Post Tagged with: "出game表"

【2016出GAME表】1月至2月 [PS4 / XBox One / PS3 / Xbox / PC / Wii / 3DS / PS Vita]
by / on 01/01/2016 at 8:00 pm

【2016出GAME表】1月至2月 [PS4 / XBox One / PS3 / Xbox / PC / Wii / 3DS / PS Vita]

2016年,新一年開始,係時候計劃定今年嘅打機行程表嘞!嚟到1、2月,好多勁game陸續推出,最期待嘅有《進撃の巨人》、《人中之龍 極》同《火影忍者 疾風傳:終極風暴 4》,夠玩晒兩個月,但係有囡囡陪打沙灘排球嘅《DEAD OR ALIVE Xtreme 3 Fortune》同新一集《Street Fighter V》又好吸引‥‥‥仲有等咗好耐,希望唔好再延期嘅PS Vita《艦これ 改》同《Mighty No.9》。話時話,嚟緊兩個月PS Vita都幾多正Game,有興趣出機嘅可以諗諗。

Read more ›

【聖誕出GAME表】11月至12月 [PS4 / XBox One / PS3 / Xbox / PC / Wii / 3DS / PS Vita]
by / on 08/11/2015 at 6:05 pm

【聖誕出GAME表】11月至12月 [PS4 / XBox One / PS3 / Xbox / PC / Wii / 3DS / PS Vita]

11月至12月,天氣開始轉涼,仲有個聖誕假,最啱開機打!鍾意射擊game嘅最開心,有打緊嘅《Call of Duty: Black Ops III》,緊接住仲有《Star Wars: Battlefront》,仲未計大家等咗好耐,首次有中文版嘅RPG《Fallout 4》,以為就咁算?12月1日仲有呢隻《Tom Clancy’s Rainbow Six Siege》,差啲唔記得咗仲有11月27日PS4/PS3隻中文版嘅《Metal Gear Solid V: The Phantom Pain》同埋11月10日Xbox One嘅《Rise of the Tomb Raider》。講真,就算有錢買晒都未必有時間玩晒。 至於PS Vita機主11月至12月都有勁多新game,推介嘅有《英雄伝説 空の軌跡 SC Evolution》同《機動戦士ガンダム EXTREME VS. FORCE》,3DS仲有隻《Monster Hunter X》!好喇,今個聖誕節我嘅願望係比多個聖誕節假我。

Read more ›
【開學出GAME表】9月至10月 [PS4 / XBox One / PS3 / Xbox / PC / Wii U/ 3DS / PS Vita]
by / on 03/09/2015 at 5:15 pm

【開學出GAME表】9月至10月 [PS4 / XBox One / PS3 / Xbox / PC / Wii U/ 3DS / PS Vita]

今個月個出GAME表遲咗,首先因為《METAL GEAR SOLID V》出咗,機迷實好唔得閒啦,再者 9月1日開學,大家都無乜時間打機啩我諗,加上呢幾日又落雨,今日又放假,聽日又星期五,後日又星期六……講返9月至10月真係勁多game玩,玩完《MGSV》仲有大量運動game接連推出 -《FIFA 16》、《Winning 2016》、《NBA 2K16》,淨係online約朋友都有排忙,嚟緊10月仲有隻刺客《Assassin’s Creed Syndicate》同Xbox One隻《Halo 5: Guardians》,仲未計PS4隻《Uncharted Collection》同《GOD EATER RESURRECTION》,點解年年都係返學先嚟出咁多game?

Read more ›
【暑假出GAME表】7月至8月 [PS4 / XBox One / PS3 / Xbox / PC / Wii / 3DS / PS Vita]
by / on 01/07/2015 at 7:24 pm

【暑假出GAME表】7月至8月 [PS4 / XBox One / PS3 / Xbox / PC / Wii / 3DS / PS Vita]

今個月準備呢份出Game表可以用四個字嚟形容:「輕輕鬆鬆!」因為嚟緊7、8月嘅大作唔多。點解呢?暑期喎?我想留喺屋企打機多過去動漫節迫呀!今個月有PS4嘅《戰國BASARA 4》,或者重製版嘅《God of War III Remastered》,下個月重有隻《Until Dawn》。仲有PS Vita隻《太鼓の達人 V》、《IA / VT -COLORFUL-》同《艦これ 改》都幾吸引。總結,留返啲彈藥等9月10月,又Metal Gear又Rainbow Six又刺客又盛。

Read more ›
【出GAME表】5月至6月 [PS4 / XBox One / PS3 / Xbox / PC / Wii / 3DS / PS Vita]
by / on 03/05/2015 at 6:12 pm

【出GAME表】5月至6月 [PS4 / XBox One / PS3 / Xbox / PC / Wii / 3DS / PS Vita]

  最近日日都超過30度,放假都係留喺屋企開冷氣打機好過。5月至6月個人最期待有三隻Game,排名分先後:(1)《Batman: Arkham Knight》:回歸Rocksteady懷抱,蝙蝠迷同動作遊戲迷冇得唔玩!(2) 中文版《人中之龍0 誓約的場所》,5月14日出,雖然日文版出咗一排,但係系列首次中文化,又有李璨琛,點都會玩吓嘅。(3) 《The Witcher 3》:開放式世界RPG遊戲完結作,畫面靚到黐線。剩返可以一玩嘅仲有《Devil May Cry 4 Special Edition》、《Until Dawn》同埋《IA/VT -COLORFUL-》。

Read more ›
1月至2月出GAME時間表 [PS4 / XBox One / PS3 / Xbox / PC / Wii / 3DS / PS Vita]
by / on 28/12/2014 at 6:30 pm

1月至2月出GAME時間表 [PS4 / XBox One / PS3 / Xbox / PC / Wii / 3DS / PS Vita]

展望2015年,心情係唔同啲。嚟到下年1月至2月,大把Game等住玩,勇者鬥惡龍無雙《Dragon Quest Heroes》呢隻必玩,PS4/Xbox One第一隻龍珠遊戲《Dragon Ball Xenoverse》都走唔甩,仲有PS4隻《The Order:1886》。不過3隻都要等到2月先出,一月有咩玩?PS4/Xbox One隻《biohazard HD Remaster》同埋日頭殺喪屍夜晚要逃跑嘅《Dying Light》兩隻喪屍game都玩得過。至於PS3機主,可以玩埋隻《Tales of Zestiria》。其餘仲有《Dead or Alive 5: Last Round》、《BIOHAZARD REVELATION 2》、《Evolve》、《God Eater 2》,PS Vita都有大量紳士game輪住出。

Read more ›

11月至12月出GAME時間表 [PS4 / XBox One / PS3 / Xbox / PC / Wii / 3DS / PS Vita]
by / on 08/11/2014 at 10:18 pm

11月至12月出GAME時間表 [PS4 / XBox One / PS3 / Xbox / PC / Wii / 3DS / PS Vita]

    嚟到年尾,天氣有開始涼涼地,真係好有打機嘅氣氛,有咩好得過年尾假期喺屋企煲機吖?啱啱出咗《Call of Duty》,之後仲有《Far Cry 4》,打香港人奸角喎,啱晒o依家嘅香港人玩啦!再嚟《刺客教條》、《GTA V》高清版,第一身模式,當新Game玩都得!再之後,3DS機主要玩《Pokemon》,《Biohazard》高清版又嚟緊,真係夠你玩到出年。

Read more ›
5月至6月出GAME時間表 [PS4 / XBox One / PS3 / Xbox / PC / Wii / 3DS / PS Vita]
by / on 30/04/2014 at 8:58 pm

5月至6月出GAME時間表 [PS4 / XBox One / PS3 / Xbox / PC / Wii / 3DS / PS Vita]

5月雖然係考試季節,不過大量好Game等住出,機迷考生難免身痕。最大引誘嘅應該係Ubisoft隻《Watch Dogs》,延期之後終於要推出,5月英文版,6月中文版,睇你等唔等。另外亦有任天堂嘅招牌作《Mario Kart 8》。PS Vita紳士們仲大鑊,有《限界凸記》、《To Love》、《超女神信仰》等。

Read more ›
2014年3月至4月出GAME時間表 [PS4 / XBox One / PS3 / Xbox / PC / Wii / 3DS / PS Vita]
by / on 02/03/2014 at 5:02 pm

2014年3月至4月出GAME時間表 [PS4 / XBox One / PS3 / Xbox / PC / Wii / 3DS / PS Vita]

呢兩個月有排忙,基本上每日放工放學飛奔返屋企打機,時間都未必夠用。首先3月19日推出嘅PS3/PS Vita《J-Stars Victory VS》陣容超強勁,有齊聖鬥士星矢、龍珠、北斗之拳,唔玩唔得;再嚟有畫面超靚,有得駁埋手機app玩嘅《Metal Gear Solid V: Ground Zeroes》,仲有無理由唔買4月10日推出嘅《第3次超級機械人大戰Z 時獄篇》。次世代主機XBOX ONE有《TITALFALL》;PS4有《inFAMOUS Second Son》,可惜前者香港仲未有行貨,想撐唯有買PC版。再嚟仲有初音迷等咗好耐嘅《初音ミク -Project DIVA- F 2nd》、3DS嘅幾位女朋友《New Love Plus+》、PS Vita嘅《SOUL SACRIFICE Delta》同埋《刀劍神域》、《Dark Souls II》、《戰國無雙4》‥‥‥寫到我手抽筋,仲有好多不能盡錄,入嚟慢慢揀。

Read more ›
2013年12月出GAME時間表 [PS4 / XBox One / PS3 / Xbox / PC / Wii / 3DS / PS Vita]
by / on 30/11/2013 at 9:30 pm

2013年12月出GAME時間表 [PS4 / XBox One / PS3 / Xbox / PC / Wii / 3DS / PS Vita]

聖誕殺到又有長假期,有乜好得過匿喺屋企煲機?今個月香港PS4推出,要訂嘅應該一早訂咗,必玩應該係跟機嘅《KILLZONE》或者《真三國無雙7》,仲有隻可以同女朋友玩嘅《KNACK》;XBoxOne水貨都返咗,唔駛諗梗係玩《Dead Rising 3》。想睇定啲先買新主機嘅,仲有隻PS3嘅GT6同埋真《Gundam無雙》可以玩;再唔係3DS機主都有好多正嘢,《進擊之巨人》、《PAD》都出喇;最後仲有PSV機主,有《Gundam無雙》同《魔法少女小圓》陪住過節。點解唔提等咗好耐嘅《FFX HD》版呢?因為暫時只得日文版確定咗12月26日出,中文版冇講實,唔係唔同步嘛?

Read more ›
2013年10月出GAME時間表 [PS3 / Xbox / PC / Wii / 3DS / PS Vita]
by / on 29/09/2013 at 6:13 pm

2013年10月出GAME時間表 [PS3 / Xbox / PC / Wii / 3DS / PS Vita]

仲有兩個月,出game表就會多咗兩部主機 ─ PS4同埋Xbox One,陣容強勁呀!講返正題,《GTA V》之後,10月1日仲開通埋online。而且射擊迷好唔得閒,《Battlefield 4》喎,網上血戰喎,爽到爆炸!仲有隻《NBA 2K14》都係好多人期待之作,呢兩隻都有PS4同埋Xbox One版,不過梗係唔等,開機打住先啦!另外仲有兩隻口碑唔錯嘅《Beyond: Two Souls》同埋《Batman Arkham Origins》,差啲漏咗,3DS機主係時候放低隻芒亨,準備迎接《寵物小精靈 Pokémon X‧Y(ポケットモンスター XY)》嘅攻擊嘞!

Read more ›

2013年9月出GAME時間表 [PS3 / Xbox / PC / Wii / 3DS / PS Vita]
by / on 31/08/2013 at 9:12 pm

2013年9月出GAME時間表 [PS3 / Xbox / PC / Wii / 3DS / PS Vita]

打波先嚟落雨,開學先嚟出勁game,I know that feel bro…9月開學,暑期作業未做過,返學預咗比人鬧,返屋企梗係要打機發洩吓!今個月無得傾,有3DS嘅,約齊人屠龍玩芒亨4!家用機嘅,全世界都煲《GTA V》,9月17日出,殺人放火金腰帶!想做運動健將有兩大足球遊戲《FIFA 14》同《WINNING 2014》,兩隻都係9月底出,玩邊隻好?都係跟大隊睇班friend頭啦!至於WiiU,都有隻《薩爾達傳說:風のタクト》咁大把,多謝晒喎。

Read more ›
2013年8月出GAME時間表 [PS3 / Xbox / PC / Wii / 3DS / PS Vita]
by / on 28/07/2013 at 8:30 pm

2013年8月出GAME時間表 [PS3 / Xbox / PC / Wii / 3DS / PS Vita]

8月終於可以放足一個月暑假抖暑,你哋就好啦!今個月有好多正Game,不眠不休狂煲真係人生樂事。個人推介《JoJo奇妙冒險 All Star Battle》,套裝跟figure賣日本都訂斷市,另外似乎唔多好玩但有好多囡囡陪嘅《KILLER IS DEAD》都好啱寂寞夜晚。另外隻《SPLINTER CELL BLACKLSIT》好多人都等咗好耐,尤其是PS3機主,因為係第一次出喺PS平台,不過中文版都接住嚟,等唔等?梗係唔等啦,下個月開學喇喎。最後手提機機主都有正嘢,PS Vita有得玩《魔裝機神》同埋《RO Ace》,至於3DS?梗係《熱血高校》啦!不過玩得呢隻嘅,相信都無暑假放,我都好想放暑假呀!

Read more ›
2013年7月出GAME時間表 [PS3 / Xbox / PC / Wii U / 3DS / PS Vita]
by / on 29/06/2013 at 10:01 pm

2013年7月出GAME時間表 [PS3 / Xbox / PC / Wii U / 3DS / PS Vita]

嚟到7月,任天堂終於吐氣揚眉,除咗3DS有隻等咗好耐嘅《逆転裁判5》推出,連封晒塵嘅Wii U都有3隻新game出,都啱嘅,任天堂咁多一家大細客人,放暑假無嘢玩點算好?另外PS3/ PS Vita隻橫向動作RPG《Dragon’s Crown》都有好多人等緊,咦,Index (Atlus)啱啱宣佈破產,會唔會搞到隻game延遲推出o架?好彩仲有隻《地球防衞軍4》可以玩,都唔啱心水?可以買返套Metal Gear Solid合輯翻煲,玩晒MGS 5就應該差唔多出o架嘞。

Read more ›
2013年6月出GAME時間表 [PS3 / Xbox / PC / Wii U / 3DS / PS Vita]
by / on 25/05/2013 at 11:04 pm

2013年6月出GAME時間表 [PS3 / Xbox / PC / Wii U / 3DS / PS Vita]

XBOX ONE同埋PS4都要等到年尾先有得玩,嚟緊半年梗係用盡啲屋企部機啦。今個月遊戲貴精不貴多,最爽係PS3機主,有兩隻獨佔大作玩,其中一隻係《Gundam Breaker》,日本下載試玩版人數已經達到50萬人,加上有4人協力,期待。另外編輯部試玩過嘅末日求生動作遊戲《The Last of Us》驚嚇氣氛一流,都係必玩。最後由ω-Force開發嘅MH類PSP/PS Vita遊戲《討鬼傳》真係唔差,未試過嘅下載免費試玩版再決定都唔遲。差啲唔記得仲有隻CAPCOM全新作品《Remember Me》喺6月4日推出,黑馬作品,Xbox同埋PC玩家都有得玩。

Read more ›