Tag: 冰桶挑戰

印度潮玩「飯桶」挑戰 唔玩冰桶玩飯桶

冰桶挑戰仲繼續有人玩緊,最近印度就將呢個活動改良,搞咗個飯桶挑戰,活動名加咗個「R」字喺前面,叫「Rice Bucket Challenge」。玩法方面:(1) 先喺屋企廚房裝一碗飯 (2)拎去附近交比有需要嘅人 (3)貼返張相上FB (4)Tag返自己朋友然後叫佢哋一齊參加挑戰。唔好講笑,活動由24號到今日已經有4萬幾人like咗,好多人捧住桶米影相,雖然有啲搞笑,但係善事無人嫌多,可以將善心發揚開去都係好事嚟嘅。

Read more ›

冰桶挑戰cosplay服裝 假扮倒冰唔駛濕身

今個月最hit話題非「冰桶挑戰」莫屬,咁紅起上嚟,周邊產品自然會出現啦,呢件假扮倒冰嘅服裝無聊得嚟又幾應景,由外國網店Brands on Sale設計,有一個冰桶、一個冰格,仲有個白色網扮水,個白色網上面仲貼咗幾塊模擬冰粒,不過要扮就要長期舉起隻手拎住個冰桶,都幾攰。BTW,佢都不忘做善事(抽水),話每賣出一套,就會捐出10蚊美金,套衫盛惠美金$39.99,相信應該計埋嗰$10美金入去嘞。

Read more ›