fbpx

Tag: 創造館

Felix Ip「創造館」搞簽名會 重機哈囉喂畫板$300

Felix Ip「創造館」搞簽名會 重機哈囉喂畫板$300

余兒「創造館」開張搞作家簽名會,又點少得Felix Ip份兒,大家記得帶書或臨場買書搵佢簽名兼影相喇。另,雖然今年受疫情影響,連帶市面都無乜Halloween氣氛,但話晒都係大節,Felix Ip都製作咗6張重機哈囉喂畫板同大家開心吓,每幅$300,有買趁手。

Read more ›

去創造館買書 余遠鍠駐場搞簽書會

去創造館買書 余遠鍠駐場搞簽書會

余兒嘅「創造館」開張,歡迎大家親臨買書兼探吓佢。而嚟緊周六,《我的吸血鬼同學》、《妙探鬼靈精》同《神探包青天》作者余遠鍠喺創造館搞咗個簽名會,駐場同讀者見面影吓相,收到未?請多多捧場。

Read more ›
余兒x司徒劍僑《九龍城寨漫畫十年》10月24日見街 有簽書會

余兒x司徒劍僑《九龍城寨漫畫十年》10月24日見街 有簽書會

來了!十年重聚!Re-union!余兒x司徒劍僑《九龍城寨漫畫十年》鐵定10月24見街,到時會喺「創造館」搞簽書會。大家記得去捧場,影相打卡買書,好節目也。

Read more ›
創造館優惠 $1000買全套14期《九龍城寨》珍藏本

創造館優惠 $1000買全套14期《九龍城寨》珍藏本

書展檔期,出版社「創造館」推出優惠,$1000就可以買晒全套1至14期《九龍城寨》珍藏本。面書專頁有此留言:「一次過排晒啲封面出嚟真係靚。」梗係靚喇,司徒劍僑手筆邊會唔靚,想像到一字排開何其壯觀,誇張啲講句當買封面都抵;又有此留言:「拎咗一皮嘢回水嘅你,拎10分1出嚟就可以擁有佢。」講得啱,有閒錢咪幫手振興經濟囉,買精神食糧唔過份啫。不過話時話,呢一皮嘢你收到未?

Read more ›
Felix Ip《燃燒吧!香港重機2》 書展推出

Felix Ip《燃燒吧!香港重機2》 書展推出

上期就人人搬屋貨車做封面,今期就輪到雪糕車登場,Felix Ip經過一輪「閉關趕製中」,繪本小說《燃燒吧!香港重機2》終於趕得切喺今年書展推出,必買Item是也。

Read more ›
書展登場 余遠鍠x何肇康《妙探鬼靈精》

書展登場 余遠鍠x何肇康《妙探鬼靈精》

今年書展,出版社「創造館」會繼續擺Booth,而余遠鍠亦會繪畫由新生代推理小說作家何肇康原創嘅《妙探鬼靈精》。呢本推理漫畫明Sell兒童向,但我覺得大人亦啱睇,因為好簡單──睇封面都覺得畫得靚。好認同出版社講嘅一段話:「我們做的兒童及青少年讀物,內容有趣、益智(可以引入學校)是基本,更加追求『畫面靚』,希望可以做到『美學教育』,令小朋友由細開始,『識睇靚嘢』。好似日本人咁,對美感有追求,人都decent啲。」無錯,人肯睇多啲靚嘢,自然就識追求美感,繼而做人都自不然會正派啲得體啲,少啲品味低俗嘅拙劣盲毛,世界肯肯定唔會咁亂。

Read more ›

《復刻龍虎門》裝釘有錯 買343期送342期補鑊

《復刻龍虎門》裝釘有錯 買343期送342期補鑊

買咗,但未睇,所以唔察覺上期第342期《復刻龍虎門》有裝釘錯誤。為此,「創造館」決定喺呢個禮拜推出嘅第343期,合併補送多本第342期,同樣售$20,仲好溫馨地提醒大家咪畀多錢書報攤。出錯咗,咪補鑊囉,呢個營商態度非常好,抵畀Like。

Read more ›
創造館 x Felix Ip《燃燒吧!香港重機》$88

創造館 x Felix Ip《燃燒吧!香港重機》$88

早三兩日報導過,家陣有詳細資料,創造館聯乘Felix Ip推出嘅繪本小說叫《燃燒吧!香港重機》,故事講兩兄妹因搬屋關係,認識咗重機成員之一嘅人人搬屋貨車,之後經歷一場人生大冒險,Sell溫情,大人細路都啱睇咁話。全書160頁,每本$88,3月中旬見街。

Read more ›
Felix Ip x 創造館推出《香港重機繪本小說》

Felix Ip x 創造館推出《香港重機繪本小說》

「創造館」將有新書見街,余兒、一樹將聯乘Felix Ip推出《香港重機繪本小說》,全書160頁。暫時資料唔多,只知並唔係齋畫,今次係圖文小說,要睇字嘅。究竟余兒點樣利用香港重機各大中小成員講故事呢?有啲期待。

Read more ›
故事繪本合集《鬥恐怖》 謝森龍異畫插畫

故事繪本合集《鬥恐怖》 謝森龍異畫插畫

今年書展,「創造館」會推出一本短篇故事繪本合集《鬥恐怖》。小說部份,由史兄、三聯幫牟中三、馬菲、陳四月、何晞賢、一樹同余兒負責,有真人真事、以訛傳訛、道聽塗說等靈異鬼故事,可以慢慢煲。插畫方面,由謝森龍異繪畫,佢手畫唔使多介紹喇,我必買Item。

Read more ›
繼續撐!復刻《龍虎門》275期開始加價至$20!

繼續撐!復刻《龍虎門》275期開始加價至$20!

終於睇齊喇,今期第271期復刻《龍虎門》出咗個啟事,話將會由第275期開始加價至$20。區區三大元,相信大家都唔會Care,反而大家關心嘅係,究竟會復刻到幾時?「創造館」亦畀埋答案──「會繼續出版,最理想是出版至566期,亦即是王小虎手刃火雲邪神的最後一期為止」,咁就好咯,數手指仲有差唔多300期,亦即係仲有6年睇,安樂晒。

Read more ›

Felix Ip《香港重機》報捷再版 封面玩轉色

Felix Ip《香港重機》報捷再版 封面玩轉色

. 恭喜Felix Ip,《香港重機》銷量報捷,「創造館」阿頭余兒喺面書話:「《香港重機》的庫存書已是0本,換言之:喺時候再版加推了!」書展過咗無耐,咁快就可要再版,厲害。咁再版咯,梗要玩吓嘢賀一賀,封面購圖不變,但會由第一版嘅銀色底色,變成再版嘅銅鐵色托底。我有買《香港重機》,有睇,真心覺得好睇,祝快快有再再再再再版嘅出現。

Read more ›
書展幫襯創造館攤位$200 送《我們,在創造。》特刊

書展幫襯創造館攤位$200 送《我們,在創造。》特刊

之前咪講過只要讚余兒靚仔,就可以得到創造館特刊嘅,講笑咋。認真Mode,成件事係咁:喺2018書展創造館攤位幫襯滿$200,即可免費索取呢本為慶祝創造館五5周年印製嘅《我們,在創造。》。內容方面,余兒話:「結集了40多位跟我們合作的作者、插畫師與設計師的創作話,非常值得珍藏。」講明先,此屬限量品,手快有手慢無。咁當然,攞書嗰陣都順便讚吓余兒靚仔喇,我諗佢會好開心,成晚訓唔著的。

Read more ›
創造館五周年 讚余兒靚仔免費送特刊

創造館五周年 讚余兒靚仔免費送特刊

訪問過余兒,嗰陣佢都未搞「創造館」,真係眨眼咁快,不經不覺創造館已經五周年。里程碑,梗要搵啲嘢搞吓,余兒決定推出一本五周年特刊,免費嘅。內容呢?余兒只係話「超豐富」,我估係歷年作品、作家同合作單位介紹。索取辦法?余兒話留意創造館面書兼「讚吓佢靚仔等佢私人留本畀你」喎。哦!收到!余兒你好靚仔呀!

Read more ›
《九龍城寨》漫畫第二部典藏版封面曝光

《九龍城寨》漫畫第二部典藏版封面曝光

2018書展就快殺埋身,「創造館」今年會推出《九龍城寨》漫畫第二部典藏版,封面剛剛釋出,大大個陳洛軍,啱睇吖嘛。余兒露透話,屆時司徒劍僑「大有機會」現身到場簽名,大家識做喇。

Read more ›