Post Tagged with: "動物"

驢+班馬   意大利只此一隻
by / on 18/11/2013 at 7:11 am

驢+班馬 意大利只此一隻

打定底,唔係新嘢不過啱啱見到。自從《低俗喜劇》之後,講起驢仔大家就諗起衰嘢,其實驢仔本身好可愛,估唔倒溝埋班馬紋之後仲可愛!呢隻班馬加驢仔嘅稀有品種喺意大利佛羅倫斯出世,仲有個得意名叫Ippo,之所以有班馬紋,全因為佢媽咪係驢仔,爹哋係班馬,我都係第一次知班馬可以同驢仔混種,認真大鄉里。基本上佢個樣都係似驢仔多啲,不過四隻腳就係班馬紋,十足著咗班馬紋leggings咁,好潮。可惜因為基因問題,佢唔可以繁殖下一代,不過佢好威威,全意大利得一隻驢班馬,一定吸引大把人去探佢。

Read more ›

文明中國    大型廣告勸阻食狗肉
by / on 17/11/2013 at 2:02 pm

文明中國 大型廣告勸阻食狗肉

生平最憎人食貓狗,因為呢個行為同禽獸無分別,所以見倒大陸嘅地鐵站掛起呢個勸人唔好食狗肉嘅廣告,我由心底深處開心出嚟。由維護動物權益嘅國際組織Animal Asia創作嘅廣告,主要訊息係:「你吃掉的是陪伴成長的伙伴」,講得好。今次活動總共會投放279個大型燈箱廣告喺國內地鐵站、巴士站同埋升降機,希望呢一代嘅小朋友學識咗就記住佢,做個文明嘅中國人。

Read more ›
就地取材 LEGO車轆變烏龜義肢
by / on 09/11/2013 at 11:28 am

就地取材 LEGO車轆變烏龜義肢

香港啲PK虐貓虐狗人,唔死都冇用,死咗都會有報應。好彩呢個世界,仲有好多有愛心嘅人,好似呢隻叫Schildi,冇咗一隻腳,但係德國就有位獸醫幫佢裝上用LEGO整嘅義肢,就係一個轆,令佢可以好似正常龜咁行,而且個轆識得轉,行動自如仲隨時行快咗!邊個話玩具冇用?

Read more ›
動物時間    二合一騎呢動物之最
by / on 20/10/2013 at 4:37 pm

動物時間 二合一騎呢動物之最

又到動物時間,今次有啲特別,因為全部動物睇落都怪怪哋,無錯,佢哋全部都經過Photoshop,將兩種動物結合埋成為一種古怪生物,無違和感但睇完會毛管楝,如果現實生活中比我見倒,我會擰轉身狂奔。全部「作品」由外國神人Quebetange製作,佢嘅PS技術同想像力都幾高超。

Read more ›
開心時刻    史上最得意動物圖集
by / on 15/10/2013 at 11:50 am

開心時刻 史上最得意動物圖集

知你今日要返工返學心情唔好,因為我都係。為咗平伏全日嘅鬱悶心情,我決定搵啲開心嘢睇,唔好心邪,我講緊嘅係大量動物開心相,喺外國網見倒史上最開心嘅動物時間,信我,得意程度達十級,睇完心情靚返少少,最重要係,晏仔食完,好快又開始進入收工倒數時間!

Read more ›
萬聖節動物cosplay全集    寵物大災難
by / on 11/10/2013 at 7:37 am

萬聖節動物cosplay全集 寵物大災難

萬聖節扮鬼扮馬是常識吧!自己有得扮,咁屋企隻貓仔狗仔呢?外國網集合咗多款寵物得意cosplay造型,有啲真係又過份又搞笑,黑貓扮復仇者局長?兔仔被迫揹住個槌扮雷神?點解隻馬cosplay蝙蝠俠,仲要比o靚仔扮嘅羅賓騎住?入嚟有大量超爆造型,一定啟發倒你,屋企嘅寵物有難了。

Read more ›

狗仔戴condom   SPCA新廣告嚇壞人
by / on 02/10/2013 at 7:26 am

狗仔戴condom SPCA新廣告嚇壞人

見倒呢個動物condom廣告,我當堂嚇一跳!狗仔貓仔喎,condom喎,邊個同佢戴?點樣戴?上到去官網,發現有條香蕉,仲有寫明「how to put on a pet condom」嘅短片,似乎可以解除我心中疑惑,點知一按掣,就彈出一句:「方法只有一個,為你的寵物絕育吧。」一矢中的,好嘢!呢個係SPCA嘅最新宣傳活動,提醒各位主人,要為自己嘅貓狗做好安全措施,有創意又有心思,Like。

Read more ›
像真八哥狗面具     星期日蹓狗一流
by / on 29/09/2013 at 1:17 pm

像真八哥狗面具 星期日蹓狗一流

cosplay睇得多,扮動物真係比較少見,外國網Archie McPhee好鐘意出動物面具,最新作品就係呢款狗仔八哥嘅面具(係咪八哥?其實我唔係好識分八哥同沙皮),用乳膠製成,聲稱味道好聞過真狗,我諗戴住佢星期日去公園蹓狗都幾有型。分分鐘平時見親你都狂吠嘅嘅隔籬屋狗女,會對你忽然熱情咗。除咗狗狗,仲有豬呀、雞呀、鸚鵡呀等數之不盡嘅動物面具,總之務求你同屋企嘅籠物有得襯到絕出街威威。

Read more ›
萌爆動物扭蛋     肥貓猩猩集體反肚
by / on 27/09/2013 at 8:31 am

萌爆動物扭蛋 肥貓猩猩集體反肚

動物瞓覺嘅奔放樣真係特別可愛,TAKARA TOMY無厘頭扭蛋系列「熊貓的穴(パンダの穴)」最近又有新作,呢套一式六款嘅「もうしら寝」扭蛋,有齊黑猩猩、花貓、哥基犬、海豹、驢仔同埋熊貓,全部瞓到反晒肚,超萌!預計今年10月發售,扭一次200円,到時記住出玩具舖睇吓有無得買齊全套,我仲想買埋佢嘅思考巨人(考えない人)同埋炸天婦羅系列呀!

Read more ›
尊重生命    三腳貓愛心帽相集   Instagram熱傳
by / on 08/09/2013 at 12:33 pm

尊重生命 三腳貓愛心帽相集 Instagram熱傳

噚晚有1500人集會要求政府關注動物虐待事件,睇見四個月大嘅貓貓麗麗比人斬去右後肢,真係好想虐待嘅人渣快啲有報應。好彩,世界上仲有好多人識得尊重生命,外國有個愛心主人adamtots,最近收養咗只得三隻腳嘅貓貓Maxwell,仲經常DIY整靚帽幫愛貓換造型,相片放上個人Instagram戶口後好多網友留言支持佢,睇完輯相感覺好窩心,希望每隻貓貓都搵到個好似adamtots咁有愛心嘅好主人。

Read more ›
動物Look無線滑鼠 掹掹條尾即插即用
by / on 25/08/2013 at 2:04 pm

動物Look無線滑鼠 掹掹條尾即插即用

  其實講到滑鼠同Keyboard我都幾講究, 日日都要用, 唔襯手隨時搞到肩頸痛! 但如果講到Notebook用嘅滑鼠, 都要講究, 不過係要靚仔又方便囉, 因為多數係出街、出埠或Coffee Shop用家嘛, 唔靚仔點出嚟襯先?

Read more ›

動物大頭iPhone case
by / on 10/05/2013 at 8:49 am

動物大頭iPhone case

最近香港人忽然間好鍾意動物,例如鴨仔同巨鴨啦。至於我,最鍾意都係猩猩,尤其猩猩bb,設計師Vincent Hie之前出過幾款動物tee,特色係超大頭,由於反應好,最近出埋同款iPhone case,iPhone 4、5都用得,個人認為最DUCK意都係猩猩嗰款,極趣緻。話時話,點解出名識搵快錢嘅香港人,唔出返個鴨仔電話殼嘅?

Read more ›
落地開花系列  玻璃動物雕塑超像真!
by / on 10/02/2013 at 11:30 am

落地開花系列 玻璃動物雕塑超像真!

「落地開花,富貴榮華。」細過新年打爛玻璃,長輩一定會咁講,攞個意頭嘛。所以年初一介紹呢個波蘭藝術家Marta Klonowska作品前,我都要講返句。佢嘅一系列動物雕塑,全部用玻璃碎片造成,有貓、狗、白兔等,我可以用栩栩如生,真嘅一樣嚟形容,尤其下面呢隻貓。不過我好好奇,佢整嗰時有無界損手呢?

Read more ›
新片速報   動物著人皮行catwalk
by / on 08/02/2013 at 8:03 am

新片速報 動物著人皮行catwalk

覺唔覺得呢隻嘢好噁心?唔知係鷹定孔雀,件衫仲要掛住幾百對人手,睇見都唔開胃。係囉,如果啲動物喺台上睇見你班時裝友,著晒成身fur行catwalk,感覺其實一樣。最近紐約時裝周開show,外國爭取動物權益嘅團體PETA,拍攝咗一條動物行catwalk嘅短片放上YouTube,今次動物變超模,著上身嘅時裝,就係人類嘅皮,夠大膽兼發人深省。片尾影住後台打緊冷震困喺籠入面嘅中國小女孩,點解係中國藉?PETA發言人話,中國係佢哋嘅頭號宣傳對象,因為當地缺乏虐待動物賠償方案。咁又係,龍虎鳯都有得食,你話嘞。

Read more ›
獵奇新片   東京動物園   員工cosplay班馬災難演習
by / on 04/02/2013 at 7:58 am

獵奇新片 東京動物園 員工cosplay班馬災難演習

呢隻班馬,一睇就知係人扮,不過佢唔係為興趣cosplay,而係工作需要。話說日本經常地震,位於東京嘅Tama Zoo為演習地震後動物逃亡應變措施,搵咗其中一個員工扮班馬,入面有片睇,雖然出動晒獵槍、全體員工,但隻班馬真係好挑皮,撞跌工作人員之後又扮死,堅好笑。我懷疑佢平日工作壓力大,成日比啲班馬恰,所以扮起上嚟over晒,發晒脾氣,肯定有私心。

Read more ›