Tag: 勇者鬥惡龍

新片速報 PS4《Dragon Quest Heroes》7分鐘新預告加廣告 怪物同伴登場

日文版就仲有兩個星期,2月26日推出,中文版就要等到夏天,唔等啦!呢隻PS3/PS4類無雙嘅ARPG《ドラゴンクエストヒーローズ 闇竜と世界樹の城》啱啱又有新片,新PV見到遊戲角色加聲優介紹,仲有遊戲系統,當中仲見到勇者鬥惡龍育成怪物召喚嚟用嘅玩法!另外,仲有聲優桐谷美玲、松坂桃李嘅電視廣告!

Read more ›

本地實機試玩《Dragon Quest Heroes》打單眼巨人 射大炮出超必

早兩日,C3記者會PS攤位有個試玩會,就係玩呢隻《ドラゴンクエストヒーローズ 闇竜と世界樹の城》,之後想試真啲拍靚啲,我哋就再去PS香港總部試玩。同日本12月「Jump Festa」現場試玩嘅版本一樣,可以揀兩個關卡,一個係草原打史萊姆再嚟最後打永遠的敵人「ゴーレム」;另一個就係打單眼巨人,後者都幾好玩,要遊走關卡入面搵大炮射佢,試埋幾位主角嘅超必,冇無雙咁多敵人,但一樣咁爽,至於有有ARPG風味,唔,出吓魔法升吓Level,都叫有啲嘅……總結一句,無雙加埋RPG原素,仲要勇者鬥惡龍呢個牌頭,冇乜得點輸。

Read more ›

中川翔子又咬嘢 今次係《勇者鬥惡龍》PS4

噚日應該有冇人拎咗新機?就係《Dragon Quest Heroes》部特別版PS4!相信都有啲機迷為咗呢隻遊戲出機啦?中川翔子有份幫遊戲角色做聲優,於是,佢噚日都擁有咗一部特別版機。咁有新玩具,佢又照慣例放入口,咬部機之餘仲含住史萊姆……

Read more ›

很想要!《Macross F》《勇者鬥惡龍》又玩LINE

玩LINE就係呢個最開心,啲ICON靚嘛。最新就有《Macross F》嘅兩位歌姬,另外就係《勇者鬥惡龍》嘅第3彈,咦?講開史萊姆,今日可以攞機喇喎?

Read more ›
新片速報 打鐵趁熱《Dragon Quest Metal Slime Edition》金屬鑄造宣傳片

新片速報 打鐵趁熱《Dragon Quest Metal Slime Edition》金屬鑄造宣傳片

太誇張,呢條片唔係Man At Arms,而係宣傳啱啱公佈咗推出日期係12月11日嘅呢部勇者鬥惡龍主機。大大隻金屬史萊姆喺度,所以呢條官方宣傳片就玩嘢喇,去咗搵一個鑄鐵師傅,拎咗一堆金屬史萊姆,之後……提一提,香港都公佈咗同步賣$3,880,不過預訂詳情未知,有消息再話你知。

Read more ›

香港行貨價格公佈 PS4《Dragon Quest Metal Slime Edition》日本同步賣$3,880

  好喇,日本公佈咗,香港行貨都火速發佈消息。遊戲都係喺2月26日推出,特別版主機都係喺12月11日率先發售,而下載版遊戲就可以早1日下載嚟玩,不過如果遊戲偷跑……好喇,價錢方面就$3,880,遊戲賣$468(PS3版$398),暫時未開訂,詳情入嚟睇。喂,如果有中文版就仲好啦!

Read more ›

新片速報《Dragon Quest Heroes》新遊戲片段 2月26日發售 特典機12月11日率先推出!

好咯,終於有發售日期,首先,PS3/PS4《Dragon Quest Heroes(ドラゴンクエストヒーローズ 闇竜と世界樹の城)》呢隻遊戲會喺2015年2月26日推出,不過佢部超正嘅同梱機就會喺12月11日就發售,食住個假期消費旺季,49,980円,咁買咗機嘅,仲可以早一日就玩到,係咪爽先!至於PS4同PS3嘅分別,就係畫面問題啦,前者60fps,後者就只有30fps。香港行貨方面,暫時未有消息,有新料再第一時間同大家報道!

Read more ›

PS4/PS3《Dragon Quest Heroes》 中川翔子聲演女角

今日有直播活動,嘉賓中有中川翔子,果然,唔只做嘉賓咁簡單,現場仲宣佈埋佢會為下年春推出嘅PS3/PS4《Dragon Quest Heroes(ドラゴンクエストヒーローズ 闇竜と世界樹の城)》當中一角「アリーナ」做聲優,另外其他角色都公佈咗一部份,有緑川光、沢城みゆき、釘宮理恵、銀河万丈、小松未可子、神谷浩史等人,o依家仲直播緊,希望快啲講埋發售日期啦!

Read more ›

新圖發佈 PS4/PS3《Dragon Quest Heroes》DQ5/8女角參戰

呢隻下年春推出嘅PS3/PS4《Dragon Quest Heroes(ドラゴンクエストヒーローズ 闇竜と世界樹の城)》,隻遊戲同部機都好吸引,對未買PS4嘅勇者迷嚟講都係出機好時機。日本雜誌又有新圖發佈,見到嘅係《DQ5》同《DQ8》嘅女角參戰!另外過幾日28日日本時間下午4至6會有直播節目,中川翔子、堀井雄二做嘉賓,有發售日期未呀!

Read more ›

歷代主角現身《Dragon Quest Heroes》月尾直播 中川翔子做嘉賓

呢隻下年春推出嘅PS3/PS4《Dragon Quest Heroes(ドラゴンクエストヒーローズ 闇竜と世界樹の城)》,都令唔少勇者期待,雖然人人話佢係無雙,但官方就話係由國民RPG變動作RPG。好喇,有雜誌新圖見到其他系列作嘅主角外,仲有提提你今個月28日日本時間下午4至6會有直播節目,仲會請嚟中川翔子、堀井雄二做嘉賓,最想就係佢快啲公佈發售日期啦!

Read more ›

史萊姆手機叉電器 今日e-store開賣

《勇者鬥惡龍》部特別版3DS我無乜興趣,不過呢款史萊姆手機叉電器我真心覺得幾得意。賣1980円,睇見佢個可愛樣我就想買返屋企,雖然明知佢唔荒多電。除咗立體淚滴型,仲有一款扁口扁面嘅史萊姆,都係藍色,想實用啲,之前都介紹過一歡老實款式黑色火牛咁款嘅史萊姆叉電器,男用家可能會鐘意,入嚟有回帶。

Read more ›

8人連機 3DS《Dragon Quest Monsters 2 マルタのふしぎな鍵》確定推出

8人連機 3DS《Dragon Quest Monsters 2 マルタのふしぎな鍵》確定推出

雖然唔係DQ新作,但《Dragon Quest Monsters》呢個系列都應該有捧場客。啱啱Square Enix就公佈確定會喺3DS推出《Dragon Quest Monsters 2 マルタのふしぎな鍵》,會有《DQ X》嘅怪物,而且登場怪物總數超過800種,支援最多8人連線,官網開張,詳情近日發佈。

Read more ›

勇者食餅乾 史萊姆8月變手信

《勇者鬥惡龍》最經典嘅唔係勇者亦唔係惡龍,而係集集見到佢嘅敵人史萊姆。繼鹽樽同埋沙漏之後,有呢兩種口味嘅餅乾,每罐1,400円,Square Enix網上e-store都有得賣,8月23日推出。

Read more ›

史萊姆沙漏 兩隻顏色7月發售

《Final Fantasy》呢排就話題好多,雷姐回歸就講咗11月21日出,過幾日E3又話有FF新作新資料公開。咁同社嘅《DQ》勇者鬥惡龍呢,就都繼續有產品出,就係經典中嘅經典怪物史萊姆,呢個用兩個史萊姆倒轉黐埋整成嘅沙漏,有藍色同銀色難打啲嘅金屬史萊姆,100mm x 53mm,2,200円,7月27日推出,除咗喺e shop有得訂外,Square間新餐廳都有得賣。

Read more ›

現實與幻想 史萊姆肉包 雪足兩年都笑笑口

之前唔少人都領教過Family Mart嗰個初音肉包,未食過都睇過,眼耳口鼻拿埋一嚿,令人個心赤赤痛。至於喺2011年推出嘅《勇者鬥惡龍》史萊姆肉包呢?勁咯!有日本傳媒就喺兩年前買咗兩包,話明可食用日期係2013年4月,咁佢哋就將班史萊姆雪喺冰箱兩年,拎番出嚟結晒冰,但係放入焗爐叮一叮之後,嘩!熱辣辣笑笑口完全冇變形,果然係歷代勇者鬥惡龍中最難纏角色呀!

Read more ›