Tag: 勇者鬥惡龍

《勇者鬥惡龍 英雄集結II》中文版 8月4日發售

好多人都玩咗日文版啦?咁有冇人等緊中文版?終於有發售日期喇,係8月4日。呢隻PS4/PS Vita《勇者鬥惡龍 英雄集結II 雙子之王與預言的終焉》繁體中文版會有首批生產限定特典,包括服裝、道具、武器等。另外,可以同朋友分享玩序盤,更新之後仲可以繼承日文版save,同日文版玩家連線。詳情入嚟睇。

Read more ›

日本LAWSON史萊姆炸雞 今日推出送「ロトの剣」

LAWSON同《Dragon Quest》一向都friend,秋葉原仲有主題店啦。為咗慶祝勇者鬥惡龍30周年,今日(10日)仲會推出喺LAWSON推出特別版「からあげクン ホイミ味」。雖然我鍾意Family Mart嘅炸雞扒多啲,但呢隻炸雞都幾好味,今次有特別包裝,炸雞上面有佢個樣之外,仲有把「ロトの剣」膠劍俾你拮嚟食。216円,仲有抽獎喎。

Read more ›

【有片】「勇者義彥」參戰《勇者鬥惡龍》 「山田孝之」聲演新作角色

《Dragon Quest Heroes》第2集、PS4/PS Vita《ドラゴンクエストヒーローズⅡ 双子の王と予言の終わり》,今集終於可以4人連線協力,吸引力真係大增!最新消息就係「勇者ヨシヒコ」嘅「山田孝之」終於投入呢個國民級勇者世界,聲演「ツェザール」一角,佢話唱「呪文」嗰陣好爽喎!講多少少係男女主角就會由「森山未來」、「武井咲」聲演。遊戲5月27日發售,未知中文版有冇得同步。

Read more ›

討伐完了 《勇者鬥惡龍》日本新宿18萬塊積木拆晒

新宿站繼上年玩10萬粒史萊姆啪啪紙之後,今年為記念《Dragon Quest Builders》發售,又玩18萬粒積木畫,而且仲俾大家逐粒搣出嚟拎返屋企!咁遊戲同呢個活動噚日就開始,只係開始咗3個半鐘,18萬粒積木就拆晒,討伐成功之後,就現出後面幅畫喇!

Read more ›

30周年慶祝殺入「渋谷」/USJ 《勇者鬥惡龍Heroes II》發售日確定

今日Square Enix搞咗個《勇者鬥惡龍Dragon Quest》30周年直播活動,大家好期待會有《DQ XI》嘅消息啦?冇。咁PS4/PS3/PS Vita《勇者鬥惡龍Heroes II》無雙RPG呢?有個發售日期公佈咁大把,就係DQ真正30歲生日嗰日,5月27日(第1集於1986年5月27日推出)。可能機迷都好奇怪,咩都未有,但仲有幾個月就出喇喎?官方話喺2月1日嘅《週刊少年Jump》會有新料。另外1月28日推出嘅PS4/PS3/PS Vita《勇者鬥惡龍Builders(ドラゴンクエストビルダーズ)》就會喺1月22日有體驗版,試玩完先買穩陣。仲有,《ドラゴンクエストモンスターズ ジョーカー3》體驗版3月上旬配信。最後,實體啲嘅,《勇者鬥惡龍》會同大阪環球影城合作,同埋7月下旬喺「渋谷ヒカリエ」會有大型活動,變成勇者世界?2月15日詳細發表。

Read more ›

機迷生B必買 日本爆紅《勇者鬥惡龍》風口水肩

如果你已經或者就快或者唔小心有小朋友,而又自細有打機,咁一定對《勇者鬥惡龍》呢啲選單好有感情……咦?選項寫住「玩具」、「哭」、「笑」、「尿尿」、「發嘮叨」呢啲嘅?因為呢塊係一塊口水肩。呢位日本網民喺Twitter放咗呢啲相之後,即時引嚟機迷共鳴,不過睇嚟佢o依家應該湊B多過打機咯,往事只能回味啦?都話單身好o架啦,係咪羡慕我先?

Read more ›

【萬物皆起格】勇者鬥「Minecraft」!?《Dragon Quest》全新作冬季登陸PS4/PS Vita

之前一直都講緊嘅《DQ》勇者鬥惡龍新作,會登陸PS4/PS3/PS Vita,就係呢隻《Dragon Quest Builders》,官網開張,睇圖都feel到嗰浸《Minecraft》味道?遊戲會係喺呢個超格世界入面進行嘅RPG……

Read more ›

【PS遊樂園】勇者鬥惡龍怪物襲港 玩FB遊戲贏神秘禮物

上星期五PS4隻中文版《勇者鬥惡龍》推出,台灣有製作人堀井雄二同配音嘅中川翔子出席活動,香港呢邊就有幾隻怪物軍團登陸香港。喺全港巴士站搵倒佢哋再上載去PlayStation HK嘅Facebook專頁,就可以得到「幸福的地圖」DLC,今日開始仲有個小遊戲玩,測試你命運中嘅戰鬥夥伴,有機會得到神秘禮物,我都好想知係咩嚟喎。最後今個星期三PS4線上動作角色扮演遊戲《The Elder Scrolls Online: Tamriel Unlimited》會喺PS Store推出,售價HK$465。

Read more ›

【劣化移植】3DS版《Dragon Quest VIII 空と海と大地と呪われし姫君》畫面差過PS2

早個星期,Square Enix宣佈3DS會移植2004年喺PS2推出嘅《DQ8》去3DS,而且發售日期都定咗,8月27日,好快到。咁有日本網民就比較一下相隔11年啲畫面會點啦。最後發覺移植至3DS《ドラゴンクエストVIII 空と海と大地と呪われし姫君》嘅畫面係會劣化咗嘅。咁又其實,3DS始終係手提機,而且個屏幕細咁多……唔覺……啩?

Read more ›

8月發售《Dragon Quest VIII 空と海と大地と呪われし姫君》登陸3DS

3DS用家、《勇者鬥惡龍》fans,有好消息!之前製作人掘井雄二都話想移植2004年喺PS2推出嘅《DQ8》去3DS,上年年尾出完電話版,啱啱就有最新消息,遊戲《ドラゴンクエストVIII 空と海と大地と呪われし姫君》將會喺8月27日發售,價格5,980円,仲有唔同商店特典。

Read more ›

《勇者鬥惡龍》東京主題Cafe 史萊姆意大利飯無伏?

史萊姆之前都出過好多崩壞肉包同藍色咖喱飯,最近終於正正經經開返間主題CAFE「DQSL Cafe」,今次選址東京涉谷區,總共有4款食物同4款飲品推出,睇個史萊姆意大利飯正正常常應該無伏啩?4月28日開始喺「渋谷ガーデンHana」期間限定營業,食完嘢仲可以賺埋遊戲入面嘅鎖匙、地圖之類嘅物品,好奸。BTW,今次目的係宣傳隻手機遊戲《Dragon Quest Monsters Super Light》,呢個Light版本加咗對戰任務同Online元素。

Read more ›

6月4日推出 中文版《勇者鬥惡龍 英雄集結 闇龍與世界樹之城》送鐵盒 繼承日版Save

好喇,又想問吓,有冇人之前唔玩日文版而等緊中文版?6月4日推出喇,繁體中文版《勇者鬥惡龍 英雄集結 闇龍與世界樹之城》除咗有中文內容外,比較特別嘅係預訂會有「金屬史萊姆特製鐵盒」,都幾靚,另外仲有大量下載特典,$398,入嚟睇詳情。點睇啲中文譯名先?最重要係繼承日文版Save呀!

Read more ›

官網已開冇講笑《勇者鬥惡龍Heroes II》PS3/PS4/PS Vita版開發中

噚日4月1日,公佈嘅嘢大家都唔敢當真,不過其中有一單已經證實咗,就係之前推出幾好賣嘅《Dragon Quest Heroes》會推出第2集,而且除咗PS3/PS4版外,仲有PS Vita版,繼續由Omega Force開發。講真,加入RPG原素嘅無雙玩法係唔錯,不過玩得一陣好似有少少悶……唔知第2集有咩新嘢搞吓先?唔好猛將傳喎。

Read more ›

【有片】跟進報道 新宿站《Dragon Quest Heroes》10萬隻泡泡史萊姆 暗藏「ばくだん岩」

今朝報道咗今日喺新宿站會有呢幅廣告「泡泡紙」牆嘅《Dragon Quest Heroes》廣告,即係啲泡泡紙氣泡就係史萊姆,話有10萬隻!咁大家就可以埋去用手指篤佢,卜卜卜卜卜就會爆開。日本方面仲有實玩影片,仲有發現原來史萊姆中暗藏「ばくだん岩」!聽日官網會有更新,到底今日各位勇者消滅咗幾多隻史萊姆呢?

Read more ›

超大型泡泡紙廣告 新宿站10萬粒史萊姆等你撳爆

PS3/PS4《Dragon Quest Heroes(ドラゴンクエストヒーローズ 闇竜と世界樹の城)》過兩日(正式發售日期2月26日)就出,雖然今次玩法變成無雙式動作RPG,但始終係國民RPG,點都要落本賣行廣告!由今日(23日)開始至3月1日間,喺新宿站就會有呢個廣告玩,成幅牆都係史萊姆嘅抱抱紙,據官方講合共有10萬粒史萊姆等各位勇者去用手指撳爆佢哋!

Read more ›