Tag: 動畫

有片:Fai Cheng動畫《哪吒的憤怒》 六隻中指隊齊天大聖

有片:Fai Cheng動畫《哪吒的憤怒》 六隻中指隊齊天大聖

喂,OK喎,真心Mode有追看性喎。講緊嘅係Fai Cheng兄製作嘅動畫《哪吒的憤怒》,黑白畫面,故事講極惡哪吒同極寸齊天大聖隻揪,哪吒變身踩科幻型風火輪嗰幕幾正,Last六隻中指齊發一招亦幾估佢唔到吓。佢喺面書留言曰:「由於本人讀得書少加上是文盲的,所以整條片沒對白也沒口水多過茶的說明,就像有些時候你見到討厭的人不用說話你已經想開佢波一樣。」過謙喇,唔用對白同旁白說明交代故事,其實更難。片尾次回《逆襲之紅孩兒》預告,有紅孩兒剪影,咬住個奶嘴嘅造型估計幾型,拭目以待。努力!加油!

Read more ›

有片:奈樂樂《跳下去的一秒》 繪本/動畫結局大不同

有片:奈樂樂《跳下去的一秒》 繪本/動畫結局大不同

奈樂樂嘅繪本作品,畫風好重童話Feel,但內容卻屬諷刺邪惡世道嘅暗黑系,最新繪本有《跳下去的一秒》,每本$70。同名動畫剛奪「第六屆動畫支援計劃-初創企業動畫優異奬」,動畫唔長,6分鐘,我睇晒,故事講一個小朋友受同學霸凌、學業壓力同阿媽責罰,一時睇唔開跳樓,跳出去的瞬間卻後悔了,最後……都幾反高潮,唔劇透,自己睇。惟一可以講嘅係,結局係同繪本唔同嘅,有乜唔同?我都唔知,搞到我都心思思都想買番本繪本支持吓。

Read more ›
【新片速報】日本爸爸超有愛    睇特撮途中送「拉打」腰帶

【新片速報】日本爸爸超有愛 睇特撮途中送「拉打」腰帶

睇完呢段片有無諗起細個呀爸呀媽買玩具俾你嘅回憶?又或者你已經做咗人父母,可以製造驚喜俾仔女?日本呢位爸爸好有愛,佢買咗條「拉打」變身腰帶送俾仔仔,仲趁佢睇緊同一套特撮片嘅時候突然送俾佢,仔仔開心到癲咗,超溫馨,入嚟有片回帶睇。

Read more ›
【日本投選】最適合做反派的聲優 中尾隆聖「菲利」若本規夫「斯路」上榜

【日本投選】最適合做反派的聲優 中尾隆聖「菲利」若本規夫「斯路」上榜

每一套動畫,反派都好重要,隨時仲受歡迎過主角成為惡搞對象……日本啱啱又有投選,今次係最適合做反派角色嘅聲優,中尾隆聖第1位,即係《龍珠》「菲利」、《麵包超人》「細菌人」。之後係若本規夫,即係《龍珠》嘅「斯路」同《戰國BASARA》嘅織田信長,再嚟終於到子安武人,佢係《JoJo奇妙冒險》嘅DIO同《機動戦士ガンダムSEED》嘅「ムウ・ラ・フラガ」……

Read more ›
【新片速報】韓國YouTuber化妝片唔用真人 動畫爆紅過百萬瀏覽

【新片速報】韓國YouTuber化妝片唔用真人 動畫爆紅過百萬瀏覽

網上好多教化妝嘅YouTuber,韓國尤其多,估唔到而家進化到用動畫教化妝。呢位YouTuber「LULUPANG 루루팡」所有影片都係用stop motion動畫製作,1星期前有段女仔化妝片已經有166萬瀏覽,3日前再放一段男仔版,而家已經過百萬瀏覽,睇佢化妝嘅過程就好似化真人一樣,跟住嚟做都唔難,而且前後對比極大。入嚟有片睇。

Read more ›
【睇片】超靚行駛電車動畫 手繪製作過程超驚人

【睇片】超靚行駛電車動畫 手繪製作過程超驚人

呢條女子高生喺電車入面嘅「下校・トンネル」動畫,如果係出自動畫公司,可能你會覺得好普通,但如果出自人手製作?呢位畫師之後仲會有展覽添。

Read more ›

【有片】吉卜力動畫「食物精選合集」    肚餓慎入Twitter熱傳

【有片】吉卜力動畫「食物精選合集」 肚餓慎入Twitter熱傳

每次睇吉卜力嘅動畫都會好肚餓,外國呢位網民都有同感,仲分享咗段動畫證實吓。全段片都係剪輯自吉卜力動畫入面嘅煮食場面,片長兩分鐘,全部都係食物,睇完堅肚餓!之後有網民分享埋其他動畫嘅食嘢片,入嚟有回帶。

Read more ›
日本長壽動畫聲優高齡化 列表中大量60歲以上

日本長壽動畫聲優高齡化 列表中大量60歲以上

呢個係今年截至9月4日嘅列表。就係有關於「長寿アニメ声優の高齢化問題」,睇個表原來好多都已經過咗60歲,仲有例如《雷朋三世》「次元大介」嘅小林清志已經85歲。而《龍珠》「悟空」、「悟飯」、「悟天」嘅野沢雅子亦都已經81歲。就連《One Piece》「路飛」田中真弓亦已經63歲。

Read more ›
【有片】超時空要塞新作?日本超強金屬加工廠宣傳片!

【有片】超時空要塞新作?日本超強金屬加工廠宣傳片!

如果只係睇呢條動畫,開頭真係估唔到係咩,可能以為係新動畫?睇落去,又空戰又漫天飛彈,勁到癲!到最後,你就會知道係一間金屬加工廠「共栄鍛工所」嘅宣傳片,監督係菅野芳弘。

Read more ›
【新片速報】日本另類瘋狂動畫 煮「蛋包飯」上月球爆破

【新片速報】日本另類瘋狂動畫 煮「蛋包飯」上月球爆破

又係呢個日本瘋狂動畫師「からめる」嘅新作,今次隻喵學人煮嘢食,點知搞到自己一面茄汁,之後當然唔少得飛上月球呀、爆破呀呢啲經典場面,最後竟然整到碟蛋包飯出嚟!好瘋狂,照舊記住開埋聲睇啦。

Read more ›
【圖集】《復仇者聯盟3》角色動畫化   超似彼思動畫風格

【圖集】《復仇者聯盟3》角色動畫化 超似彼思動畫風格

咁本身《復仇者聯盟3》入面嘅角色都係嚟自漫畫嘅,不過呢位來自奧地利嘅設計師Xi Ding,就將一班電影角色再變返做漫畫樣,出嚟嘅效果好正,仲好有彼思動畫角色嘅感覺,入嚟有得睇。

Read more ›

【新片速報】日本超人氣動畫新作 打籃球打到體育館淪陷

【新片速報】日本超人氣動畫新作 打籃球打到體育館淪陷

又係日本人氣動畫師嘅新作品,今次主題係打籃球,照舊都係超瘋狂,打到成個籃球架爛晒不特止,連體育館都淪陷埋,好正!有打開籃球嘅會覺得特別爽,都係嗰句,記住開聲睇!

Read more ›
【有片】呢套吸引!新作電視動畫《リヴィジョンズ》「澀谷轉送」

【有片】呢套吸引!新作電視動畫《リヴィジョンズ》「澀谷轉送」

監督係谷口悟朗,仲有深見真×近岡直×白組,官方話係「青春×災害×群像劇」新作TV動畫《リヴィジョンズ》。啱啱有預告睇,題材幾吸引喎,2019年1月放送。

Read more ›
【新片速報】日本瘋狂動畫「情人節」賀片   Twitter半日3百萬瀏覽

【新片速報】日本瘋狂動畫「情人節」賀片 Twitter半日3百萬瀏覽

今日Facebook嘅放閃情況好嚴重,日本嘅Twitter都唔例外,好彩有呢段瘋狂動畫中和吓。呢位日本人氣動畫師からめる嘅作品大家都睇唔少‏,今日呢段情人節片講學校收朱古力嘅情況,不過就去到好盡,睇完好想當發咗場夢就算,其實自己一個更開心呀。段片半日已經有超過3百萬瀏覽,好誇張。都係嗰句,記住開埋聲睇。

Read more ›
日本最難忘動畫場面 插畫師自製電影海報Twitter熱傳

日本最難忘動畫場面 插畫師自製電影海報Twitter熱傳

每套動畫都總有啲令人難忘嘅畫面,日本呢位插畫師就用廣告poster嘅風格,畫咗幾個佢最深刻嘅場面。有《One Piece》、《火影忍者》、《我的英雄學院》同埋《鋼之鍊金術師》,睇到人毛管都楝起晒,呢幾幕又係咪你嘅心水?

Read more ›