Post Tagged with: "動物"

日本爆笑「大下巴動物」特別版 全部白化「刺猬仔」都有
by / on 20/12/2018 at 7:01 am

日本爆笑「大下巴動物」特別版 全部白化「刺猬仔」都有

日本扭蛋「熊貓之穴」呢個「大下巴動物」系列一向好受歡迎,最近仲推出特別版,6款動物全部白化晒,啱晒冬天聖誕呀!動物包括有獅子、老虎、鱷魚等,最搞笑都係隻刺猬仔,咁細隻都有長下巴,超可愛!鍾意嘅記住去搵吓嘞。

Read more ›

日本爆笑「大下巴動物」新產品 毛毛拖鞋居家必備
by / on 29/11/2018 at 7:52 am

日本爆笑「大下巴動物」新產品 毛毛拖鞋居家必備

日本「熊貓之穴」呢個爆笑動物系列一向好受歡迎,全部動物變晒巨型下巴,好搞笑。今次宣佈推出嘅兩樣產品更加係令人超想買。第一款係毛毛拖鞋,由於下巴夠大,啲腳趾應該放得好舒服呀!另外個廁紙筒都超正,放喺屋企望見都開心。而家已經有得買,買嚟做聖誕禮物啱晒。

Read more ›
日本網民推介「動物趴地攬枕」 超可愛啱做聖誕禮物
by / on 20/11/2018 at 7:00 am

日本網民推介「動物趴地攬枕」 超可愛啱做聖誕禮物

好快又開始凍,如果有個可愛攬枕擺喺屋企,個人好似無咁寂寞喎。日本有網民推介呢款動物趴地攬枕,官方名係「ねむねむプレミアム抱き枕」佢話無論手感同埋視覺上都係最正,有好多款動物,全部都超可愛。入嚟有樂天網站連結,買嚟做聖誕禮物都唔錯,不過小心會上癮,日本有網民就越買越多,而家屋企變咗小型動物園‥‥‥

Read more ›
日本扭蛋動物「雙手合十」 集合似宗教聚會
by / on 22/10/2018 at 7:44 am

日本扭蛋動物「雙手合十」 集合似宗教聚會

日本嘅扭蛋玩具好有創意,好似呢款動物雙手合十嘅扭蛋就好可愛嘞,有熊貓、青蛙、白兔、貓、大笨象等等嘅動物,有網民就集齊咗好多隻,然後將佢哋扮成宗教團體集會,青蛙大哥係首領,效果好正,睇完都想抽返幾隻。

Read more ›
日本動物醫院「心寒」宣傳板 貓貓震晒好驚青
by / on 17/07/2018 at 7:43 am

日本動物醫院「心寒」宣傳板 貓貓震晒好驚青

真係睇見都驚呀!日本呢間「岩見沢動物醫療中心」塊宣傳版超恐怖,見到隻狗狗扮醫生,然後準備打針嘅貓貓嚇到滴晒汗震晒,連條尾都豎起晒,超傳神。作為貓主見到都有啲想調頭走呀。有網民仲留言話後面個護士眼神都不懷好意‥‥‥

Read more ›
【有片】15歲繪畫小神童 專畫動物全部比例記入腦
by / on 22/06/2018 at 7:26 am

【有片】15歲繪畫小神童 專畫動物全部比例記入腦

15歲嘅時候你做緊啲咩?塞爾維亞呢個小神童Dušan Krtolica已經開咗6個展覽。佢由2歲開始揸筆畫畫,強項係畫動物,而且係唔需要對住張相就畫到,因為佢話所有嘢都記咗喺佢個腦入面,而且每隻動物嘅比例同姿勢都正確,好勁。而家每日佢都會花幾個鐘畫畫,由野生動物到絕種咗嘅恐龍都有,佢之前仲畫過百科全書,入嚟有回帶。

Read more ›

日本「羊毛氈」神人      專整動物「刺猬仔」超像真
by / on 13/06/2018 at 7:26 am

日本「羊毛氈」神人 專整動物「刺猬仔」超像真

又係日本呢位整「羊毛氈」嘅勁人,呢間叫「yucoco cafe」嘅日本教室專門教人製作羊毛氈,除咗刺猬仔,仲有貓呀、狗呀、狐狸呀之類嘅動物。最近佢就收集咗幾款近來好多人RT嘅作品,全部動物都好似真嘅一樣,仲好可愛!入嚟有回帶。

Read more ›
俄羅斯超可愛浣熊醫生   專責平靜狗狗情緒
by / on 05/05/2018 at 9:18 am

俄羅斯超可愛浣熊醫生 專責平靜狗狗情緒

自從電影《Guardians of the Galaxy》同埋《Avenger 3》之後就鍾意咗浣熊呢種動物嘞!俄羅斯呢位獸醫Aleksei Krotov都養咗隻浣熊叫Yasha,最特別之處係隻浣熊同時係動物醫生,因為佢哋發現Yasha嘅出現可以令到情緒緊張嘅狗狗變得平靜,不過只限於狗狗,佢同喵星人就相處唔到嘞。

Read more ›
「熊貓之穴」又出爆笑扭蛋      動物變鞋抽下巴第4彈
by / on 25/04/2018 at 7:33 am

「熊貓之穴」又出爆笑扭蛋 動物變鞋抽下巴第4彈

日本「熊貓之穴」呢個爆笑動物系列「シャクレルプラネット」又有新作嘞,今次嚟到第4彈,全部動物繼續變晒鞋抽下巴,6款動物包括河馬、浣熊、瞪羚、大象、海獺,最估唔到係海龜都有,可愛到癲,好想儲齊一套!5月底推出,鍾意呢個系列嘅記住留意返嘞。

Read more ›
戴口罩進化版扮潮   美漫風/寫實風/動物風
by / on 07/03/2018 at 7:49 am

戴口罩進化版扮潮 美漫風/寫實風/動物風

呢排流感肆虐,出街好多人戴口罩。除咗戴黑色口罩扮韓星之外,如果有呢啲咁特別嘅口罩戴,心情會唔會靚啲?外國設計師Jyo John mulloor設計,由美國漫畫風格到寫實風格都有,仲可以扮有鬍鬚,甚至扮貓狗,好可愛。醫院嘅兒科部門應該考慮入返批俾醫護人員,用嚟氹吓住院嘅小朋友都好吖。

Read more ›
鱷魚品牌Lacoste推出限定版    變身10款瀕臨絕種動物
by / on 02/03/2018 at 7:10 am

鱷魚品牌Lacoste推出限定版 變身10款瀕臨絕種動物

講起法國鱷魚品牌Lacoste,就會諗起本地嘅Crocodile,鱷魚頭一個向右一個向左,不過阿媽實會話本地嗰個先係正宗。講返法國嘅Lacoste,最近佢哋除咗用鱷魚,仲轉用埋其他動物,唔知以為係12生肖特別版。其實今次係同「國際自然保護聯盟」(IUCN)嘅合作,衫上嘅10款動物都係瀕臨絕種嘅動物,而生產數量會根據返嗰款動物嘅現存數量而製作,收益都會撥捐返去IUCN,好有意義。入嚟有得認識吓呢10種動物。

Read more ›

【有片】森林發現超像真恐龍     自創保鮮紙噴畫嚇死人
by / on 29/12/2017 at 7:40 am

【有片】森林發現超像真恐龍 自創保鮮紙噴畫嚇死人

如果行行吓森林見到有隻巨型恐龍喺身後,真係會俾佢嚇死。呢位俄羅斯嘅Graffiti藝術家Evgeny Ches唔喺牆上面畫畫,而係自創喺保鮮紙噴畫,佢稱之為Cellograffiti,佢仲創作咗一系列動物作品然後喺森林度展示,有恐龍、熊、馬騮等等唔同嘅動物,全部嘅像真度都好高,好恐怖呀!

Read more ›
【圖集】日本Twitter動物得意相比賽 超強參賽作品
by / on 05/12/2017 at 7:13 am

【圖集】日本Twitter動物得意相比賽 超強參賽作品

仲記唔記得之前報導過日本有隻笠晒唔同膠套上身嘅喪喵?輯相勁好反應,細心啲會發現樓主加咗個hashtag「JMoFペット自慢大会」。其實呢個係每年一度嘅動物集會,嚟緊會喺18年1月5-7日喺豐橋市舉行,不過活動前大會就喺Twitter預演一個靚相大賽,而家儲落好多參賽作品,有貓仔狗仔蜥蜴仔,全部都勁可愛好高質,入嚟有得睇。

Read more ›
「鱷魚先生」14歲囝囝最愛攝影 超靚動物相集回帶
by / on 04/12/2017 at 7:36 am

「鱷魚先生」14歲囝囝最愛攝影 超靚動物相集回帶

睇到呢輯相,好難相信係由一個14歲嘅年青人所拍攝。澳洲「鱷魚先生」兼環保人士Terri Irwin喺2006年不幸逝世,不過佢對野生動物嘅愛護就繼承咗俾佢個囝囝Robert,雖然今年只得14歲,但好鍾意野生動物嘅Robert影嘅動物相超靚,仲獲得好多獎項,入嚟有得睇。最近佢14歲生日,媽媽喺Twitter留咗段好感人嘅留言,相信爸爸在天之靈都會好驕傲有個咁叻嘅囝囝。

Read more ›
【超治癒】「熊貓之穴」長下巴動物Tote Bag    大阪有得買
by / on 04/11/2017 at 12:32 pm

【超治癒】「熊貓之穴」長下巴動物Tote Bag 大阪有得買

日本扭蛋「熊貓之穴」嘅長下巴動物系列一向勁受歡迎,最近佢哋轉戰出Tote Bag,長下巴變咗做袋仔,可以放啲小雜物例如紙巾、散紙,超可愛。而家開始喺大阪嘅日式雜貨店Village Vanguard有得買,每個2800円,去開大阪記住買返個。

Read more ›