喵星人好百厭，好鍾意乜都伸隻手去搞吓，不過今次個對象係刺蝟仔喎！日本網民分享咗段片，話佢隻貓每日行過都要拍一嘢，之後即刻火速縮手，似乎有啲痛！下次都係唔好隨便掂佢嘞。

想唔想睇吓日本插畫師嘅工作枱？最近日本Twitter興起hashtag「#絵描きさんの作業環境が見たい」，大量插畫師或者製作動漫畫嘅同業分享佢哋工作枱嘅實況相，大部份都超整齊，仲有好多動漫模型突入，不過相信影之前應該花咗好多心機執拾，入嚟有得睇。

「童顏」好多人都想要，不過現實生活上有好多都係「自稱童顏」，有日本網民分享咗個對比圖，可以睇到「天生」同「自稱」嘅分別，原來面長、人中長短等等都有影響！入嚟仲有網民分享嘅童顏女星，有驚喜。

細個有無玩過呢啲小玩具？最近日本漫畫《殘念男子》嘅作者「ヒメユリ」喺Twitter畫咗左邊幅插畫，分享佢兒時玩過嘅玩具，如果你都有印象，證明你年紀都有返咁上下嘞，唔少日本網民都話張圖勾起返佢哋嘅童年回憶，入嚟仲有得睇返玩具真身，好懷念呀！

喵星人通常玩貓棒或者餵零食時就會企起身，日本有網民集合咗佢隻喵嘅幾張站立相，全部都呆呆哋雙腳站立，超可愛，仲吸引好多網民RT同改圖。不過要留意返，如果貓貓長期站立，可能係身體出現咗問題，呢個情況特別常出現喺摺耳貓身上，因為佢哋嘅後肢過短，唯有靠企起身緩解痛楚。都係嗰句，記住以領養代替購買，同埋千祈唔好買摺耳貓！

放假要去旅行洗滌吓心靈，唔想成日都係去日本、韓國？最近有日本網民分享咗佢去西亞國家「格魯吉亞」(Georgia)嘅靚相，呢個地方曾經係蘇聯加盟共和國，1991年正式獨立，環境超靚，仲好似《薩爾達傳說》！樓主話當地嘅食物好味特嚟又好平，入嚟有多啲相睇。

日本好興呢啲纖維飲品，啫喱狀好有益，不過將佢變成飯團嘅食物纖維飲料，就唔係人人都接受到。日本有網民鼓起勇氣買咗嚟試，仲喺Twitter分享咗試後感，引起好多網民討論。首先飲飯團呢件事佢覺得已經好瘋狂，不過樓主話個味道係好正確嘅，有飯味、紀州南高梅味、鏗魚味同海苔味，不過個腦會接受唔到自己飲緊呢堆嘢落肚，咀嚼啫喱時感覺好尷尬。有網民留言話可能呢啲就係未來世界嘅食物，亦有人話適合用嚟做懲罰遊戲，睇完有無啲想買？據聞「驚安の殿堂」有貨，買返嚟送俾朋友做手信啱晒。

唔講唔覺，一講就好覺，最近有日本網民發現原來好多手機App都係用雀仔嚟做標記，特別係日本App，除咗經典嘅Twitter，仲有Seicomart、平和堂等等，之後越搵越多，喺Twitter好多人RT，睇相見到大量雀仔出沒，入嚟有得睇，順便可以睇吓日本人鍾意裝乜嘢手機App。

貓仔大得好快，有日本網分享佢隻貓嘅成長圖，左邊係細細個嘅時候，右邊係大個咗‥‥‥l由於張相太震撼，好多網民忍唔住貼圖回應，仲留言話係「詐騙案」，入嚟有多啲呢隻貓嘅生活照，放心，唔恐怖不過都係倔強樣。

Samsung部Galaxy S10電話多咗個大大個鏡頭喺右上角，好礙眼？Reddit唔少用戶就諗到換返張靚wallpaper，將個鏡頭完美隱藏，由金正恩到神盾局局長到星戰都有，超高質！入嚟有得睇。

時裝嘅嘢‥‥‥最近日本網民又發現撞樣事件，今次係時裝品牌Moschino嘅2019秋冬系列，有日本網民發現佢同便當接近完全一樣，張對比相放上網後好多人討論。其實今次設計師Jeremy Scott嘅靈感來自外國呀婆年代睇開嘅電視節目《The Price is Right》，除咗咁過份嘅晚餐外套之外，仲有洗衣機同牙膏手袋，入嚟有回帶。

之前都有初音版，睇完段片好想講：「每日開電腦見到呢個場面其實都幾開心！」有日本網民最近喺Stream買咗款新嘅動態wallpaper，係3個虛擬YouTuber絆愛「人工智障」一齊出現，不過更瘋狂嘅係嗰首歌，配合埋佢哋嘅表情，難怪喺Twitter超多人RT，入嚟有片睇，仲有link可以買。

領呔嘅嘢我唔熟，不過睇落似乎唔錯。日本有網民喺Twitter分享，話朝早睇新聞見到男主播嘅領呔打咗呢款結，原來稱為Trinity Knot，好似有3個結組成咁，睇落幾型，樓主仲分享埋綁法，有興趣可以入嚟學吓。

唔講唔覺，一覺就覺得好似。日本有網民分享咗呢碗拉麵，話佢勁似多啦A夢。兩隻雞蛋做眼，加木耳鼻，仲有藍色嘅外框，睇完就回不去了。間拉麵店叫「Shin-Shin」，位於博多站附近，去開福岡旅行可以試吓。唔少網民都分享咗佢哋試過嘅其他「多啦A夢拉麵」，入嚟有回帶。

好多時戴口罩都會戴到耳仔痛，日本有網民自創咗個新方法，加個萬字夾扣住個口罩，就可以掛喺頸後邊，有網民回覆話佢都用緊類似嘅方法，亦有人貼咗其他唔會勒住耳仔嘅口罩，仲有啲輔助器買，入嚟有回帶。