Tag: 利是封

白水出利是封 青蛙仔大鬧天宮

噓!無驚無險又一年咯,仲有三個禮拜就送羊迎猴,希望來年呢隻馬騮仔可以帶畀香港人好運喇。白水剛剛推出2016猴年大鬧天大宮利是封,限量印刷300個,每個$2.5,青蛙仔化身齊天大聖,好Cute,有興趣可以PM佢。

Read more ›

支持本地創作 撐TubbyFellow利是封

唔知你係唔係TubbyFellow嘅Fans,我就覺得佢畫嘅肥佬好Funny嘞,大肚腩加成面鬚浸麻甩得出晒嚟,越睇越啱睇。仲有兩個禮拜就過年,買咗利是封未?未嘅話可以撐吓TubbyFellow推出嘅羊年利是封,一包12個利是封,金色同紅色各6個,每包兩條草異常抵玩,有興趣可以私底下PM佢面約交收。吓?未有資格派利是?有乜所謂啫,當精兵咁儲,支持本地創作,唔好咩?

Read more ›

支持本土創作 《溫水劇場》利是封

又要利申,本人係白水Fans,所以呢劑擺明幫佢賣廣告。話說佢今年推出《溫水劇場》利是封,喺面書望過相,幾靚仔吓,值得入手。幾錢?點賣?且交番個咪畀佢本尊:「是咁的,小弟今年第一次印自家製利是封,但原來量小印刷費超貴,請問網友們會唔會要買啲,一齊分擔吓印刷費,$2個,20個起,想買請PM,地鐵站交收。」最低消費四條草,唔知大家又會唔會支持本土創作呢?得把口講無用架,實際行動科水啦老友。

Read more ›

白水利是封,很想要吧?

好事成雙,聽講白水本新作終於搵到新出版社發行,誠可喜可賀也。開心事一不離二,佢設計嘅青蛙仔利是封亦有眉目嘞,最最最初步辦樣仲已經公諸同好添。相片一出,Fans悉數留言──Laiman Momo咁話:「想要呀。」、Hacken Tse又咁話:「Support You & like it!」Kit Man直頭話:「團印團印團印!」我都想要喎,既然有Noise有Voice,考慮量產喇白水。

Read more ›

預購《LEGO英雄傳》送利是封

難得新年有四日假期,點都要舒舒服服睇番場戲,《LEGO英雄傳》係唔係你杯茶?如果打算撐場的話,唔該快快訂飛,因為有利是封送呀。

Read more ›

《天下畫集》年廿八見街 三特別版送利是封

提提各位馬Sir迷,年廿八洗完邋遢,記得落街《天下畫集》,第665期終戰篇〈仁者無敵三〉鐵定1月28日出版,同期推出三個特別版,各送利是封。

Read more ›