《西遊》創刊 鄭健和保持一貫水準

家住油塘,非大區,公仔書不嬲遲一日半日先到手,《西遊》都唔例外,都今朝我先認認真真睇完一次,感覺係──論畫面,比《大軍閥》靚,卻遜於《殺道行者》,我知唔應該咁比,但相信唔只我,好多和仔大人嘅Fans都希望可以睇番《殺道行者》時期嘅精緻畫風;論故事,暫時感覺比《大軍閥》吸引,節奏明快可能係原因之一,一開皮已經大致知道故事世界觀,好快已經開Band大決戰,都幾有追看性,獨主角白狼造型都幾平凡吓,唔夠突出。埋尾送《野狼與瑪莉》戲飛,屬Bonus,不過我極Like,因為我打算入場睇戲。As a conclusion,《西遊》保持到一貫水準,值90分,呢$17抵畀,報告原畢。

Read more ›