Post Tagged with: "刺客"

新片速報《刺客教條 3》7分鐘重溫歷代關鍵時刻
by / on 28/10/2012 at 3:17 pm

新片速報《刺客教條 3》7分鐘重溫歷代關鍵時刻

冇玩第一二集,但見到第三集好似幾好玩又想買番隻玩吓?咁點樣先可以玩得投入?玩番前兩集?下星期三就出,點玩得切?外國網站IGN就好體貼又細心,剪輯咗一段7分鐘影片,輯錄咗先前兩集嘅故事概要同埋名場面關鍵片段,嘩!話咁快我就可以投入刺客怈界喇!

Read more ›

日本 Ubiday 2012現場《刺客教條 3》有女有餅有Wii U
by / on 28/10/2012 at 2:21 am

日本 Ubiday 2012現場《刺客教條 3》有女有餅有Wii U

今年Ubisoft冇玩東京遊戲展,就啱啱10月27日喺秋葉原自己搞咗個「Ubiday 2012」。啱啱日本網站就有現場實況睇,裏頭有試玩有發佈有靚女有嘢賣,當中有刺客教條豆沙包銅鑼燒,仲有初回限量生產嘅PS Vita機套,有個Monogram嘅幾鬼靚!相片中仲見到試玩Wii U版《刺客教條 3》都排晒長龍,不過機迷拎住咁大個手掣玩似乎都攰攰哋。最後,官方亦都發佈咗幾張新圖,就係話你聽打緊機時個gamepad顯示地圖嘅狀況,邊度有人邊度有敵人都睇得好清楚,咁又好似易睇過PS3/Xbox360版喎。

Read more ›
預告周二大件事 《刺客教條》X Jessica C.
by / on 27/10/2012 at 12:40 pm

預告周二大件事 《刺客教條》X Jessica C.

唔好話唔關你哋事,雖然呢個「刺客教條3 -性感殺機」試玩會只係招待傳媒,但之後我哋會有詳盡報導,又會有試玩報告,當然仲會有大量靚相!咩靚相?Jessica C.星期二會喺試玩會Cosplay刺客教條主角,上次《Lollipop Chainsaw》都領教過佢嘅殺傷力(內文有回顧),同埋仲會有阿Rain李彩華齊齊扮,大家放長雙眼睇吓點啦!

Read more ›
潮人教條 《刺客教條》官方出時裝
by / on 25/10/2012 at 8:14 pm

潮人教條 《刺客教條》官方出時裝

厲害!呢個質素,唔係行貨送嗰件風褸可比,絕對係潮人天地。呢個由Ubisoft同Capcom個friend成日出遊戲服飾嘅品牌Musterbrand合作,推出一系列《刺客教條》時裝。唔係叫你褸件白袍垂低個頭就跳落街,而係著咗出街唔覺你係機迷嘅一系列服裝,有大褸有冷衫有Tee,低調地做刺客,殺高官達人之餘,隨時殺埋啲潮流妹妹。

Read more ›
新片速報 《刺客教條 3》22分鐘開機片流出
by / on 25/10/2012 at 10:25 am

新片速報 《刺客教條 3》22分鐘開機片流出

Ubisoft隻PS3/Xbox360/PC大作《刺客教條 3(Assassin’s Creed III)》下個星期就出,到時PS3/PS Vita版本GameoverHK都會有第一手開機試玩,不過,西人即係西人,西方就有人率先開機玩,仲拍埋片放上網慰藉心急嘅機迷。22分鐘,睇到頭段故事,唔想劇透,有興趣自己入去睇。

Read more ›
新片速報 真人版《刺客教條》5分鐘殺人爬樹打筋斗
by / on 24/10/2012 at 2:58 pm

新片速報 真人版《刺客教條》5分鐘殺人爬樹打筋斗

Ubisoft同電影公司New Regency早兩日宣佈話《刺客教條》會開拍真人版電影,男主角由Michael Fassbender做,即係《變種特攻:異能第一戰》做後生磁力王嗰個。呢套嘢就唔知等到幾時先有得睇,不過好快就有外國製作單位Corridor Digital製作咗一條5分鐘真人片,動作場面好得,男主角食過夜粥,又爬樹又打筋斗,裝扮都跟到足,絕對值得一睇!

Read more ›

新片速報《刺客教條3》PS3獨佔內容公開(中文字幕)
by / on 24/10/2012 at 11:28 am

新片速報《刺客教條3》PS3獨佔內容公開(中文字幕)

10月31日行貨推出,中文版就下個月22日推出,買唔買等唔等都好,今次真係買PS3版有著數。一來可以同PS Vita版連動,二來已經講明有獨佔內容,今次呢條片就係介紹當中嘅Benedict Arnold任務。Benedict Arnold係乜水?係一個打算投靠英國嘅美國將軍,阿George Washington就要Connor去West Point刺殺佢。現實中Arnold係成功變節成英軍,最後死於倫敦,玩家就要改變呢個歷史!另外同時亦有兩段中文字幕影片發佈,慢慢睇!

Read more ›
新片速報 《刺客教條 3》限定版開箱片
by / on 21/10/2012 at 2:26 pm

新片速報 《刺客教條 3》限定版開箱片

Ubisoft呢隻PS3/Xbox360/PC嘅《刺客教條 3(Assassin’s Creed 3)》,10月31日先喺香港正式推出(PC版同各中文版本11月推出),你訂咗咩版本?如果係呢個連figure嘅限量版,咁睇完呢段率先開箱片你就知冇訂錯,隻Figure超靚超精細,連掛腰把槍、袖劍都可以活動,加埋國旗等物品,好想有。

Read more ›
新片流出《刺客教條 3》未來過去大解構
by / on 20/10/2012 at 1:53 pm

新片流出《刺客教條 3》未來過去大解構

如果你冇玩之前兩集,唔知個故仔講乜,咁呢條片就幫到手喇。嚟緊10月31日Ubisoft呢隻PS3/Xbox360《刺客教條 3》行貨推出,11月仲會有中文版,啱啱就有外國網站發佈咗呢條宣傳片,講解男主角們點樣去到刺客時代,Altair/Templars/Animus到底又係乜?英文字幕,睇得明嘅。

Read more ›
新片速報 PS3/PS Vita《刺客教條 3》連動內容公開(中文字幕)
by / on 19/10/2012 at 3:24 pm

新片速報 PS3/PS Vita《刺客教條 3》連動內容公開(中文字幕)

Ubisoft出喺PS Vita隻《Assassin’s Creed 3: Liberation》10月31日推出,令次就有之前報導過嗰條新片嘅中文字幕版,同一條全新講劇情同連動嘅中字影片。大家最關心有咩連動玩,就係Aveline(艾芙琳)會喺冒險中遇到Connor(康納),仲會聯手對抗聖殿騎士!而有PS3版《刺客教條 3》嘅玩家,就可以解鎖Connor喺鈕約關卡嚟用,仲有「康納的戰斧」、「多人連線角色 French Agile」、「彈藥袋升級」共4項獨佔遊戲內容喺手提機度玩。仲有,就係中英文版本連動嘅問題,據知係可以連到嘅,咁我就建議可以玩住冇中文版嘅PS Vita嗰隻Liberation先,玩到咁上吓,咪等埋11月出嘅PS3中文版囉,妥晒!

Read more ›
行貨《刺客教條 3》同梱內容發佈 $528有Figure
by / on 18/10/2012 at 10:32 am

行貨《刺客教條 3》同梱內容發佈 $528有Figure

歐美10月30日出,咁有時差嘛,所以香港10月31日先係正式發售日,講緊係正式發售日呀吓。好啦,仲有唔夠兩個星期就出喇,訂咗未?PS3都未買?咁會唔會諗住買PS Vita嚟連動?行貨遊戲、同梱主機啱啱公開咗售價,PS3/PS Vita都係$2,280,有機有game有機貼有DLC仲有限量刺客風褸(信我,你唔會著出街嘅。)!如果兩部機都有嘅機主,我就推介$528嗰隻連Figure版,計落百四隻公仔。

Read more ›

新片速報 《刺客教條 3》遠攻近殺反擊技介紹(中文字幕)
by / on 13/10/2012 at 11:16 am

新片速報 《刺客教條 3》遠攻近殺反擊技介紹(中文字幕)

  呢個月係《Biohazard》月嘅話,今個月尾就係《刺客教條》月喇,呢隻10月30日推出嘅PS3/Xbox360/PC刺客系列最新作,又有新片發佈。今次片段最實際,睇到大家最關心嘅武器包括近距離嘅戰斧、木棍同招牌武器袖劍,仲有遠距離嘅弓箭、火槍、繩鏢等,另外以前嘅防禦功能會進化成為格檔,而且更加入反擊系統,短短幾秒慢動作畫面,可以決定推開敵人或者解除佢嘅武裝,再唔係,當場格殺!

Read more ›
新片速報 《刺客教條 3》康納小時候(中文字幕)
by / on 05/10/2012 at 12:24 pm

新片速報 《刺客教條 3》康納小時候(中文字幕)

10月30日推出嘅Ubisoft PS3/X360/PC動作遊戲《刺客教條 3(Assassin’s Creed III)》又有中文字幕影片發佈。今次呢條就係講今集主角Connor,中文名叫康納嘅身世,講佢細細個點樣通生走嚮往自由,點解要為自由而起義!好感性,睇嚟佢家響冇國民教育科。

Read more ›
新片速報 Wii U版《刺客教條 3》實機片段
by / on 15/09/2012 at 3:02 pm

新片速報 Wii U版《刺客教條 3》實機片段

之前E3都有Wii U版嘅《刺客教條 3》實機試玩片,今次就係主機發佈日嘅實機試玩片。外國網站IGN試玩海戰一段,GamePad畫面就變成雷達,仲可以輕觸各項選單,相比起其他遊戲呢個Wii U版就好似唔太吸引同特別,況且一日冇行貨都冇中文版,我都係11月尾買PS3/Xbox360/PC中文版喇。

Read more ›
新片速報《刺客教條 3》中文字幕製作特輯 3
by / on 15/09/2012 at 1:51 pm

新片速報《刺客教條 3》中文字幕製作特輯 3

10月31日推出PS3/Xbox360英文版嘅《刺客教條 3(Assassin’s Creed III)》前兩日又有製作特輯嘅新片,而中文字幕版都啱啱發佈,唔使聽英文梗係睇得開心啲啲。今次主要介紹主角「康納」(Connor)呢個具備咗美洲印第安人同傳統英國人血脈嘅新英雄嘅背景,同埋佢嘅攻擊動作。

Read more ›