向《古惑仔》電影致敬? 冷氣機廣告惡搞南哥/細細粒/烏鴉

好嘢,真係不得不寫個服字,惡搞?致敬?點都好啦,總之呢個Sell大金冷氣嘅廣告,就攞咗《古惑仔》電影橋段嚟玩嘢,笑到我。從中,你會見到烏鴉、細細粒同南哥,造型驟眼睇都有七八分似,而重演嘅有兩幕,一,公共屋邨南哥俾仇家追斬帶住細細粒較腳一幕;二,烏鴉捉咗細細粒,最後喺南哥面前開槍殺死細細粒一幕,不過依家就變咗南哥隔住度門被槍殺。搞咁多大龍鳳,無非玩戲中戲廣告突入改劇本,再間接Sell冷氣機遠端遠控、智慧眼同三大優點,無聊得嚟又中到Point,《古惑仔》Fans一定笑得出,唔知牛佬見到會唔會笑呢?

Read more ›