Post Tagged with: "出圖"

Dragon Quest今日33歲生日 製作人Twitter出圖賀一賀
by / on 27/05/2019 at 7:56 am

Dragon Quest今日33歲生日 製作人Twitter出圖賀一賀

唔經唔覺,原來勇者鬥惡龍Dragon Quest已經33歲嘞!今日(5月27日)係佢嘅誕生日,SQUARE ENIX遊戲製作人青海亮太喺佢嘅個人Twitter度出咗幾張相,有埋當年嘅紅白機,啲帶仲保存得勁靚,仲有好多史萊姆呀,有無勾起你嘅回憶?

Read more ›

日本「平成最後一天」 Twitter大量網民出圖紀念
by / on 30/04/2019 at 8:26 am

日本「平成最後一天」 Twitter大量網民出圖紀念

今日日本Twitter個個都講緊「平成最後一天」,過埋今日,聽日就正式踏入「令和」新年號嘞!好多網民喺Twitter出圖紀念,仲有人發現平成年嘅第一日,原來同最後一日(今日)都係落雨,連天氣報導都出動埋,入嚟有回帶。

Read more ›
【有片】《Kingdom Hearts III》日本今日出   超人氣畫師出圖紀念
by / on 25/01/2019 at 7:09 am

【有片】《Kingdom Hearts III》日本今日出 超人氣畫師出圖紀念

等咗好耐嘅《Kingdom Hearts III》日文版今日推出,日本Twitter勁多人熱烈慶祝,其中呢位近年人氣超高,專畫動漫角色背面嘅插畫師「いまむー」原來都係fans,佢仲專登畫咗三集嘅主角Sora嘅背影出嚟,一見到支鎖匙回憶就返晒嚟啦!另外入嚟有得睇埋官方新出嘅宣傳片,由Kingdom Hearts嘅cute版動畫到今集遊戲畫面,好正。仲有fans用遊戲封面重新畫成識郁嘅像素畫,超勁,入嚟有得睇晒佢。

Read more ›
日本巨型鯊魚睡袋 網民出圖回應Twitter熱傳
by / on 10/01/2019 at 7:16 am

日本巨型鯊魚睡袋 網民出圖回應Twitter熱傳

呢隻好似IKEA嘅鯊魚嘅巨型睡袋,有無令你好想買返個?日本有網民分享咗,其他網民反應超熱烈,有人出動畫圖回應,有人話已經買咗,用咗佢發夢會唔會夢到自己俾鯊魚吞落肚?BTW,個睡袋賣5萬円,入嚟有link,而家預約3月中發貨。

Read more ›
2019日本新興邪教 倉鼠領軍網民出圖回應
by / on 03/01/2019 at 7:55 am

2019日本新興邪教 倉鼠領軍網民出圖回應

嚟到2019年,日本有新興嘅邪教誕生!有網民放咗張相喺Twitter吸引好多人RT,睇相見到隻倉鼠教宗企咗上屋頂發表邪教宣言,台下仲有幾個蠢蠢哋嘅信徒,網民好快又改圖又出圖回應,有人仲話平成年之後就係呢班倉鼠嘅世界,回覆嘅圖都好高質,入嚟有回帶。

Read more ›
日本罕見「紅白藍三色玫瑰」網民出圖回應Twitter熱傳
by / on 08/10/2018 at 7:17 am

日本罕見「紅白藍三色玫瑰」網民出圖回應Twitter熱傳

不同顏色嘅玫瑰見得多,呢隻紅白藍色真係第一次見。有日本網民放咗上Twitter分享,地點係池袋嘅丸井一間期間限定嘅花店,除咗呢款玫瑰外,仲有好多其他顏色,去開附近可以去睇睇。不過網民就狂出圖回應,聯想力超豐富。

Read more ›

日本肥喵身形超巨大 可樂做對比網民出圖回應
by / on 03/09/2018 at 7:46 am

日本肥喵身形超巨大 可樂做對比網民出圖回應

有時睇相真係唔可以作準,唔止係女仔,連貓都係。日本有網民放咗兩張相上網,話單睇左邊嗰張,無諗到隻貓嘅身形已經變到咁巨大。睇返右面張相,放咗樽可樂就完全感受到隻肥貓嘅超巨大身形!之後大量貓奴出動,各自都放支飲品同隻貓做吓對比,原來日本超多肥喵!入嚟有回帶。

Read more ›
日本喵星人梳毛重手咗 被變形網民出圖回應
by / on 28/08/2018 at 7:09 am

日本喵星人梳毛重手咗 被變形網民出圖回應

唔係見到對耳,都唔敢肯定呢隻係貓。日本有網民分享咗佢隻喵嘅新相,樓主阿爸啱啱幫隻貓梳完毛,可能重手咗,令到隻貓變埋形。網民睇到好開心,仲有好多聯想,不斷出圖回應,連芒亨都有,仲改埋圖,超好笑,入嚟有回帶。

Read more ›
日本「最強流派」喵喵拳 網民狂出圖回應
by / on 14/05/2018 at 8:55 am

日本「最強流派」喵喵拳 網民狂出圖回應

喵喵拳有幾勁大家都見識過,最近有日本網民放咗呢張相上網,仲話係決定性嘅一刻。之後其他網民好興奮,陸續出改圖,又話諗起星矢嘅廬山昇龍霸,有人話似街霸嘅Ryu同Sagat,仲有鐵拳浪子,入嚟有回帶。

Read more ›
【圖集】日本「貓之日」人氣插畫師出圖 巨喵襲地球
by / on 23/02/2018 at 7:59 am

【圖集】日本「貓之日」人氣插畫師出圖 巨喵襲地球

噚日係日本嘅「貓之日」,日本專畫巨型動物嘅人氣插畫師都畫咗圖慶祝吓,除咗佢之外仲其他精彩作品,包括最鍾意攬住主人唔放嗰隻日本喵嘅新片。另外可以回帶睇返噚日Twitter洗版嘅「貓之日」賀圖!

Read more ›
【圖集】睇漫畫學大道理(5) 日本網民再出圖今次有《網球王子》
by / on 06/01/2018 at 7:58 am

【圖集】睇漫畫學大道理(5) 日本網民再出圖今次有《網球王子》

又有新系列嘞,呢位近期好紅嘅日本網民啱啱又有新作,依然都係畫出動漫角色嘅背面,再加上佢學到嘅大道理。今次難估啲,不過好快已經有網民話係《青の祓魔師》(青之驅魔師)、《D.Gray-man》(驅魔少年)、《アイシールド21》(光速蒙面俠21) 同埋《テニスの王子様》(網球王子),其中チート(cheat)就引到好多網民笑嘞,另外《D.Gray-man》嘅アレンが出場都令好多網民好開心。

Read more ›

【圖集】睇漫畫學大道理(4) 日本網民再出圖今次有柯南
by / on 31/12/2017 at 10:54 am

【圖集】睇漫畫學大道理(4) 日本網民再出圖今次有柯南

嚟到年尾接近新一年,呢位近期好紅嘅日本網民都無偷懶,繼續「睇漫畫學大道理」系列。今次唔再係只有兩個字嘅道理,學多咗嘢。其中我最鍾意都係柯南嘅「雑学」,另外留意返《進擊的巨人》嗰張改咗字體,有網民話應該係跟返本身Logo嘅字體,入嚟有埋回帶重溫之前嘅大道理。

Read more ›
【圖集】睇漫畫學大道理(3) 日本網民再出圖終於到悟空
by / on 24/12/2017 at 1:28 pm

【圖集】睇漫畫學大道理(3) 日本網民再出圖終於到悟空

又係呢個日本網民嘅「睇漫學畫大道理」系列,今次繼續有4個角色同埋4個道理,喺悟空身上係咪學到「勇氣」?其他仲有「運命」、「護る」、「正義」,JoJo都出埋嘞,入嚟有得睇,同埋有回帶睇返之前嘅8個作品,當然唔少得HUNTER×HUNTER嘅「休養」啦。

Read more ›
【圖集】睇漫畫學大道理(2)    日本網民再出圖Twitter熱傳
by / on 22/12/2017 at 8:18 am

【圖集】睇漫畫學大道理(2) 日本網民再出圖Twitter熱傳

早兩日出過圖,日本有網民放咗幾張經典漫畫角色嘅背面圖,上面加咗佢從中學到嘅道理,好型,喺Twitter已經超過咗10萬RT。啱啱佢再出新圖,今次繼續有4個角色,人情、信賴、覺悟、休養,最正一定係「休養」嘞,不過學咗都未必可以好似冨樫義博咁做到。BTW,大家認唔認得晒所有角色?入嚟有回帶睇埋上次嘅作品。

Read more ›
【圖集】外國網民出圖狂串iPhone X     用家貪新鮮
by / on 14/09/2017 at 7:25 am

【圖集】外國網民出圖狂串iPhone X 用家貪新鮮

iPhone X公佈咗之後好多人討論,外國有唔少網民仲喺Twitter出圖諷刺,主要都係針對佢貴到近萬蚊嘅售價同埋面部辨識功能嘅可行性,想買或者唔想買嘅都笑得出。最正係影個男仔拖住部「iPhone 8」但又忍唔住望經過嘅「iPhone X」,仲有串大家如果俾人打腫咗塊臉想求救時,iPhone X會唔認得你‥‥‥不過講還講,到出嘅時候一樣係大把人衝去買。

Read more ›