Post Tagged with: "刺客教條"

Ubisoft E3有咩玩?《刺客教條》新作 《FARCRY 5》等公佈
by / on 17/05/2017 at 10:21 am

Ubisoft E3有咩玩?《刺客教條》新作 《FARCRY 5》等公佈

唔係傳聞,係官方公開嘅,喺Twitter有呢個《刺客教條(Assassin’s Creed)》標誌啦,話時話,呢隻本來年年都有嘅遊戲,都係時候出正傳新作?另外有隻仲正啲嘅,係《FARCRY 5》。留意番直播時間係香港時間6月12日朝早4點,起唔到身嘅,嗰朝睇我哋報道啦。

Read more ›

日本《刺客教條》電影海報 跳盡各景點
by / on 23/02/2017 at 4:50 pm

日本《刺客教條》電影海報 跳盡各景點

香港上完都一排喇,但日本就3月3日先上,所以啱啱見到海報。記憶中香港好似冇咁玩?就係阿刺客喺唔同日本景點跳落嚟,包括札幌テレビ塔(147米)、東京スカイツリー(634米)、名古屋テレビ塔(180米)、通天閣(108米)、福岡タワー(234米)!

Read more ›
新片速報     老鷹俯瞰片YouTube大熱    居高臨下望杜拜
by / on 17/03/2015 at 7:04 am

新片速報 老鷹俯瞰片YouTube大熱 居高臨下望杜拜

呢類型嘅鳥瞰圖,通常打《刺客教條》先睇得倒,最近網上呢段老鷹Darshan嘅第一身視點短片就吸引好多人睇。片中嘅老鷹以第一身視點喺全球最高嘅建築物 ─ 杜拜塔附近徘徊,透過裝喺佢身上嘅Sony Action Cam Mini,居高臨下睇晒成個杜拜嘅景色,好震憾,最後俯衝嗰吓仲好刺激。

Read more ›
10月10日官方開訂 中英文版《Assassin’s Creed® Unity》模型最正
by / on 06/10/2014 at 6:21 pm

10月10日官方開訂 中英文版《Assassin’s Creed® Unity》模型最正

《Assassin’s Creed Unity(刺客教條︰大革命)》英文延期,搞到中英文合版可以同步喺11月13日推出。PS4版官方賣$398、「場景模型同捆版」就賣$888,講真,次次佢出啲Figure係的確幾有型嘅,不過物慾無窮,落唔落坑自己諗喇。買普通版嘅都有著數,由10月10日,即係今個星期五開始,喺Platinum Shop預訂遊戲或者同捆版,都可以獲贈《Assassin’s Creed Unity》開瓶器同精裝藝術圖集。都係數量有限啦,詳情入嚟睇。

Read more ›
《Assassin’s Creed Unity》延期推出 11月13日中文版同步
by / on 29/08/2014 at 10:34 am

《Assassin’s Creed Unity》延期推出 11月13日中文版同步

Ubisoft嘅年度大作,刺客又嚟喇。呢隻《Assassin’s Creed Unity》本來10月推出,不過官方宣佈要延期兩個星期,美版11月11日推出,歐洲版就11月13日,行貨中文版都係呢日出。

Read more ›
新片速報《Assassin’s Creed: AC / BC》石器時代刺客
by / on 20/08/2014 at 5:47 pm

新片速報《Assassin’s Creed: AC / BC》石器時代刺客

  如果刺客教條去到石器時代,用嘅武器係石頭同樹枝……仲有骨頭……你玩唔玩?呢條片係fan made嘅真人影片,就係刺客去到石器時代……我只能夠講,製作都算認真,起碼唔怕俾蚊咬。

Read more ›

新片速報《Assassin’s Creed Rogue》首條Gameplay影片
by / on 13/08/2014 at 4:39 pm

新片速報《Assassin’s Creed Rogue》首條Gameplay影片

好喇,之前宣佈除咗年尾隻《Assassin’s Creed: Unity》外,Ubisoft仲有呢隻《Assassin’s Creed Rogue(刺客教條:叛變)》出,仲會有中文版,不過只限PS3,Xbox360得英文。咁好多人會問,點解有PS4/Xbox One/PC版呢?睇完呢兩條海、陸戰鬥片段你會唔會諗到啲嘢?遊戲今次係俾玩家扮演聖殿騎士,主角Shay Cormac曾經係一名刺客,o依家就要以聖殿騎士角度體驗七年戰爭,獵殺番自己過去刺客弟兄。11月11日推出。

Read more ›
新片速報《Assassin’s Creed Rogue》11月11日推出中文版
by / on 06/08/2014 at 11:12 am

新片速報《Assassin’s Creed Rogue》11月11日推出中文版

又有新嘢,除咗年尾隻《Assassin’s Creed: Unity》,Ubisoft宣佈之前傳嘅新刺客遊戲,會喺11月11日推出,而且仲有中文版同步出。遊戲有PS3/Xbox360版本,《Assassin’s Creed Rogue(刺客教條:叛變)》係俾玩家扮演聖殿騎士,主角Shay Cormac曾經係一名刺客,o依家就要以聖殿騎士角度體驗七年戰爭,獵殺番自己過去刺客弟兄。留意嘅係只得PS3有中文版,Xbox 360得英文。

Read more ›
《刺客教條》火機鐵印   小心辣手
by / on 20/07/2014 at 2:04 pm

《刺客教條》火機鐵印 小心辣手

小朋友唔好亂玩火!不過喺遊戲《刺客教條》入面殺人都得,玩吓火又算得乜?外國Etsy網嘅niquegeek整咗呢個火機專用鐵印,扣上火機之後燒行個火,之後就可以用燒紅咗嘅鐵印,將《刺客教條》個LOGO印上木製品上面,開價港幣$243,不過由於全人手製,訂完要預半個月以上先會收倒貨。溫馨提示,玩嘅時候要小心辣親隻手,除非你想製個烙印比自己。

Read more ›
未出發先襯衫《Assassin’s Creed: Unity》自設主角現身下條Trailer
by / on 03/07/2014 at 1:26 pm

未出發先襯衫《Assassin’s Creed: Unity》自設主角現身下條Trailer

年尾先有得玩新一集刺客,不過o依家入官網就已經有嘢玩吓。睇完主角嘅背景故事之後,你就可以幫佢襯吓衫,組合唔同顏色嘅造型,之後你save咗佢,佢就有機會喺下一條遊戲Trailer度現身。不過,其實組合唔算多……

Read more ›
新片速報   聖誕老人變刺客   識飛簷走壁
by / on 21/12/2013 at 12:44 pm

新片速報 聖誕老人變刺客 識飛簷走壁

聖誕老人幾十歲人,真係要逐家逐戶派禮物都幾攰,而且時間可能唔夠駛。外國YouTube頻道Ronnie Street Stunts最近趁聖誕節,拍咗段刺客版嘅聖誕老人短片,片中嘅聖誕老人十足《刺客教條》咁識飛簷走壁,喺屋頂之間跳嚟跳去打晒筋斗,配樂仲係Disco版嘅Jingle Bell,睇到個人好熱血。臨尾仲有劇情。睇完我淨係好想要返份聖誕禮物。

Read more ›

玩命攝影 城市最高點影鳥瞰圖
by / on 13/11/2013 at 7:31 am

玩命攝影 城市最高點影鳥瞰圖

我有畏高,所以玩親《刺客教條》要擒上最高點鳥瞰我都會腳震震,睇呢輯Tom Ryaboi嘅相集Rooftopping我又心驚驚。Ryaboi嘅一系列相集,全部企喺高樓大廈頂影落去,角度係跳樓view,睇見都想合埋眼,而Tom仔拍嘅時候都係搵命搏,要經常爬上好窄嘅高樓位置或者鐵架上面,以鳥瞰角度影城市面貌。唔知你會唔會同我一樣,睇完覺得自己嘅畏高加劇咗?

Read more ›
Kali送Tee 中文版《刺客教條 4:黑旗》搶先實機試玩片
by / on 10/11/2013 at 3:25 pm

Kali送Tee 中文版《刺客教條 4:黑旗》搶先實機試玩片

可能有好多人都等唔切玩緊英文版,不過玩中文睇劇情就輕鬆啲囉。Kali上星期上咗Ubisoft試玩11月14日推出嘅《刺客教條 4:黑旗》中文版,拍咗片之餘,仲有獎品送,就係呢個由Ubisoft送出嘅大File連件Tee,今晚GameoverHK facebook就會出呢段報道,到時Like咗share埋留個言就有機會得到!

Read more ›
新片速報《Assassin’s Creed 4》DLC + PS獨店內容 未開機先睇片
by / on 09/10/2013 at 11:14 am

新片速報《Assassin’s Creed 4》DLC + PS獨店內容 未開機先睇片

其實都幾好嘢,o依家發展到一個地步,係遊戲未出就有DLC內容預告,即係話你聽,係呀,你買咗隻遊戲都唔會玩得晒啲嘢,再俾錢啦。今次兩條Ubisoft《Assassin’s Creed 4》新片,一條係「Freedom Cry」嘅DLC內容影片,另一條就係PS獨佔多60分鐘嘅3個任務內容,有得用Aveline,即係PS Vita嗰個女刺客。

Read more ›
《刺客教條》真人版電影 最快下年有得睇
by / on 14/11/2012 at 8:58 am

《刺客教條》真人版電影 最快下年有得睇

《刺客教條3》你仲等緊中文版?我都係。呢兩星期唔想睇遊戲相關嘅資訊,不如睇吓啲花邊消息。之前公佈會拍攝嘅真人版電影,Ubisoft高層Geoffroy Sardin接受GameIndustry訪問時透露最快下年有得睇,嘩,係咪真架?咁快?作為首套刺客教條電影,男主角Michael Fassbender係之前《普羅米修斯》嘅擬人化機器人,有無印象?至於故事背景會揀第一集嘅中東,還是最受歡迎嘅第二集15世紀意大利?我都想知,但我最想知係時間咁趕急,係咪真係下年有得睇先?

Read more ›