Tag: 利是封

邱福龍《山海逆戰》賀歲孖寶版$50 送補原貼紙+利是封

邱福龍《山海逆戰》賀歲孖寶版$50 送補原貼紙+利是封

邱福龍係抵讚嘅,抵我咁捧佢場,出錯咯,咪送番啲嘢甜吓真金白銀買書嘅讀者囉,之前有一格想交代勾徹臂骨盡碎但畫錯咗,佢決定送番張貼紙仔聊表心意喎。1月26日推出嘅《山海逆戰》賀歲孖寶版無加價,Total兩期內容售$50,無話屈多你十蚊八蚊,咁特別版當然有喇,不過就要喺「收藏家港漫專區」購買,又送補原貼紙又送雷射環保利是封又送福龍週記Postcard又盛,好難唔撐。

Read more ›

黃玉郎《天妖玄奇》賀年雙號刊 送姬發/問天利是封

黃玉郎《天妖玄奇》賀年雙號刊 送姬發/問天利是封

一年又就快過去了,黃玉郎事先張揚話虎年會推出三本新作,有新公仔書睇嘛,絕對係開心事喇,不過睇情況佢嫰人家已經遺忘咗《龍虎五世三世仇》了,第二部斷估會推出無期。Anyway,講乜都好,撐咗《天妖玄奇》賀年孖寶版先,年年買開我唔買唔安樂,1月27日出版,除普及版外,今年仲有金裝版同銀裝版,前者隨書附送姬發神是封,後者送問天利是封,各售$68。作為死忠,我應該會買晒兩個版本。

Read more ›
賤人新世紀推出利是封+揮春

賤人新世紀推出利是封+揮春

有無睇開面書專頁「賤人新世紀」?臨近新年,推出利是封同揮春是常識吧。利是封一套4款共20個,售$88;揮春套裝一套4個,售$50;好運大揮春,每個$25。無論圖案、用色到賀年祝福語都好討喜,送畀人OK,買嚟珍藏亦唔錯。 

Read more ›
就快新年 Cuson乳牛利是封$70

就快新年 Cuson乳牛利是封$70

  屈指一算,仲有唔夠一個月就農曆新年了,利是封又係時候出籠。嚟緊肖牛,Cuson推出嘅利是封都以牛為主題,畫嘅係乳牛,乳牛同你拜年呀喂,乳牛祝你「牛年好運」呀喂。每套20個$70,報告完畢。

Read more ›
迪嘉賀年利是封 你大吉呀? + Your Red Pocket Will Be Barbecued!!

迪嘉賀年利是封 你大吉呀? + Your Red Pocket Will Be Barbecued!!

迪嘉話佢嘅「港產映画」系列正式回歸喎,2021年頭炮有賀年利是封,一套8張售$68。利是封有兩款,紅色嗰款將萬梓良喺《賭俠大戰拉斯維加斯》嘅經典對白「Your Spring Pocket Will Be Barbecued!」,改成「Your Red Pocket Will Be Barbecued!!」;黃色嗰款將秦沛經典MeMe圖「你大我呀?」,改成「你大吉呀?」非常有趣,收到應該好開心。

Read more ›
李志清金庸小冊子印成利是封 有無得派?

李志清金庸小冊子印成利是封 有無得派?

話說李志清之前畫咗本金庸人物小冊子,又話說有圖書公司將小冊子內嘅人物印成紅噹噹利是封,再話說李志清開Post話:「今年可有得派了,只是放大了線條有點甩,美中不足呢!」我覺得最美中不足並唔係線條甩唔甩,而係無講點派法,作為Fans嘅我們究竟點先可以得到呢?希望李志清快快開估。

Read more ›

撐!Belongs To J.原創利是封!

撐!Belongs To J.原創利是封!

就嚟過年,買咗利是封未?吓!未有資格派利是?咪傻,家陣利是封係精品,買嚟儲架。推介Belongs To J.嘅原創利是封,一包12個$58。紅底金字,圖案有六個人物,配「身體健康」、「恭喜發財」、「食極唔肥」、「減肥成功」、「平安大吉」同「快高長大」六句祝福語。祝福語夠傳統,即係大路,所以穩陣,送畀邊個都得,收嗰個亦唔會尷尬……你知我講乜嘅。

Read more ›
謝曬皮出鼠年利是封

謝曬皮出鼠年利是封

謝曬皮話因為自己懶,所以遲咗少少推出鼠年利是封,咁遲到總好過無到嘅。真心,構圖幾靚吓,幾有歡樂氣氛,收到應該幾開心,一套20個,盛惠$78。報告完畢。

Read more ›
Hong Kong Movie x No Paper Studio 送港產片角色利是封

Hong Kong Movie x No Paper Studio 送港產片角色利是封

家陣利是封再唔係紅紙一張咁簡單,已升格到精品級別,就好似面書專頁「Hong Kong Movie」聯乘另一面書專頁「No Paper Studio無紙用」推出嘅利是封咁,用歷年港產片經典角色做圖案,加多兩句祝福語「祝你哈皮扭耳丫」同「我真係恭喜你呀」,咁鬼正,真係收到都未必捨得撕爛佢,未結婚嘅都想買番疊好好收藏。想要?都係讚好加玩問答遊戲再加抽獎咁喇,自己識做喇。

Read more ›
地盤佬江湖出WhatsApp Sticker+利是封

地盤佬江湖出WhatsApp Sticker+利是封

又有過癮WhatsApp Sticker推介,今次到面書專頁「地盤佬江湖」出場,公仔簡單對白啱聽。另,就嚟農曆新年,佢哋都順勢推出利是封,有「我真係恭喜你呀!」、「橫財就手」、「年年爆肌」、「朝氣勃勃」、「係利是呀恭賀新禧」五款,各每包10個售$38。支持吓本地創作,未買利是封嘅,不妨考慮吓。

Read more ›
香港雙節棍總會招會員 送崔成安賀年利是封

香港雙節棍總會招會員 送崔成安賀年利是封

劉萬梁師傅嘅「香港雙節棍總會」2019年招收會員,無論新加入抑或舊續會,都會送崔成安賀年利是封兩包,每包有10個利是封。而成為會員之後呢,更可以每包$20購買。好靚呀個利是封,有人送畀我就好咯。

Read more ›

Cuson豬年利是封開售 每套20個$50

Cuson豬年利是封開售 每套20個$50

留意番,今年Cuson係會繼續推出利是封嘅,圖案當然有怪叔叔本尊,同緊隻肥肥白白巨豬大覺訓中。大覺訓無嘢煩乜都唔使理,相信都係你我他2019年嘅共同願望,希望願望達成喇。每套20個$50,有興趣可以PM佢。

Read more ›
日本新年利是封分歲數      超靚「豬仔」插畫唔同年齡

日本新年利是封分歲數 超靚「豬仔」插畫唔同年齡

新年又係日本人派利是嘅時候嘞,每年都會見到啲特別嘅利是封,今年「豬」年,有日本網民就喺Twitter分享咗呢幾個豬仔利是封,除咗畫功超靚之外,每個仲可以代表唔同嘅年齡,由小豬到大豬,唔知入面嘅餡會唔會都唔同呢?

Read more ›
Kit Man出勁揪利是封 $80有交易

Kit Man出勁揪利是封 $80有交易

有種勁揪叫堅持,我心底好佩服Kit Man嗰份堅持。勁揪體好嘢,一套20個勁揪利是封都係好嘢,唔花巧齋Sell字,銀銅二色分別印上「堅持」、「勁揪」、「搏盡」、「無悔」等字,係咪型先?另有寫住「合家勁揪」嘅利是封,金色,都係一套20個。呢兩套利是封都係賣$80,早預購減十皮。如果我收到的話,應該會好開心,咁當然,裡面要有餡喇,又當然,餡越大開心越加倍喇。

Read more ›
丟那星賀年揮春+利是封+貼紙 我真係恭喜你呀!

丟那星賀年揮春+利是封+貼紙 我真係恭喜你呀!

倒數中喇,仲有唔夠一個月就農曆新年喇,我好期待呀,「丟那星」呢堆賀年精品,唔知啱唔啱大家心水呢?依家逐樣同你數,主要分以下三大類別──「小人退散+人人有腦用」揮春一套兩款$38、「我真係恭喜你呀」利是封一包10個$38、「小人退散+人人有腦用」貼紙一套兩款$20,散買可以,唔同類別Mixed埋嘅套餐亦有。啲口號咁啜核,點只恭喜你,直頭笑死你呀。

Read more ›