《黑漫畫4》12月17日見街 老馮+福龍〈霸刀戰無極〉

嘩,咁快手快腳,即係好賣喇!《黑漫畫3》都未翻睇第二次,話咁快就有《黑漫畫4》封面睇咯,封面依舊由福龍操刀,依舊係齋買封面都抵嗰隻。下期《黑漫畫4》主題係「再見英雄」,除張萬有、葉明發、梁偉家、廖光祖、戴慶賢、鄧達軒同馬遜外,內文故事有霸刀20周年頭砲〈霸刀戰無極〉,由老馮負責主編同起稿,福龍客串,如此陣容,諗吓都覺得熱血沸騰呀。有乜特別版暫時未知,淨係知鐵定12月17日見街,一億個拭目以待呀。

Read more ›