專門保護電話線嘅「cable bite」見得多，估唔到仲有「umbrella bite」，呢款雨傘配件有隻可愛動物咬住遮柄，尾部仲專登造長造彎曲，方便勾喺枱邊或其他位置，超細心。動物方面一共有六款，包括柴犬、黑柴、黃獅、熊貓、青蛙同埋獨角獸，每個賣1078円，入嚟有link。

日本爆肌動物陣容越來越強勁，最新一員就係呢隻綿羊仔，你睇佢個膞頭幾橫？引嚟網民改圖之後，應該好快又會被figure化……

終於到恐龍系列嘞！講緊係日本「パンダの穴(熊貓之穴)」呢個長下巴動物系列扭蛋，官方最新公佈推出一式五款恐龍，包括暴龍、三角龍、劍龍、翼龍同迅猛龍，全部都有個特長下巴，配埋個樣變得好搞笑，預計今個月推出，記住留意返！

日本めーちっさい (@meetissai)又出手，今次被figure化嘅係一條喵，其實有養貓都知，佢哋不時都收埋啲手手腳腳變成一條，咁變成一條之後可以點用？原來可以當枕頭啦，又可以放筷子或者做紙鎮，相當方便。

日本扭蛋公司奇譚最近同台灣嘅RBen Studio合作，推出呢款超肥仔動物系列扭蛋「アニマルフィギュアマスコット」，每款動物都頂住一個大肚腩，有北極熊、大象，連平時好惡嘅鱷魚都變咗肥肚腩版本，超可愛。預計9月發售，鍾意嘅記住留意返嘞。

係，又係呢位めーちっさい (meetissai)，今次被figure化嘅係一隻黑貓，一隻被影到四四方方嘅四角貓，不過今次製作者嫌唔夠，仲將佢變成電視機！就連電視機個畫面都花過心思嘅！

又係「めーちっさい」嘅figure化作品，今次呢張原圖我都未見過，原本用奇妙姿勢瞓緊覺嘅黑貓，條尾竟然好似變咗左腳一樣，仲有人改咗圖，係承太郎JoJo立呀！如果舉高隻手指埋過嚟就啱晒喇。

今次係舊圖新作喎，日本呢位めーちっさい繼續將網上熱傳圖片中嘅動物Figure化，今次就係呢隻動感驚愕貓，而且仲搵嚟另一成員長頸狗客串……

最近見《動物之森/ 動物森友會》嘅鄰居仲多過見真實嘅朋友，有人嫌自己嘅鄰居樣衰會趕佢走，有人好珍惜自己嘅得意動物，啱啱日本Twitter熱傳呢個全球流行動物排名，睇到不同動物嘅等級，唔係一定得意就高等級，S+級只得6隻，快啲睇吓自己啲鄰居係咩等級啦。

呢兩日好好天，夏天似乎真係嚟嘞，日本天氣都好好，有網民發現天空上嘅雲層越睇越似一隻狗，為咗令網民睇得明，佢勾勒咗啲線條出嚟，除咗狗狗之外，仲有隻衝緊出嚟嘅貓，好可愛好傳神！

最近多咗時間喺屋企，好多高手都忍唔住創作吓。日本呢位畫師@_harenatsu就創作咗隻喺單行本上爬行嘅青蛙，好可愛好高質。睇返之前佢都有創作開呢類單行本嘅插畫，佢仲有幫波鞋畫圖案，入嚟有回帶。

平日玩《動物之森/動物森友會》，通常一開機都係狂撳「A」掣入game啦，不過有日本網民就好用心咁睇片頭，仲發現準備去釣魚嘅呢隻NPC動物好有腦，識得喺迷宮入面避開掘頭路‥‥‥入嚟有片回帶。

睇見呢班大字型攤喺地嘅動物，真係好想學吓佢哋偷吓懶瞓個晏覺。日本扭蛋公司TAMA-KYU今個月將會推出呢款扭蛋「だいのじ」，合共有五款動物，包括馬騮、貓、柴犬、熊貓同埋倉鼠，其中貓貓仲係親子款式，有隻細貓瞓咗喺大貓肚面。每隻動物側面睇都好可愛，好想儲齊一套，fans記住留意返。

上年9月出過第一彈，呢個GASHAPON扭蛋出嘅「等待的動物」(まちぼうけ2)系列宣佈出第二彈嘞，今次有全新嘅動物，包括鯊魚、小熊貓、貴婦狗、白兔同刺蝟，全部都係呆呆咁坐喺度等運到，好可愛，配埋官方張夕陽圖好出色，5月推出，鍾意嘅記住留意返。入嚟有得回帶睇返第一彈，好想儲齊一套10隻排排坐！

又係呢位日本高手めーちっさい，今次又將網絡奇妙動物變成公仔，而主角就係其實扭埋咗個身嘅「肥波貓」，如果真係有得賣，應該會幾多貓奴想入手喎……