》動畫 同仔仔做超級撒亞人

呢條片用咗6個月時間,由超級慈父Robson Menezes dos Santos製作,用嚟送比乖仔做禮物,而條片就係仿照超經典動畫《龍珠》!入面有Robson自己同埋仔仔做超級撒亞人,好warm,令我諗起悟空同悟飯嘅父子情。影片一開始已經用龍珠嘅經典音樂做開場畫面,不過logo就改咗名賣返自己嘜頭。最勁係搵埋巴西幫悟空配音嘅官方聲優幫呢條短片配返音,好真實!難怪出面鐘意彈嘅網民都大讚佢係全世界最好嘅爹哋。

Read more ›

大師出馬!法國名插畫師畫Simpson

作為Simpsons嘅fans,呢條片無得唔睇。法國鬼才動畫導演Sylvain Chomet,之前拍過兩套知名動畫《Triplets of Belleville》同埋《The Illusionist》,最近大師出馬,居然幫The Simpsons製作咗一條1分鐘短片,YouTube有得睇,短短5日已經過300萬點擊,犀利!影片風格用返Sylvain Chomet平時靚得嚟有少少懷舊嘅效果,一睇就知出自佢手筆。

Read more ›

奧斯卡電影變Pixar動畫 《華爾街狼人》超奸

3月3日舉行嘅奧斯卡,香港唔算多人講,鬼咩?大部份戲都未上,不過外國人就極之重視,繼之前Yahoo網站將9套「最佳電影」提名作變成LEGO海報之後,今次設計師Todd Spence就將佢哋Pixar化,就係將每張海報變成彼思動畫嘅主角,有我最鐘意嘅胡迪,不過都唔夠《華爾街狼人》咁搶鏡,奸到出汁。

Read more ›

「相」都識郁! 影片+相片=新媒體

唔好笑我孤陋寡聞,平日上網經常睇GIF圖,亦睇過唔少靚相,不過將兩者二合為一,做出好似影片又好似相片嘅圖,叫做「Cinemagrpahs」嘅呢種技術我就好少見。即係好似《哈利波特》入面見倒識郁嘅報紙海報嘅一樣,好詭異。由紐約攝影師Jamie Beck同做影片動畫嘅網頁設計師Kevin Burg共同創作嘅「相」集,主要用喺影時裝相方面,明明靜態嘅相,頭髮、裙尾會隨風飄揚‥‥‥可惜Facebook唔支援GIF格式,想開眼界要入網站慢慢欣賞。

Read more ›

有片 結婚蛋糕變動畫 Mario打Donkey救公主

結婚蛋糕見得多,好似呢款咁奇特咁高科技都係第一次見。一層層嘅蛋糕面層用投射做出多款經典遊戲畫面,最精彩係Mario要打敗Donkey Kong救公主,由最底層擒到最高層都幾考功夫,邊個話要整到個蛋糕咁多層o架?除咗Mario,仲有食鬼、超音鼠之類嘅懷舊遊戲,由外國一間負責婚禮統籌嘅公司POSH設計,話時話,未食前新郎哥係咪仲可以打返舖機考慮救唔救公主?

Read more ›

《進撃の巨人》扭蛋第二彈 絶望反攻玩食人

J2噚日首播《進擊的巨人》你有無睇?之前段好有隱喻嘅宣傳片居然成功喺TVB呢個維穩台播放,搞到網民們好興奮。講返正題,海洋堂之前出過嘅進擊扭蛋,啱啱宣佈將會推出第二彈,賣點係絕望、恐佈、戰慄,咁食人呢啲嘢梗係少不免,一共有四款,下年3月發售,400円扭一扭,香港進擊迷可以等玩具舖入貨。

Read more ›

新片速報 超人75週年《Man Of Steel》導演短片賀壽

今時今日講起超級英雄大家會諗起Iron Man,細細過陪自己長大嘅Superman超人呢?今年係Superman誕生75週年,除咗推出咗紀念郵票,DC Comic仲搵咗《超人:鋼鐵英雄 》(Man Of Steel )嘅導演Zach Snyder同埋動畫師Bruce Timm炮製咗套2分鐘嘅動畫同超人賀壽,集合咗超人多年嚟嘅造型同埋經典場面,最有heart嘅地方係官網有晒動畫入面嘅場口解說,超人fans睇一定覺得好熱血。

Read more ›

新片速報 可口可樂動畫廣告 郁住散發正能量

每日睇倒唔開心嘅新聞,黑暗腐敗嘅政府,心情真係會有啲低落,如果你同我一樣,可以睇吓可口可樂呢個充滿正能量嘅新廣告,主題係「Happiness is movement, movement is hapaniess」,用上簡潔動畫,表達我哋開心時會紥紥跳,而倒轉頭郁動多啲人都會開心啲,首歌好好聽,睇完心情都靚晒,最後話晒係廣告,當然要提醒你,開支可樂就最快樂。

Read more ›

新片速報 超強網站俾你玩 Google街景變動畫

超勁!呢個網站真係超勁!Hyper-lapse photography,即係用好多張相砌埋一條影片,咁你有冇諗過用Google嘅街景圖,逐張砌埋還原做一條影片?即係等於你坐咗喺架拍緊街景嘅Google街景車上面望出去,睇到360度嘅動態景像!入呢個『Teehan+Lax』網站,你可以自設路線,之後佢就會製作一條影片俾你睇,唔只外國,日本、香港都得!我即刻入去試咗一段龍翔道,堅Work!不過正如佢所講,定一條短啲嘅路線,條片會順好多,快啲入去玩吓!我已經去咗日本東京秋葉原行咗轉!爽皮!

Read more ›

神都係人 動畫人物打機場面大集合

歷年嚟,動畫同遊戲都好似分唔開。唔係話動畫改編做遊戲又或者遊戲反改編做動畫,而係動畫入面都少不免有打機嘅片段。咁到底佢哋打咩機呢?新至PS Vita、3DS當然有,舊至紅白機超任都一樣唔少得。有外國網站嚟咗個大集合,入嚟一齊睇吓你認得幾多?

Read more ›