【近鏡睇】喵星人舌尖上的倒勾 嚇親日本網民

有養貓嘅貓奴,都知喵星人條脷上面佈滿好多倒勾狀嘅刺,所以當佢哋好熱情咁舔你時,你會忍唔住縮。無乜特別吖,不過對於無養開貓,平時只係見到喵星人賣萌一面嘅網友嚟講,可能唔係咁睇。最近有日本網友放咗大量喵星人舌頭嘅近鏡相上網,好多網友睇完都嚇親,話好古怪,仲話都係狗仔可愛啲。其實喵星人條脷上面嘅勾,唔止方便舔毛,亦可以將骨頭上嘅肉輕易勾出,飲水時又可以舔起更多水,好實用。作為正宗貓奴,應該會鍾意埋佢啲勾勾。

Read more ›