日本富士山「泡雲」啤酒杯 全錫製超冰凍

日本人鍾意飲啤酒,又鍾意富士山,所以有呢隻叫「泡雲」嘅啤酒杯出現都好合理。杯邊有個富士山景,當你斟啤酒入去之後,就會好似見到喺雲中嘅富士山一樣,如果斟清酒落去,就會見到富士山嘅倒影。由高岡市專做「高岡銅器」嘅「銀雅堂」出品,用日本傳統工藝打造,勁在全隻杯都係用「錫」,唔易氧化同埋防腐蝕,仲可以放喺雪櫃雪凍先拎出嚟斟啤酒,即時有超凍效果,呎吋都有特別研究話有好手感,所以價錢都唔平,樂天網賣緊5940円,即係4百幾蚊港紙。

Read more ›