動畫《動物朋友(けものフレンズ)》之前播時都好有人氣，嚟到o依家都keep到好多產品出。啱啱喺SuperGroupies就有得預訂呢系列產品，包括角色「サーバル」、「かばん」、「トキ」都有，而且連內衣都唔放過……

動畫第1季完咗一排喇，《動物朋友(けものフレンズ)》啱啱有一個謎之網站開咗，倒數緊，今個月26日會有嘢公佈啦。不過網站個網址寫住goodroid，即係電話遊戲咯？

《動物朋友》主角「かばんちゃん」大家都識，估唔到有人想cosplay，而且係外國人。不過相信佢係唔覺意嘅。最近日本Twitter熱傳呢幾幅圖，圖中嘅男人嘅服飾激似「かばん」，有fans仲忍唔住出手改埋圖，可惜到而家都未搵到當事人出嚟解釋吓。

又係呢位日本玩具攝影師「ねぎかつセブン」，佢最擅長拍攝風沙相，高達、拉打、變形俠醫，全部喺沙塵滾滾度戰鬥，效果好正。今次到星戰嘅白兵，不過就亂入咗《動物朋友》嘅藪貓(サーバル)，藪貓仲揸住把光劍殺敵，睇落好打得，仲要殺人都笑笑口，好邪惡。不過影完返去慢慢清潔都幾艱辛。入得有得回帶睇返呢位攝影師嘅其他作品，全部都超正。

又係講年份嘅時候，網民稱為「2万年に1人の美少女」嘅小栗有以，啱啱喺電視節目中與同屬AKB48嘅馬嘉伶齊齊Cos《動物朋友》跳舞，有網民出片大讚好可愛！除咗同意之外，我冇嘢講喇。

呢隻住喺外國嘅西伯利亞貓好巴閉，主人發現原來佢隻貓係迪士尼嘅王子，因為佢有好多動物朋友，仲會經常嚟屋企嘅玻璃窗前搵佢，動物朋友包括有鹿、松鼠同埋大量嘅雀仔，估計都係睇中佢嘅美色。輯相放上Imgur後好多人討論，入嚟有多啲呢隻貓嘅相睇，係幾高貴同靚仔嘅。

講起真人演繹《動物朋友》，唔知大家會諗起啲咩……不過最近網上就有呢幾張日本Coser製作嘅海報，全部角色都變得超有型超有動感！

《動物朋友》嘅藪貓(サーバル)如果由其他漫畫家畫會變成點？Twitter熱傳呢張16格圖，每張都超高質，JoJo、ONE PIECE、龍珠同進擊之巨人嘅風格都好有驚喜，至於最好笑應該係LINE風格，小姐邊位？入嚟有得睇，好過份。

仲記唔記得呢隻陷入二次元苦戀嘅日本企鵝爺爺？佢同《動物朋友》紙牌女嗰段愛情故事令佢茶飯不思繼而被隔離，好彩最近佢情況好轉出咗獄。至於東武動物公園方面，見件事反應咁好，都用盡企鵝爺爺做宣傳，除咗精品部用咗爺爺做特寫之外，仲出咗杯葡萄雪糕特飲，期間限定賣400円。好多網民都話要去試吓。可憐嘅企鵝爺爺，唔止得唔到愛情，仲被瘋狂抽水，慘慘豬。

最近喺Twitter好多日本人分享呢幾張意粉圖，有日本神人用意粉自製人樣，野獸先輩嘅神韻出晒嚟，二次元嘅角色都有，就係近期好紅，《動物朋友》嘅藪貓(サーバル)嘞，睇落都幾似，不過個口似乎大咗啲？

仲記唔記得日本東武動物公園呢隻20歲嘅企鵝爺爺「グレープ君」？自從佢迷戀咗《動物朋友》嘅企鵝紙牌小姐之後就唔多食嘢。有網民拍到呢段飼育員餵魚仔嘅影片，見到開餐時間「グレープ君」都係企埋一邊唔多合群，不過飼育員好有愛心，排除萬難拎條魚去餵佢，之後企鵝爺爺又行返埋去《動物朋友》個紙牌度痴痴咁望，飼育員可能驚佢唔夠飽，行過去再餵佢，好細心好有暖男feel，入嚟有片睇。

呢套《動物朋友(けものフレンズ)》好有人氣吖，又同動物園合作，今年夏天仲有電話遊戲新作。唔只，嚟緊6月仲有真人版舞台劇，搵番動畫聲優嚟演出，包括尾崎由香、本宮佳奈、小野早稀等等……

《動物朋友(けものフレンズ)》同埋單位合作最適合？梗係動物園啦？由今日(22日)開始至6月25日，就有呢個活動喇。咁今日就好多fans喺Twitter出圖，9點半開園前已經超多人排隊入場，另外亦有片，聽吓角色嘅園內廣播！

最近日本2ch網民熱烈討論呢輯相，話說有cosplay成《動物朋友》(けものフレンズ)角色サーバル嘅日本女仔去咗動物園影相，可能佢太似貓科動物藪貓，有人作出舉報，之後職員好快手跑過嚟，再帶佢哋去無動物嘅場所。網民都大讚好好笑，有人留言話：「會嚇親啲動物哦」、「好慘佢唔被當成cosplay」、「咁樣係妨礙營業，要判死刑」，怪只怪今次實在太似動物同類嘞。

有冇玩AutoDraw？日本漫畫家，亦都係《動物朋友（けものフレンズ）》角色設定嘅吉崎観音，就畫咗「サーバル」呢個角色，咁本身都畫得咁靚，最後會變成點？