Tag: 動畫

日本動畫《チャージマン研!》 主角泉研飲咖啡零違和

有無人睇過呢套1974年嘅日本動畫《チャージマン研!》?雖然好懷舊,不過劇情、畫風夠特別,近年喺2ch同Niconico都好多人討論,今時今日仲有好多人鍾意呢套經典。講返正題,最近好多人喺Twitter RT呢杯咖啡,主角就係《チャー研!》嘅泉研嘞,唔單止個樣做拉花像真度高,連佢經典嘅擘大口樣都做埋,最正都係支飲管,塞入嘴啱啱好,效果零違和。

Read more ›

【抽水】日本網民違法上載《暗殺教室》 收益一半撥捐熊本市

內地山寨「熊本熊」搞到滿城風雨,全城圍插,另一邊廂日本都有另一件事引起爭議。話說有日本網民違法上載咗《暗殺教室》第2期5話嘅動畫上網,最奇特係佢喺簡介度寫住:「呢段動畫所得嘅收益,將會有一半捐贈俾發生地震嘅熊本市。」網民狂鬧佢腦殘,亦有人突破盲腸:「點解係一半而唔係全部?」BTW,違法上載唔只中港台有,日本都好普及。

Read more ›

【新片速報】日本麥當勞動畫招募新人 超熱血AKB48聲演名

AKB48 横山由依 × Team 8 岡部麟 × スタジオコロリド!日本廣告特別好睇,就連最近麥當勞招募新人嘅廣告,都特別熱血感人。呢段廣告片以日本最強項嘅動畫製作,講一個小妹妹由初入麥當勞做嘢乜都唔識,都最後獨當一面成為大姐姐嘅故事。廣告片叫「我的未來」,你話:「唓,咪又係麥當勞請時薪員工」,不過加埋AKB48橫山由依聲演同埋咁浪漫嘅風格,感覺就唔同晒。

Read more ›

日本投選「最想動畫化遊戲」 首位《Fate/Extra》

日本又有投選,今次題目係有咩遊戲最想動畫化。訪問咗1400人,男性7成,女性3成,第一位就係《Fate/Extra》,《Kingdom hearts》第2位,《Metal Gear Solid》都有份,排第4位。之後就輪到網民「點解冇系列」,包括《龍が如く》,係喎,仲有《逆転裁判》,公佈咗4月播啦。其實,又有啲咩遊戲唔可以動畫化?《FIFA》?《NBA2K》?

Read more ›

用Stop Motion動畫教煮嘢食 外國IG頻道超人氣

Stop Motion動畫之前都睇唔少,不過IG用戶rachelryle就諗倒用佢嚟做煮食教學動畫,全程用人手繪製,效果好正好特別,推介。而家佢已經有62萬粉絲,除咗教煮食,佢仲會教大家點樣佈置屋企,全部動畫都好高質,雖然唔係真食物,但睇完都好想試!

Read more ›

【有片】咁啱?《ルパン三世》《OVAアンツィオ戦》車戰場面9成似

《ルパン三世 カリオストロの城》同《OVAアンツィオ戦》兩套嘢嘅人物同目標觀眾都好唔同,但係有日本網民就發現當中一場汽車追逐嘅場面有9成相似,無論分鐘同角度都有好多個位好類近……

Read more ›

【今日GIF】動漫迷投選 2015年最印象深刻動畫場面

日本電視動畫,基本上全世界人都睇緊追緊,當中歐美都一樣係。外國網站「Anime News Network」啱啱就做咗個「2015年最令人印象深刻動畫場面Best10」,《一拳超人》嗰段埼玉大戰地底人嘅場面,應該冇乜人會唔同意,其實師徒大戰嗰段都好正……至於其他嘅動畫片段,又覺得點先?

Read more ›

【有片】超強勁「千葉縣」地產動畫 《超機動街区 KASHIWA-NO-HA》豪華製作陣

真心,真係要睇!先講陣容,監督係「森田修平」,美術監督係「中村豪希」,聲優陣就有「坂本真綾」、「中村悠一」、「森川智之」,而且最勁係佢只係「三井不動産レジデンシャル」嘅宣傳動畫。以2018年嘅「千葉県柏市」為舞台,第1話好簡單,就係一家大細出街玩,突然見到啲大廈變做巨大機械人!啲3DCG場面做得好靚好有氣勢。全3話,第2話會喺10月8日再有得睇。

Read more ›

國產《雛蜂》反攻日本 日網民:「好似山寨日本動畫!」

呢套中國人氣漫畫《雛蜂》之前宣佈過會今年登陸日本,果然噚日就喺YouTube推出咗日文配音連字幕嘅序章,呢招擺明反攻日本,加埋搵咗日本女聲優花澤香菜配音,即刻吸引好多日本網民喺2ch討論。不過日本網民睇完劣評如潮,有人話:「太似日本動畫嘞」、「有日文動畫下層嘅水平」、「好似山寨日本」、「畫風好老土」、「我想睇吓有中國個性嘅動畫」、「感覺似惡搞,但睇得出駛咗好多錢」。今次負責製作嘅動畫公司叫「有妖氣」,而家YouTube已經有《雛蜂》序幕睇,仲分埋中文字幕同日文字幕版,我仲見到有一幕女主角好似綾波麗‥‥‥

Read more ›

「2015秋季動畫」第1版陣容公開 邊套最想睇?

日本嘅「2015年秋アニメ」第1版公開喇,睇睇個陣容,有邊套想追?個人嚟講,《一拳超人》幾吸引;另外之前有預告睇,女角興奮會變武器嘅《Valkyrie Drive Project》都會睇睇……仲有對我呢啲老餅嚟講,《魯邦三世》啦。

Read more ›

【幻影暴風擊】有片 新一代《爆旋陀螺》 漫畫/動畫攻勢開始

1999年Takaratomy推出嘅玩具「ベイブレード」,衍生出《爆転シュート ベイブレード》漫畫、動畫(動畫2002年喺無綫播放),之後09年仲有第2代《Metal Fusion》,嚟到o依家,有新作品喇,《ベイブレードバースト》嘅漫畫會喺《月刊コロコロコミック》8月號(7月15日發售)連載,而動畫就會喺2016年春放送,由《妖怪ウォッチ》嘅「OLM Digital」製作,嘩!聖獸呀?

Read more ›

新片速報 電影版《小王子》10月上畫 依然好感動

《小王子》呢本經典童話,好多唔想長大嘅成年人都好鍾意,出版70年,全球銷量5億冊,僅次於《聖經》,未睇過嘅而家可以考慮開始睇返,事關官方之前公佈過將會改編成動畫,最新官方又有全新長篇預告trailer發佈,睇見小王子出場一幕依然覺得好感動,仲有朵玫瑰呀!不過今次電影版會加入一個受家長擺佈嘅小女孩角色,法國暫定10月7日上畫,唔知香港幾時上呢?

Read more ›

有片:NBA金球半動畫化

NBA季後賽係咪睇到你熱血沸騰?有無時間回顧吓今屆常規賽金球?重複睇番之前嘅Highlight就梗係悶蛋喇,所以特別推薦大家睇睇呢條半動畫化嘅十大金球短片。真人動作穿插Animation,原來都幾過癮喎,芸芸球星當中,我就最鍾意Leborn James走籃嗰球,慢動作,成個過程畫得好順暢;James Harden連環Crossover玩到對手仆喺地再射入三分嗰球亦一絕,不俗,真真不俗!

Read more ›

新片速報《食戟のソーマ》4月3日開播 舌尖上的高潮

《週刊少年Jump》連載嘅《食戟のソーマ》,動畫會喺4月3日開播。官方今日有「Anime Japan 2015」版嘅新預告片出,另外亦都公佈咗更多聲優陣容,包括中村悠一、子安武人、能登麻美子。

Read more ›

動畫《SHIROBAKO》Studio Taitanio 大洗町完全再現

呢套講製作動畫嘅動畫《SHIROBAKO(しろばこ)》,入面就有一間「Studio Taitanio」。近日Twitter就有人放咗呢張圖,原來係喺茨城縣大洗町見到「Studio Taitanio」喺現實中出現,而且連架車都有埋……據知呢間本身係一間酒舖嚟嘅,老闆知道動畫以佢間舖為藍本後,就索性將佢變成咁,勁。

Read more ›