Tag: 動漫節

動漫節買《Our Dream. Art & Manga. 4 in 1畫集》 送狄克x桃姐畫板

動漫節買《Our Dream. Art & Manga. 4 in 1畫集》 送狄克x桃姐畫板

之前喺「石子地攤」首賣嘅《Our Dream. Art & Manga. 4 in 1畫集》,喺動漫節繼續寄售,有心捧場者,可以去鄺志德嘅Art Comics Studio Limited攤位補購。除原有贈品外,仲新送多張狄克x桃姐A4複印繪畫板,8月交收。Fine,Dick x Crystal齊齊畫,估唔到畫風又幾夾喎。呢幅畫板,我都想要呀。

Read more ›

2023動漫節:Coser篇

2023動漫節:Coser篇

動漫節我年年都去,但今年弊了,晏咗起身搞到成五點幾先入場,又喺「港漫動力」眾攤位逗留咗粒幾兩粒鐘,搞到成七點半先醒起要去Hall C影Coser,點知嗰陣已經封電梯清場喎。無計,惟有喺走廊同大堂盡影喇。今年影少咗好多靚女相,硬係覺得好似爭啲嘢咁,嗚嗚嗚……

Read more ›
馮展鵬《修羅之華》 動漫節首發

馮展鵬《修羅之華》 動漫節首發

嘩,使唔使靚到成張電影海報咁款?不諱言直接增加我幾分購買慾。仲有三日就動漫節開鑼,「港漫動力2」入圍作品馮展鵬《修羅之華》終於出咗一張真·宣傳圖,係咪好靚先。留意番,7月28日動漫節首發,7月29日「格子」開始發售,要買。

Read more ›
記得買《戰鬼·裁定之章》曹志豪動漫節產品一覽

記得買《戰鬼·裁定之章》曹志豪動漫節產品一覽

都話架喇,唔使急最緊要快吖嘛,有志者,要趕一定趕得切嘅。講緊嘅係曹志豪舊年「港漫動力1」作品《戰鬼·審判之章》,喺今年動漫節趕得切推出下集《戰鬼·裁定之章》,上集我有買,下集無得唔買;而上年無買上集嘅,曹志豪亦預留咗一批畀大家補購。此外,佢會親臨現場,幫大家替舊作《死角》小說同漫畫簽名,當然,想補購亦可。都係嗰句,列個表畀大家睇……

Read more ›
彭康兒《時間列車》$100 動漫節首發

彭康兒《時間列車》$100 動漫節首發

係,都係「港漫動力2」入圍作品推介——彭康兒《時間列車》,168頁,全彩,動漫節首發價$100。題材屬奇幻治療系小品,故事照搬字過紙如下:「在咖啡店打工度日,夢想成為小說作家的Lena終於獲得出版機會,可是她卻陷進腦閉塞寫不出一個字。隨著死線迫近,窗外出現了一架列車,聲稱可以解決所有關於時間的煩惱。」有無興趣入手?

Read more ›
張漢華《仲間》$50 動漫節見街

張漢華《仲間》$50 動漫節見街

回想舊年「港漫動力1」,我都有買張漢華《這次真的拼命了》,真心,係睇得好暢快嘅。今年動漫節,佢都有作品《仲間》推出,此乃小畫集,主題係佢朋友們啲喵星人喎。買書送Postcard,售$50,希望大家支持吓。

Read more ›

余遠鍠《牧羊冰室》$98 動漫節見街

余遠鍠《牧羊冰室》$98 動漫節見街

「港漫動力2」入圍作品之一嘅余遠鍠《牧羊冰室》,係一個「身負超能力嘅年輕人對抗惡勢力,喺冰室展開除暴安良嘅冒險故事」,瀏覽相關面書介紹,人設同畫風都係我杯茶,都應該會入手的了。價錢方面,普通版$98,限量版一書一Totebag $150,限150套。報告完畢。

Read more ›
撐Felix Ip 「重機小鋪」動漫節產品一覽

撐Felix Ip 「重機小鋪」動漫節產品一覽

我係Felix up fans來的,今年動漫節預咗課金畀佢使,係估唔到「重機小鋪」會推出咁多產品啫,樣樣都想買,都唔知點算。重頭必買一定係香港重機5週年精選集《鉛式想簿Recollection》$168,212 頁,收錄重機家族未曝光嘅草圖原稿,鉛筆稿自有一份最純粹嘅Raw味,好啱我胃口。仲有其他產品,不如列個表方便大家睇⋯⋯

Read more ›
利志達《十三箭》$170 動漫節見街

利志達《十三箭》$170 動漫節見街

「利志達」三個字,我諗唔使多介紹。最新作品《十三箭》係「港漫動力2」入圍作品之一,動漫節有售。呢$170,無得慳。

Read more ›
動漫節必買 Enoch Sin《神明任務》送貼紙$98

動漫節必買 Enoch Sin《神明任務》送貼紙$98

我比較簡單嘅,首先真係純粹睇封面,封面靚靚仔仔嘅,咪吸引到我囉,例子有Enoch Sin本《神明任務》。之後睇埋故事簡介:「兩大神明──洪聖爺與車公遭逢橫禍,一夜間頓失神力,而且捲入一場人間界大陰謀之中。」都叫有新鮮感吖,購買欲又多兩分。再來睇埋價錢,232頁全彩,售$98,兼送多兩張貼紙,更OK喇。Fine,動漫節必買Item之一,講完。

Read more ›
動漫節有一鋒份 《大災難師》水晶膠座$88

動漫節有一鋒份 《大災難師》水晶膠座$88

係喇,無新作品推出,真係好易被人遺忘架。大家仲記唔記得5年前有本《大災難師》?我有買到尾架。5年後嘅今天,作者一鋒話有諗過推出《大災難師》合訂本,不過為咗做好新書所以擱置,取而代之只會喺今年動漫節推出《大災難師》水晶膠座,每個$88,平平哋都幾啱我胃口。啱嘅,要Keep番啲曝光率咁先得架嘛。一鋒,加油,等你新作面世。

Read more ›

撳定錢入貨 黃玉郎動漫節產品一覽

撳定錢入貨 黃玉郎動漫節產品一覽

係㗎,動漫節無咗黃玉郎參與,硬係會好似少減啲嘢咁;係呀,係擺明食老本㗎,但好多讀者Including me就係鍾意呢朕玉郎味吖嘛,所以呢個《黃玉郎甲子情緣60週年紀念畫展》,雖則個名水蛇春咁長兼有少少老土,但心嗰句,我係Still受落嘅。Fine,入得場,預咗跌錢,今次推出產品如下:一,《黃玉郎甲子情緣紀念集》,內容講述黃玉郎前半生事跡,點樣進軍內地手機動漫市場,兼有大量珍貴相片,會場金版$380;二,《玉郎經典第一部》,包10本復刻古祖經典漫畫,普通版$180,黑金盒裝特別版$230(限量200套);三,《珍藏閃咭禮盒大全套》,分至尊版同經典版,各售$380;四,《神兵玄奇漫畫修藏本》第一冊,普通版$128,會場版$168;五,《神兵4封面畫集》,幅幅邱福龍傑作,會場版$380。各位死忠,照單執藥,撳定錢吧。

Read more ›
鄺志傑《靛藍》$130 動漫節見街

鄺志傑《靛藍》$130 動漫節見街

又係時間提大家留意「港漫動力2」入圍作品,有請鄺志傑《靛藍》出場,啪啪啪啪啪!全書200頁,售$130,主調係科幻歷險,故事圍繞靛藍兒童、蜥蜴人、月球暗面、星門等等。咁為咗搞大件事,推出特別版都好合理,特別版有三,一,收藏家豪華版(包漫畫書、25cm×25cm手繪彩色馬克筆畫板),售$1000;二,超豪華版(包漫畫書、18cm×21cm手繪彩色馬克筆畫板),售$700;三,豪華版(包漫畫書、18cm×21cm手繪黑白畫板),售$500。畫板係乜質素有相為證,有興趣可PM佢本尊。

Read more ›
曹志豪動漫節擺攤 精品製作中

曹志豪動漫節擺攤 精品製作中

最新消息,曹志豪喺7月動漫節係會擺Booth嘅,佢喺面書透露話家陣試緊唔同精品,而暫時所見,無睇錯的話,有疑似《戰鬼》同《死角》杯墊Or襟章?Anyway,拭目以待喇喂。

Read more ›
Art Ling《親愛的44號》 7月動漫節見街

Art Ling《親愛的44號》 7月動漫節見街

推理?懸疑?鬼怪?驚慄?單單睇Art Ling作品《親愛的44號》故事簡介:「瘋人院的病人全部都同一樣貌?入面的怪物又是什麼一回事?失憶男主角安德列斯 追查他被擄的妹妹瑪莉在瘋人院的瘋狂故事。」我就估樣樣都有啲喇。呢本「港漫動力2」入圍作品已經大致製作完成,Art Ling仲分享咗以縮攝形式拍攝嘅封面製作短片,又話:「一人製作的全彩漫畫,諗吓都辛酸。」希望呢份辛酸得到大家認同,捧吓場喇喂。

Read more ›